ÂTHAONA 24:40 - Mara Bible RV (BSI)

⁴⁰ Ano ta ei hnohta, ‘A hmiakô liata ei y tyhpa Abeipa ta a vâlyuhchâpa na hnohta tuah aw ta, na siena chhâpa hlao a cha patloh aw. Chatanachata ei sawchapawpa châta ei chiheih nata ei paw pathlazy hry tawhta lapinô na hiapa aw.

ÂTHAONA 24:40 ပူးပေါင်းရင်းမြစ်များ

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

ÂTHAONA 24:56

Châhrasala ano ta ama hnohta, “Rie na pahawh khah u. Abeipa ta ei vyna chhâpa hlao na patloh ha ta, ei zibeipa kô ei tlô thei nawpa ta tlao na pasiesa teh u,” tah ta.

ÂTHAONA 24:7

Avâ Khazohpa Abeipa, ei paw o tawhta nata ei pina râh tawhta na chhihthapa ta, bie na chho ta, ‘He râh he na pathlazy ei pie aw,’ tahpa ta bie nâ taihtuhpa tlai chata a vâlyuhchâpa na hmia lâta pasiesa aw ta, cha tawhna chata ei sawchapawpa châta lapinô na hiapa aw.

ÂTHAONA 48:15

Zawsi cha byhnâ awpa ta, “Nâ pathlatuhpa Abarahâ nata Aisika zy ta A hmiakô liata ama y tyhpa Khazohpa, Ei hroh chhôh zydua ta na vaih ta, Tanoh taihta nâ vaituhpa Khazohpa,

ÂTHAONA 5:22

Methuselâ a sa tawhta Enawka cha kô 300 chhôh Khazohpa nata a kao ei ta, sawchapawzy nata sawchanôzy sa via ta.

ÂTHAONA 5:24

Enawka cha a hro chhôh ta khazohpa a kao tyh ta, chavâta Khazohpa ta ano cha la ha ta, hmô awpa y khao vei.

ÂTHAONA 6:9

He he Nôah pathlazy thâtih a châ. Nôah cha chyhsa siapa châ ta, ano chhâ chyhsazy hry liata seina a hnei leipa a châ. Nôah cha Khazohpa nata a kaolâh tyh ei ta.

1 ABEIZY 2:3

Na hmotaopa maih nata nâ heina lâ maihta thlaochhipa ta na y lymâ thei nawpa ta, Mawsi Ryhpa liata ropa hawhta, Abeipa na Khazohpa ta bie a cha piepazy a pyh la, a lâpizy a chhih la, a bieraopazy, a biepiepazy, a ryhpazy nata a pahnokheinazy zyh mah y.

1 ABEIZY 3:6

Sawlawmaw ta, “Châ chakaotuhpa ei paw Dâvi kha na hmiakô liata ngâchhihna, siana nata palôh dopa phaopa ta a y tyhpa vâta, a chô liata ngiachhiena thata na palâsa. Cha ngiachhiena rônah ngaitapa cha a chô liata palâsa pazao chi ta, a beidyuchhai liata a tyuh awpa sawchapawpa chhao tanoh na pie haw.

1 ABEIZY 8:23

hetana heta thlahchhâ ta: “Hy Abeipa, Izarei Khazohpa y, nâ hawhpa Khazohpa he, chô lâ avâ liata nata ry lâ alei liata y tlâ veih ei. Nâma cha biehrai patlô chi ta, pathipalôh tlokhuh ta na bie a zyhpa châ chakaotuhpazy chô liata ngiachhiena a palâsa tyhpa na châ.

2 ABEIZY 20:3

“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha, ngiachhiepa ta a thei thlâh ha mah y,” tah ta. Hezekia cha thata cha ta.

HLAZY 1:3

Vahtie kiah liata tho lopa, A daihtita ta a pathei tyhpa, A hna chhao a uah beih leipa hawhta a châ. A hmotaopa zydua liata thlao â chhi tyh.

HLAZY 16:8

Abeipa cha khâ hmia pasah na ta, Ei ku chachâh lâta a ypa vâta, A chalyu aw va na.

HLAZY 91:11

Na siena lia maihta châ vaih awpa ta, Nâma kyh liata a vâlyuhchâpazy bie a pie aw ei.

PUASAINA 23:20

“Moh teh, lâpi liata châ vaih awpa nata su ei chhuahdypa châ tlôkhei awpa ta, na hmia lâta vâlyuhchâpa ei pasiesa.

PUASAINA 33:2

Ei vâlyuhchâpa nama hmia lâta tuah aw na ta, Kâna mo, Amawri mo, Hiti mo, Perizi mo, Hivi mo nata Zebu mozy ei papua aw ei.

DÂNIAH 3:28

Chatawhcha Nebukaneza ta hetana heta tah ta, “Sâdarâka, Mesâka nata Abenekô zy Khazohpa cha reithaipa ta y mawh sy! A vâlyuhchâpazy za tuah ta, ano ngâpa ta a chakaotuhpazy cha a pachha ha ei. He chyhsazy heta âmo Khazohpa dei leipa ta cha khazoh hropa rai a chhy lei awpa ta ama pôhpa amâ hlâ hapa vâta abei biepiepa chhao zyh leipa ta ama y.

HEBRAI 1:14

Vâlyuhchâpa zydua cha pachhana ryu a to awpazy chakao awpa ta tuapa chakaona thlahpazy ama châ.

BIEPHUAH 22:16

“Kei, Zisu ta, he biezy he Awnanopazy pahnosa awpa ta ei vâlyuhchâpa nâmo lâ ei vaw tuah. Dâvi thari nata a pathla, deiva awhsi khaih ngaitapa ei châ,” tah ta.

BIEPHUAH 22:8

Kei, Zawhâna he, cha hmozy a theituhpa nata a hmôtuhpa ei châ. Cha hmozy cha theipa ta ei hmô nahta, nâ pahmôtuhpa vâlyuhchâpa cha a chhy awpa ta, a phei thaby liata kei pao na ta.