ÂTHAONA 26:1 - Mara Bible RV (BSI)

¹ Abarahâ a hro nota chakâhna a tlô khai tawhna khata, râh liata chakâhna vaw tlô heih ta. Chavâta Aisika cha Philistinâ bei Abimele yna Kerâ khih lâ sie ta.

ÂTHAONA 26:1 ပူးပေါင်းရင်းမြစ်များ

ÂTHAONA 12:10

Cha râh liata chakâhna vaw tlô ta, râh liata chakâh mozohpa vâta, Abarâ cha Izi râh liata y chy awpa ta zu ta.

ÂTHAONA 25:11

Abarahâ a thi tawhta, Khazohpa ta a sawchapawpa Aisika cha byhnâ pie ta. Aisika cha Belahairô kiapâh liata pahrâ ta.

ÂTHAONA 25:34

Zakaw ta Esaw cha viahchhâ nata abie pati pie ta, niepa ta doh ta, thyu ta sie ha ta. Cha hawhna chata Esaw ta sawchapaw uhtheipa a châna tovyuh cha a pahlei haw.

ÂTHAONA 42:5

Kâna râh liata chakâhna a tlôpa vâta, Izarei sawchapawzy cha, sâh chalei awpa ta a siepazy hry liata sie hra ei ta.

ÂTHAONA 43:1

Cha râh liata chakâh mozohna cha tlô lymâ ta.

2 SAMUELA 21:1

Dâvi ryureina daihti liata, â zaopa ta kô thôh chakâhna tlô ta. Dâvi ta Abeipa hmia pado ta. Abeipa ta, “Sawla ta Kibiô mo a thiepa vâta, ano nata a chhôhkha chô liata thisaih maoh a y,” tah ta.

PUASAINA 33:1

Abeipa ta Mawsi hnohta, “Izi râh tawhta nâ kaw chhi papuapazy chhao khata, he su tawhta pua u la, Abarahâ, Aisika nata Zakaw hnohta, ‘Na pathlazy hnohta ei pie aw,’ tahpa ta bie ei vaw taihpa râh lâ khy teh u.

RUTHI 1:1

Ryureituhpazy ta ryu ama reina daihtizy liata, Izarei râh liata chakâhna vaw tlô ta. Zudâh râh Bethlehe chyhsa pakha cha, a lapinô nata a sawchapaw panopazy chhaota Môabâ râh liata pahrâ chy awpa ta sie ta.