ÂTHAONA 24:67 - Mara Bible RV (BSI)

⁶⁷ Aisika ta Rebekâ cha a nô Sârâ poh o lâ a ngiakhei ta, Rebekâ cha hnei ta, a lapinô vaw châ ha ta. Aisika ta Rebekâ cha kyhpachâ ngaita ta, chatanachata a nô a thi tawhta thlahpalôhpa ta y ha ta.

ÂTHAONA 24:67 ပူးပေါင်းရင်းမြစ်များ

ÂTHAONA 18:6

Abarahâ cha poh o chhôh lâ thlai a ngia ta, Sârâ hnohta, “Viahdie dipa saikhua hmo thôh li la, neih la, viahchhâzy vaw tao para teh,” tah ta.

ÂTHAONA 24:66

Chakaotuhpa ta a hmo taopa zydua cha Aisika chho khai ta.

ÂTHAONA 25:1

Abarahâ ta lapinô hropa hnei ta, a moh Keturâ a châ.

ÂTHAONA 25:20

Aisika cha Pâdâ-Aramia râh liata Aramia chyhsa Bethua sawchanô Rebekâ lapinô ta a hnei nota kô sypalihpa a châ. Rebekâ cha Aramia chyhsa Lâbâ sietanô a châ.

ÂTHAONA 29:18

Zakaw ta Râkheli cha kyhpachâ ta. Lâbâ hnohta, “Na sawchanô seihnainô Râkheli hnei awpa ta kô sari ei cha chakao aw,” tah ta.

ÂTHAONA 37:35

A sawchapaw nata a sawchanô zydua ta ano thlapalôh awpa ta thyu ei ta. Châhrasala Zakaw ta ama thlapalôhna cha a pyh khoh leipa ta, “Châ vei, mâchhiesana chôta ei sawchapawpa hnohta Athihkhih lâ ei sie aw,” tah ta. Chatanachata a paw cha ano a ngiahpa ta cha tyh ta.

ÂTHAONA 38:12

Bohpi a châ tawhta, Zudâh lapinô, Sua sawchanô cha thi ta. Zudâh cha a mâchhiesapa a pai tawhta, Timnâ khih liata a mietaku hmi ngyutuhpazy lâ a viasapa Adulâ chyhsa Hirâh nata khy ei ta.

HLAZY HLA 8:2

Châ chhi aw na ta, Nâ pachu tyhpa Ei nô o liata ei châ ngiakhei ha awpa tlai. Kresawhti ropahâhpa cha padosa aw na ta, Ei pawmikarânâ thei ti ei cha padosa awpa tlai.

1 THYSALAWNIKA 4:13

Unawh saih u, hnabeiseihna rai a hnei leipa mohropazy hawhta nama pachâ a rôh lei nawpa ta, a môpazy thâtih nama pahno lei awpa khoh ma pi.

1 THYSALAWNIKA 4:15

Cha cha Abeipa bie tawhta nama hnohta eima reipa kha a châ. Keimo Abeipa â vyna taihta ahrohpa ta a ypazy pi heta, a môpazy cha chhao cheita aw ma pi.