ÂTHAONA 24:28 - Mara Bible RV (BSI)

²⁸ Laihsa cha a râ ta, cha biezy cha a nô chhôhkhazy kei chho ta.

ÂTHAONA 24:28 ပူးပေါင်းရင်းမြစ်များ

ÂTHAONA 24:29

Rebekâ cha rilâhpa pakha a moh Lâbâ ama tahpa hnei ta. Lâbâ cha pua ta, chyhsa yna tikhaoh lâ cha a râ ta.

ÂTHAONA 24:48

Ei luh a bôh na ta, Abeipa a chhy na ta, ei zibeipa Abarahâ Khazohpa, a sawchapawpa châta ei zibeipa chiheih sawchanô hiapa awpa ta lâpi dopa liata nâ chhituhpa Abeipa cha reithai na ta.

ÂTHAONA 24:55

A rilâhpa nata a nô ta, “Laihsanô he noh chyhta, noh hrawh chhâ eima hnohta y chy sala, cha khai tawhta sie lah vâ,” tah ei ta.

ÂTHAONA 24:67

Aisika ta Rebekâ cha a nô Sârâ poh o lâ a ngiakhei ta, Rebekâ cha hnei ta, a lapinô vaw châ ha ta. Aisika ta Rebekâ cha kyhpachâ ngaita ta, chatanachata a nô a thi tawhta thlahpalôhpa ta y ha ta.

ÂTHAONA 29:12

Zakaw ta Râkheli hnohta a paw Lâbâ chhôhkhapa a châzie nata Rebekâ sawchapawpa a châzie zy chho ta. Chatawhcha Râkheli cha a râ ta, a paw kei chho ta.

ÂTHAONA 31:33

Lâbâ cha Zakaw poh o, Liah poh o nata seichanô pano poh ozy liata a ngia ta. Châhrasala khazoh nothlahpazy cha hmô leipa ta. Liah poh o tawhta pua ta, Râkheli poh o liata a ngia ta.