ÂTHAONA 24:49 - Mara Bible RV (BSI)

⁴⁹ Chavâta tahmâ ei zibeipa cha nama ngiachhie thei awpa nata a chô liata â dopa ta nama tao awpa khiahta cha, na chho u la, nama tao lei awpa a châpa chhao rai ta, na chho hra teh u. Chatanachata chachâh lâ tlyma, chavei lâ tlyma ei heih thei aw,” tah ta.

ÂTHAONA 24:49 ပူးပေါင်းရင်းမြစ်များ

ÂTHAONA 32:10

châ chakaotuhpa chô liata ngiachhiena nata ngâchhihna na palâsapa zydua hry liata a chyh chaipa chhao a phuh va na. Ei chôchahrei deita a chhypa ta Zawdâh he vaw chaka na ta, tahmâ cha py no eima vaw châ haw.

ÂTHAONA 47:29

Izarei cha a thi nawpa daihti â hnia nahta, a sawchapawpa Zawsi aw ta, a hnohta, “Na modypa ei châ khiahta cha, ngiachhiepa ta na ku kha ei byhpi ry liata vaw chahraoh la, ei chô liata nôphapa nata âdopa ta tao awpa ta bie nâ taih mah y. Izi râh liana he rie na pabu cheita khah y.

BIESOZY 3:3

Ngâchhihna nata biehmeiseihpa ta châ heihsai khah sy; Na rao liata chazei la, Na palôh lôphiapa liata roh ha mah y.

MALUHREINA 20:17

Ngiachhiepa ta na râh siepahlie awpa miah pasai mah y. Lyu tlyma, kre sadô tlyma, siepahlie leipa aw pi ta, tikhaoh tizy doh hra aw ma pi. Abei Lâlai liata sie aw pi ta, na râh eima khô hlâlei cha, chachâh lâ tlyma, chavei lâ tlyma tlei aw ma pi,” tah ta.

RYHPACHANEINA 2:27

‘Na râh siepahlie eina pasai awpa chi ta ei châ haw. Lâlai a chhihpa ta sie aw na ta, chachâh lâ tlyma, chavei lâ tlyma, tlei aw va na.

ZAWSUA 2:14

Mohparutuhpazy ta a hnohta, “Eima hmotaopa he nama reih leipa khiahta cha, eima hrona ta nama hrona cha pachha aw pi ta, eima thipa chhao ta eima thi aw. Abeipa ta râh he miah a pie tita, cha ngiachhie aw pi ta, na chô liata ngâchhih ngaitapa ta eima tao aw,” tah ei ta.