ÂTHAONA 24:31 - Mara Bible RV (BSI)

³¹ Lâbâ ta, “Nâ, Abeipa byhnâ a topa y, a vaw ngia mah y. Khazia khih khôtho liata nâ duah thlâh haw? O pachhuahpanoh ha na ta, râraoseihpazy châta su ei paryh haw,” tah ta.

ÂTHAONA 24:31 ပူးပေါင်းရင်းမြစ်များ

ÂTHAONA 18:3

“Ei Beipa, na mo dypa ei châ khiahta la, ngiachhiepa ta na sei he na khôsai khah y.

ÂTHAONA 19:2

Lawta ta, “Ei zibeipa saih u, ei châ haw ei, ngiachhiepa ta châ chakaotuhpa o liata vaw tlô u la, a rie u la, nama pheizy a si teh u. Mydi ta thyu aw ei chi ta, nama sie nawpa lâ cha si lah vâ ei chi,” tah ta. Âmo ta, “Châ vei, khiliah liata tlao eimâ rie aw,” tah ei ta.

ÂTHAONA 19:3

Châhrasala Lawta ta thata â hawpa vâ ei ta, ano cha pazi ei ta, a o lâ a ngia ha ei ta. Lawta ta âmo châta pati pahâhpa a chhuanoh ta, thinô pahlao leipa viahchhâ tao ta, nie ei ta.

ÂTHAONA 24:30

A sietanô kâto nata a ku liata lâkyuzy hmô ta, a sietanô Rebekâ ta, “Cha chyhsa chata, chata khata eina tah” a tahpa a thei nahta, cha chyhsa lâ cha a râpa a châ. Chyhsa cha tikhaoh kiah liata râraoseihpazy kiapâh ta a vaw duah thlâh ha ta.

ÂTHAONA 26:29

Na pei cha hria leipa pi ta, hmo phapa dei leipa ta na chô liata khâpa hmah tao beih leipa pi ta, thlalôhpa ta eima cha pasiesapa hawhna khata, nâ chhao ta eima chhie nawpa na tao lei nawpa ta, na hnohta biehrai tao awpa eima khoh. Tahmâ cha Abeipa ta byhnâ a piepa na châ haw,” tah ei ta.

ÂTHAONA 29:13

Lâbâ cha a sietanô sawchapawpa Zakaw thâtih a theipata nahta, dy awpa ta a râ ta. Zakaw cha a pyh ta, a pahnâ ta, o lâ a chhi ta. Zakaw ta hmo yzie zydua Lâbâ chho ta.

HLAZY 115:15

Lei nata vâ taotuhpa Abeipa ta, Byhnâ cha pie mawh sy!

BIESOZY 17:8

Panaopapana cha a pietuhpa châta dyu hawhta châ ta, Â heina lâ maihta a hlaotloh lymâ.

BIESOZY 18:16

Kuhria piepa cha a pietuhpa châta lâpi tao ta, Chyhsa rônahpazy hmiakô liata â chhi tyh.

RYUREITUHPAZY 17:2

A nô hnohta, “Tâkâ tlaw 1,100 cha parupa ha ei ta, cha kyh liata chhiesa chi ta, keima nakhaoh lia chhao ta na reipa kha, moh teh, kha tâkâ kha keima liata a y, kei ta ei lapa a châ,” tah ta. A nô ta, “Ei sawchapawpa he Abeipa ta byhnâ pie mawh sy,” tah ta.

RUTHI 3:10

Bôaza ta, “Ei sawchanô y, Abeipa ta byhnâ cha pie mawh sy! Satlia sipasapa tlyma, hneirôhpa tlyma, na pazi leina liana heta, hmia lâta hmo pha na taopa hlâna chhao khata, tahmâ ta na hmo pha taopa he a rônah via syulyu.