ÂTHAONA 25:18 - Mara Bible RV (BSI)

¹⁸ A pathlazy cha Havilâ râh tawhta Izi râh daih lâta Surâ râh taihta pahrâ ei ta, Asuria râh taihta pahrâ hra ei ta, ama unawhzy nata a khakhaipa ta ama y lymâ.

ÂTHAONA 25:18 ပူးပေါင်းရင်းမြစ်များ

ÂTHAONA 10:29

Ôphi, Havilâ nata Zôbabi zy sa ta, cha zydua cha Zawkatâ pathlazy ama châ.

ÂTHAONA 10:7

Kusi sawchapawzy cha Sibâ, Havilâ, Sâbatâ, Râmâ nata Satekâ zy ama châ. Râmâ sawchapawzy cha Sebâ nata Dedâ zy ama châ.

ÂTHAONA 13:10

Lawta cha mohmia pasaih ta, Zawâ tlôna taihta Zawdâh bypi zydua cha Abeipa sadô hawhta nata Izi râh hawhta ti phana by a châpa ta hmô ta. Cha cha Abeipa ta Sawdawmâ nata Kawmawrâ khih a parao hlâ daihti a châ.

ÂTHAONA 14:10

Sidi Saikao cha chiatlao khaoh ta bie ta. Sawdawmâ nata Kawmawrâ beizy cha a râ ei ta, chiatlao khaoh liata tla ei ta, a tla laibâhpazy tlâh lâ a râ ei ta.

ÂTHAONA 16:12

Ano cha alâ hrâhpa hawhta châ aw ta, Chyhsa to a dyuh aw ta, Chyhsa to ta ano a dyuh aw ei ta, A unawhpa zydua nata a ryh leipa ta a y aw,” tah ta.

ÂTHAONA 16:7

Abeipa vâlyuhchâpa ta Hâkarâ cha râhchawhpa tihnawh kiapâh, Surâ pangaina lâthlôh liata tihnawh kiapâh liata hmô ta.

ÂTHAONA 2:11

Miakhana cha Pisaw chavah châ ta, ngôh puana Havilâ râh zydua chahryhpa ta a lohpa a châ.

ÂTHAONA 20:1

Cha tawhna chata Abarahâ cha Neke râh lâ sie ta, Kâdesâ nata Surâ likawh liata pahrâ ta. Kerâ khih liata bohpi leipa y hra ta.

ÂTHAONA 21:14

Chatanachata Abarahâ cha mydi kari ta thyu ta, viahchhâ nata savo titheih la ta, Hâkarâ pie ta, a ngiatlâh liata khaih ta, hawtipa nata pasiesa ha ta. Hâkarâ cha sie ta, Besebâ râhchawhpa liata viavipa ta a khiekhâ ta.

ÂTHAONA 21:21

Pârâ râhchawhpa liata pahrâ ta, a nô ta Izi zuah a lapinô ta hiapa ta.

2 ABEIZY 23:29

Zôsia â bei nota, Izi bei Phiraoh Nekô cha Asuria bei a dyuh awpa ta Ufrâti chavah lâ khy ta. Bei Zôsia cha sie ta, Phiraoh Nekô cha Mekidô khih liata a kei duakhâh ta. Phiraoh Nekô ta Zôsia cha hmô ta, a thie haw.

1 THÂTIHZYRONA 1:23

Ôphi, Havilâ, Zôbabi zy sa ta. Cha zydua cha Zawkatâ pathlazy ama châ.

HLAZY 78:64

Ama theihthaipazy zaozi ta pao ei ta, Ama nôhmeizy chaphôhtu khao veih ei.

PUASAINA 15:22

Mawsi ta Izarei sawzy cha Tilaipi Saihpa tawhta puakhei ta, Surâ râhchawhpa lâ pangaipa ta sie ei ta. Râhchawhpa liata noh thôh sie ei ta, ti rai hmô leipa ei ta.

EZEKIA 23:23

Babylaw mo nata Kaldia mo zydua, Pekô nata Sôâ nata Kôâ mozy nata ama hnohta a ypa Asuria mo zydua, satlia khochhih ngaitapazy, râhvaotuhpazy nata pheisaih hyutuhpa zydua, beimachâzy nata chyhsa moh pathâhpazy, ama zydua ta arâ a kiahpazy châ ei ta, chazy chata ama cha vaw siehnao aw.

1 SAMUELA 15:7

Sawla ta Amale mo cha Havilâ tawhta Izi nochhi lâta Surâ taihta a dyuh ta.