ÂTHAONA 24:14 - Mara Bible RV (BSI)

¹⁴ Hetana heta vaw châ mawh sy. Laihsa ahy hnohta rai, ‘Ngiachhiepa ta na tibeih kha za pahnai la, ti na padosa teh,’ tah aw na ta, ‘Doh teh, na râraoseihpazy chhao, do awpa ei pie hra aw,’ a tahtuhpa, cha tlai cha, châ chakaotuhpa Aisika châta na raopa châ mawh sy. Cha liana chata ei zibeipa chô liata ngiachhiena na palâsa haw tahpa ei pahno aw,” tah ta.

ÂTHAONA 24:14 ပူးပေါင်းရင်းမြစ်များ

ÂTHAONA 15:8

Abarâ ta, “Hy Abeipa Zehôvâh, he râh he ei hnei aw tahpa kheihta ei pahno thei aw?” tah ta.

ÂTHAONA 24:13

Moh teh, tikhaoh kiah liata a duah na ta, khihpi chyhsa sawchanôzy ti thai awpa ta amâ vy.

ÂTHAONA 24:15

A thlahchhâpa a patlô hlâta, Rebekâ cha tibeih a ngiatlâh liata khaihpa ta vaw pua ta. Ano cha Abarahâ unawhpa Nâhaw lapinô Milkâ sawchapawpa Bethua sawchanônô a châ.

ÂTHAONA 24:18

Ano ta, “Ei zibeipa, doh mah y,” tah ta, a chatliepa ta a tibeih cha za pahnai ta, a ku ta chaba ta, ti cha padosa ta.

ÂTHAONA 24:19

Ano a padosa khai nahta, “Na râraoseihpazy châta chhao, ama do khai hlâlei ei thaipa aw ei,” tah ta.

ÂTHAONA 24:43

moh teh, tikhaoh kiapâh liata a duah na ta, hetana heta vaw châ mawh sy. Laihsa kôpa ti thai awpa ta â vypa hnohta, “Ngiachhiepa ta na tibeih liata ti kha a chyhta na padosa teh,” tah aw na ta,

ÂTHAONA 24:44

ei hnohta, “Doh mah y, na râraoseihpazy châta chhao ti ei thaipa hra aw,” a tahtuhpa cha, ei zibeipa sawchapawpa châta Abeipa raopa chanô châ mawh sy,’” tah na ta.

2 SAMUELA 20:9

Zôabâ ta Amâsâ hnohta, “Ei unawhpa, na pha ma?” tah ta. Zôabâ cha Amâsâ a pahnâ a chhuahpa ta, a ku chachâh lâta a kâhhmi kei patu ta.

2 SAMUELA 5:24

Malburi kôzy kithlao liata hrâsiepa pyu na thei nahta, a dyuh awpa ta na thyu aw. Philistinâ pheisaihzy a dyuh awpa ta, na hmia lâta Abeipa a sie haw,” tah ta.

BIESOZY 19:14

O nata sôh zy cha pawzy tawhta ryuto châ ta, Lapinô sopa deikua cha Abeipa tawhta a châ.

ISAI 7:11

“Abeipa na Khazohpa tawhta ngiana hiah teh. Cha ngiana cha Athihkhih hawhta athupa tlyma, vârâh hawhta a sâhpa tlyma châ mawh sy,” tah heih ta.

RAWMA 1:10

Khazohpa ta â ryh tah sala, tahmâ lia chhâ heta cha, cha vaw tly thei awpa ei ta khâ ei hiah tyh.

RYUREITUHPAZY 18:5

Âmo ta a hnohta, “Eima lâpi a chhihpa liana heta eima hlao a tloh aw ma tahpa eima pahno thei nawpa ta, ngiachhiepa ta Khazohpa miah hiahripa teh,” tah ei ta.

RYUREITUHPAZY 6:17

Kidia ta a hnohta, “Tahmâ he na modypa ei châ khiahta cha, bie nâ chhotuhpa he nâma tlai na châ hmeiseih tahpa ngiana na pie teh.

RYUREITUHPAZY 6:37

sawhri liata mietaku hmi soh aw na ta, mietaku hmi lia dei ta diati y sala, alei zydua deikua a hi khai khiahta cha, na reipa hawhta ei ku ta Izarei na pachha aw tahpa ei pahno aw,” tah ta.

1 SAMUELA 20:7

‘A pha na!’ a tah khiahta cha, châ chakaotuhpa he thlalôhpa ta y aw na ta, a hie a hâh khiahta deikua cha, hmo pha leipa tao â chhuah tahpa pahno mah y.