ÂTHAONA 24:45 - Mara Bible RV (BSI)

⁴⁵ “Ei palôh ta thlah ei chhâ khai hlâta, Rebekâ cha a tibeih a ngiatlâh liata khaihpa ta vaw pua ta, tikhaoh lâ zu ta, ti za thaih ta. A hnohta, ‘Ngiachhiepa ta ti na padosa teh,’ tah na ta.

ÂTHAONA 24:45 ပူးပေါင်းရင်းမြစ်များ

ÂTHAONA 24:44

ei hnohta, “Doh mah y, na râraoseihpazy châta chhao ti ei thaipa hra aw,” a tahtuhpa cha, ei zibeipa sawchapawpa châta Abeipa raopa chanô châ mawh sy,’” tah na ta.

2 SAMUELA 7:27

Hy Pheisaihzy Abeipa, Izarei Khazohpa y, nâma tlai ta, châ chakaotuhpa hnohta, ‘Chipathlazy ei cha paduapa aw,’ tahpa ta phuah ha chi ta, chavâta châ chakaotuhpa heta he thlahchhâna he na hnohta ei vaw tlôkhei ngâhpa a châ.

NEHEMIAH 2:4

Abei ta, “Khâpa na hia khoh?” na tah ta. Avâ Khazohpa lâ thlahchhâ na ta.

ISAI 58:9

Cha tina cha Abeipa pado aw chi ta, A cha chyh-ei aw; Abeipa lâ awh aw chi ta, ‘He liata ei y,’ a cha tah aw. Nama hry tawhta raopaky la la, Kudy ta dypâpa hmâh khao leipa la, Bie chhiepa reih khao khah y.

ISAI 65:24

Eina aw hlâ ei ta chhy aw ei na ta, Bie ama rei hai nota ei thei aw ei.

DÂNIAH 9:19

Hy Abeipa, thei la, Hy Abeipa, a ngiahthai mah y. Hy Abeipa, nathlie la, hria mah y. Na moh vâta, na khihpi nata na moh a phaohpa na phopi vâta, Hy ei Khazohpa, hawh khah y,” tah na ta.

DÂNIAH 9:23

Thlahchhâ nâ thaopa nah kha ta, bie pua ha ta, cha kyh cha cha chho awpa ta ei vy, pasâhsa a chhih ngaitapa na châpa vâta. Chavâta bie he pachâ la, aluahna cha pahno mah y.

MATHAI 7:7

“Hiah teh u, piepa nama châ aw. Tlua teh u, nama hmô aw. Chakhyh teh u, pahypa nama châ aw.

HMOTAOPAZY 10:30

Kawnilia ta, “Noh palih a khô hapa liana khata, tahmâ daihti hawhpa taih he thlahchhâpa ta y na ta, zâlâ dawh thôhpa ta ei o liata thlah ei chhâ hai nota, chyhsa pakha poh diehpa a bupa ta ei hmiakô liata a vaw duah ta,

RAWMA 8:26

Cha hawhna chata, Thlahpa ta eima chiehleinazy liata miah a bao tyh. Thlahchhâ nawpa chybia chhao eima pahno lei nota, Thlahpa ta ahrôna rei hlei thei leipa ta thlah miah a chhâpa tyh.