ÂTHAONA 25:27 - Mara Bible RV (BSI)

²⁷ Hawtizy cha vaw laiseih ei ta, Esaw cha sakathaipa, râh a khiepa chyhsa châ ta, Zakaw cha chyhsa reih hluh leipa, poh o liata a pahrâpa a châ.

ÂTHAONA 25:27 ပူးပေါင်းရင်းမြစ်များ

ÂTHAONA 10:9

Abeipa hmiakô liata sakathaipa mohpathâhpa châ ta, chavâta “Abeipa hmiakô liata sakathaipa mohpathâhpa Nimraw hawhta,” tahpa ta rei tyhpa a châ.

ÂTHAONA 21:20

Khazohpa cha hawtipa hnohta y ta, laiseih lymâ ta. Râhchawhpa liata pahrâ ta, libaw ka thaipa a vaw châ.

ÂTHAONA 27:40

Na zaozi ta hroh aw chi ta, Na unawhpa na chakao aw; Na pua tita deikua cha, A raopaky na rao tawhta na pahluh aw,” tah ta.

ÂTHAONA 46:34

nâmo ta, ‘Na seizy he eima hawtita tawhta tahmâ taihta, miah pathlatuhpazy hawhta, sahroh vaituhpazy eima châ’ nama tah aw. Chatanachata Kôse râh liata nama pahrâ thei aw, mietaku vaituhpazy cha Izi chyhsazy châta pasichhihpa châ tlôh ei ta,” tah ta.

ÂTHAONA 6:9

He he Nôah pathlazy thâtih a châ. Nôah cha chyhsa siapa châ ta, ano chhâ chyhsazy hry liata seina a hnei leipa a châ. Nôah cha Khazohpa nata a kaolâh tyh ei ta.

ZAWBÂ 1:1

Uzi râh liata chyhsa pakha, a moh Zawbâ ama tahpa y ta. Cha chyhsa cha seina hnei leipa, chyhsa dopa, Khazohpa a chipa nata moleina a heihsaipa chyhsa a châ.

ZAWBÂ 1:8

Abeipa ta Sâtâ hnohta, “Nâ chakaotuhpa Zawbâ thâtih na pachâ beih ma? Alei chô liata ano hawhpa rai y veih ei. Ano cha seina hnei leipa, chyhsa dopa, Khazohpa a chipa nata moleina a heihsaipa a châ,” tah ta.

ZAWBÂ 2:3

Abeipa chata Sâtâ hnohta, “Nâ chakaotuhpa Zawbâ thâtih na pachâ beih ma? Alei chô liata ano hawhpa rai y veih ei. Ano cha seina hnei leipa, chyhsa dopa, Khazohpa a chipa nata moleina a heihsaipa a châ. A chhâpa y leipa ta ano cha pahleipadia awpa ta na pasyu chi ta, châhrasala â dona cha â ipa ta khâ a patu,” tah ta.

HLAZY 37:37

Chyhsa phapakipa ngia la, Chyhsa dopa moh tua; A chhâ nawpa cha thlalôhna a châ.

ZEREMIAH 35:7

O namâ sa awpa châ leipa ta, chi chhao nama chei awpa châ hra leipa ta, kre sadôzy taopa ta nama hnei awpa châ vei. Nama pahrâna râh liata nama hro a pareih thei nawpa ta, nama hro chhôh zydua poh o liata nama y awpa a châ,’ tahpa ta bie miah pie ha ta.

HEBRAI 11:9

Ngiapâna ta bietai râh liata pahrâ awpa ta sie ta, chihropa râh liata ypa hawhta y ta, bietai miakha ryutolâhpa Aisika nata Zakaw zy chhaota poh ozy liata ama pahrâ.