ÂTHAONA 24:3 - Mara Bible RV (BSI)

³ Lei nata vâ Khazohpa Abeipa moh ta bie cha pataihsa awpa ei khoh. Ei sawchapawpa lapinô châta ei pahrâna Kâna zuah na hiapa awpa châ vei.

ÂTHAONA 24:3 ပူးပေါင်းရင်းမြစ်များ

ÂTHAONA 14:19

Melkizade ta Abarâ cha byhnâ awpa ta, “Lei nata vâ hneituhpa Khazohpa Chônôchaipa ta, Abarâ cha byhnâ pie mawh sy!

ÂTHAONA 14:22

Abarâ ta Sawdawmâ bei hnohta, “Lei nata vâ hneituhpa Khazohpa Chônôchaipa, Abeipa lâta bie a taih ha na ta,

ÂTHAONA 21:23

Kei ta na chô liata phana ei palâsapa hawhna heta, nâ chhao kei nata na khichhai châna râh chô liana heta phana palâsa hra mah y. Kei nata ei sawzy nata ei pathlazy chô liata â doleipa ta tao lei awpa ta, tahmâ Khazohpa moh ta bie nâ taih mah y,” tah ta.

ÂTHAONA 24:7

Avâ Khazohpa Abeipa, ei paw o tawhta nata ei pina râh tawhta na chhihthapa ta, bie na chho ta, ‘He râh he na pathlazy ei pie aw,’ tahpa ta bie nâ taihtuhpa tlai chata a vâlyuhchâpa na hmia lâta pasiesa aw ta, cha tawhna chata ei sawchapawpa châta lapinô na hiapa aw.

ÂTHAONA 27:46

Rebekâ ta Aisika hnohta, “Hiti chanôzy vâna heta, hro eina ai kaw. Zakaw ta âmo hawhpa Hiti chanô, he râh zuah he lapinô ta a hnei hra chhochhi khiahta cha, hro he ei châta khâpa a phahnai aw?” tah ta.

ÂTHAONA 28:1

Aisika ta Zakaw cha aw ta, byhnâ a awpa khai tawhta biepie ta, a hnohta, “Kâna zuah lapinô ta na hnei awpa châ vei.

ÂTHAONA 28:8

Esaw ta Kâna zuahzy ta a paw Aisika palôh ama patlâh leizie pahno ta.

ÂTHAONA 34:9

A hnei pahlao ei suh u. Nama sawchanôzy miah pie u la, eima sawchanôzy hnei teh u.

ÂTHAONA 38:2

Cha liata Zudâh ta Kâna chyhsa pakha, a moh Sua ama tahpa sawchanô hmô ta, ano cha lapinô ta hnei ta, a zialâh ta.

ÂTHAONA 47:31

Izarei ta, “Bie nâ taih teh,” tah ta, Zawsi ta bie a taih ta. Cha khai tawhta Izarei cha a rakhô luh chô liata a bôh ta.

ÂTHAONA 50:25

Chatawhcha Zawsi ta Izarei sawzy bie pataihsa ta, ama hnohta, “Khazohpa ta cha vaw tly tlai aw ei ta, he su tawhna heta ei ruzy phaoh ha muh vy,” tah ta.

ÂTHAONA 6:2

Khazohpa sawchapawzy ta chyhsapa sawchanôzy cha chhithai tah kaw ei ta, ama khopa chyu lapinô ta hnei ei ta.

ÂTHAONA 6:4

Cha nohzy liata nata cha hnôhlâ chhao ta, alei chô liana heta mopahreihpa sahlao y ei ta. Cha chyhsazy cha Khazohpa sawchapawzy ta chyhsa sawchanôzy hnei ei ta ama pathlazy ama châ. Âmo he hlâno ta chyhsa thatlôpa nata mohpathâhpazy kha ama châ.

2 ABEIZY 19:15

Hezekia cha Abeipa hmia­kô liata thlahchhâ ta, “Hy Abeipa, Izarei Khazohpa, cherubizy chô liata beidyuchhai liata a tyuhpa y, nâ cha Khazohpa châ chi ta, nâma deita he lei liata khinarâh zydua Khazohpa na châ. Nâ ta alei nata avâ he na tao.

2 THÂTIHZYRONA 2:12

Hirâ ta reih lymâ ta, “Avâ nata alei a taotuhpa Izarei Khazohpa Zehôvâh cha reithaipa ta y sala, Zehôvâh Achhyna o nata abei o sa awpa ta patohpatia thaina nata novâhna a hneipa sawchapaw so ngaitapa Dâvi hnohta a pietuhpa cha reithaipa ta y mawh sy.

EZRÂ 5:11

Hetana heta miah amâ chhy: ‘Avâ nata alei Kha­zohpa chakaotuhpazy châ pi ta, kô hluhpi a sie hapa liata paduapa, Izarei bei rônahpa ta sa ta, a vaw paloh hapa o eima sa pathi.

NEHEMIAH 13:25

Âmo cha ra ei na ta, chhiesapa ei na ta, thokhazy cha tu ei na ta, ama sâzy phia na ta. Khazohpa moh ta bie pataihsa ei na ta, ama hnohta, “Nama sawchanôzy cha ama sawchapawzy nama pie awpa châ leipa ta, nama sawchapawzy châta tlyma, nâmo châta tlyma, ama sawchanôzy nama hnei awpa châ vei.

NEHEMIAH 9:6

Nâ cha Abeipa châ chi ta, nâma deita he Abeipa cha na châ. Avâzy tao chi ta, avâzy avâ nata cha liata a ypa zydua na taopa a châ. Alei nata a chô liata a ypa zydua tao chi ta, tilaipi nata a chhôh liata a ypa zydua chhao na taopa sai a châ. Cha zydua cha hrona pie chi ta, avâ liata a ypazy ta ama châ chhy.

HLAZY 115:15

Lei nata vâ taotuhpa Abeipa ta, Byhnâ cha pie mawh sy!

HLAZY 136:26

Avâ Khazohpa hnohta alyna bie reih teh u, A kyhpachâna tlyzaw ta a daihpa a châ.

PUASAINA 20:7

“Abeipa na Khazohpa moh na reih thlâhthli awpa châ vei. Abeipa ta a moh a reih thlâhthlipa cha thailei a pachâsa aw.

PUASAINA 22:11

a mokhâhtuhpa cha a vaih sahroh a hria nata hria lei pasia nawpa ta, Abeipa moh reipa ta ama pano likah liata chhie a sakhâh aw ei ta, hneituhpa ta chhie amâ sakhâhna bie hawhta a pyh aw ta, mokhâhtuhpa ta thô aw vei.

PUASAINA 23:13

Nama hnohta ei reipa zydua he pachâ u la, khazoh hropazy moh rai reih leipa u la, na pakah tawhta a pua rai ta pua khah sy.

PUASAINA 34:16

Cha leipa chhao ta, nama sawchapawzy châta ama sawchanôzy hnei aw ei chi ta, ama sawchanôzy ta ama khazohzy liata sihryh aw ei ta, nama sawchapawzy chhao ama khazohzy liata ama pasihryhsa pathlei aw.

ISAI 45:23

Ei moh a reipa ta keimasasyh ta bie a taih na ta, Ei pakah tawhta siana ta bie pua ha ta, Vaw kua khao aw vei. Pakhu to ei hmiakô liata paneih aw ei ta, Paleih to ta na pazi awpa ta bie amâ taih aw.

ISAI 48:1

Hy Izarei moh bipa Zakaw pathlazy, Zudâh tizy tawhta vaw pua ei chi ta, Ngâchhihna nata adona ta châ tlôh leipa ta, Abeipa moh ta bie a taihpa ta, Izarei Khazohpa a padotuhpazy saih u, He bie he thei u la;

ISAI 65:16

Kha hlâta nôponazy kha mypa châ ha ta, Ei mo tawhta nyupa a châ hapa vâta, Alei liata anosasyh ta byhnâ â awpa cha, Biehmeiseihpa Khazohpa ta byhnâ pie aw ta, Alei liata bietai a taopa cha, Biehmeiseihpa Khazohpa liata bietai a taopa a châ aw.”

ZEREMIAH 10:11

Chavâta ama hnohta hetana heta reih teh: “Alei nata avâ taotuhpa a châ leipa khazohzy cha, alei tawhta leidia awh ei ta, avâ ry tawhta ama lei khai aw.”

ZEREMIAH 12:16

Chatawhcha hetana heta a vaw châ aw. Phopi hropazy ta Bâlâ moh ta bie a taih awpa ta ei phopi ama vaw pachu hapa chhao ta, ei phopi hroziezy pakhâta ta a chu ei sala, ‘Abeipa hrona reipa ta ei reih,’ tahpa ta ei moh ta bie amâ taih khiahta cha, ei phopi hry liata âmo chhao ei padua aw ei.

ZEREMIAH 29:6

Lapinôzy hnei u la, sawchapawzy nata sawchanôzy sa teh u. Nama sawchapawzy châta lapinôzy hiah u la, nama sawchanôzy vahpa pahneisa u la, sawchapaw sawchanô zy sa ei sala, pôh u la, maluh a sy khuh vy.

ZEREMIAH 4:2

Ngâchhihna, adona nata siana ta, ‘Abeipa hrona reipa ta ei reih,’ Tahpa ta bie nâ taih khiahta cha, Phopizy cha Abeipa liata huhiehpa ta y aw ei ta, Ano amâ palaikhei aw.”

THEIHTHAINA 19:12

Ei moh ta haipa ta bie a taihpa ta, na Khazohpa moh na papuapalei awpa châ vei. Kei he Abeipa ei châ.

ZEPHANIA 1:5

Avâ liata hmozy vâphuh tawhta a chhy tyhpazy Chhawh pathlah aw ei na ta, Abeipa lâta a bôhpa ta bie a taih ha tlô ta, Môleka lâta bie a taih heihpazy Ei chhawh pathlah aw ei.

MALUHREINA 5:21

he liana heta theihthaipa ta chanô cha chhiesana bietai pahneisa aw ta, a hnohta, ‘Abeipa ta na phopi hry liata chhiesapa nata dythapa ta cha tao mawh sy. Na byhpi pazaohsa sala, na py pathlohsa mawh sy.

1 KAWRINI 7:39

Lapinô cha a vahpa hro chhôh zydua cha chahrypa a châ. A vahpa a thi ha khiahta deikua cha, a khopa maih a hnei thei. Anodeikua cha Abeipa liata a ypa chyhsa a châ awpa a châ.

RYHPACHANEINA 10:20

Abeipa nama Khazohpa cha chi aw chi ta, ano chakao aw chi ta, ano cha khâchâ patu aw chi ta, ano moh ta bie namâ taih awpa a châ.

RYHPACHANEINA 6:13

Abeipa nama Khazohpa cha chi aw chi ta, ano deita chakao aw chi ta, ano moh reipa ta bie namâ taih awpa a châ.

HEBRAI 6:16

Chyhsazy ta âmo hlâta rônah viapa moh reipa ta bie a taih tyh ei ta, aeichhiana ama hneipa to liata chhao, bietai cha bietluna pa-ina châta ama hmâh tyh.

ZAWSUA 2:12

Chavâta tahmâ Abeipa moh ta bie einâ taih awpa ei chi ta ei châ haw ei. Kei ta nama chô liata ngiachhiena ei palâsapa hawhna heta, nâmo chhao ta ei paw chhôhkha chô liata ngiachhiena palâsa awpa ta bie nâ taih u la, ei lôh thei nawpa ta ngiana na pie teh u.

RYUREITUHPAZY 14:3

A nô nata a paw ta a hnohta, “Na heinawh sawchanôzy hry liata tlyma, eima chiheih zydua hry liata tlyma, chanô y tlâ veih ei ma, khazia chopawtaileipa Philistinâ mo cha lapinô ta na hnei thlâh ha aw?” tah ei ta. Châhrasala Sâsawna ta a paw hnohta, “Na hiapa thlâh ha teh, ei mo nâ dy kawpa chanô a châ,” tah ta.

1 SAMUELA 20:17

Zawnathâ ta Dâvi cha, a kyh a pachâna kyh reipa ta, bie pataihsa heih ta. Ano hrona kyh a pachâpa tlu ta, Zawnathâ ta Dâvi cha a kyh a vaw pachâpa a châ.

1 SAMUELA 30:15

Dâvi ta a hnohta, “Cha pheisaihzy yna lâ cha einâ chhi thei aw chi ma?” tah ta. Ano ta, “Na thie lei awpa nata ei zibeipa ku liata na hlâ lei awpa ta, Khazohpa moh ta bie einâ taih khiah chi ta cha, pheisaihzy yna lâ cha ei châ chhi aw,” tah ta.