ÂTHAONA 24:12 - Mara Bible RV (BSI)

¹² Chakaotuhpa ta, “Hy Abeipa, ei zibeipa Abarahâ Khazohpa y, ngiachhiepa ta tanoh he hlaotlohna na pie la, ei zibeipa Abarahâ chô liata ngiachhiena palâsa mah y.

ÂTHAONA 24:12 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

ÂTHAONA 24:21

Chakaotuhpa ta ano cha moh thlâh ha ta. Abeipa ta a khitlyna hlao a patlohsa aw ma, patlohsa aw vei ma, tahpa pachâpa ta a thlih thlâh ha ta.

ÂTHAONA 24:27

“Ei zibeipa chô liata ngiachhiena nata biedopa a thlyu beih leipa Abeipa, ei zibeipa Abarahâ Khazohpa cha reithaipa ta y mawh sy! Kei chhao he Abeipa ta ei zibeipa heinawhzy o lâta eina vaw chhihtha ha hih,” tah ta.

ÂTHAONA 24:42

“Tanoh tikhaoh vaw tlô na ta, ‘Hy Abeipa, ei zibeipa Abarahâ Khazohpa y, ei siena chhâpa hlao eina patloh awpa chi a châ khiahta la,

ÂTHAONA 24:48

Ei luh a bôh na ta, Abeipa a chhy na ta, ei zibeipa Abarahâ Khazohpa, a sawchapawpa châta ei zibeipa chiheih sawchanô hiapa awpa ta lâpi dopa liata nâ chhituhpa Abeipa cha reithai na ta.

ÂTHAONA 26:24

Cha zâ ta a hnohta Abeipa a vaw luah ta, “Kei he na paw Abarahâ Khazohpa ei châ. Chi khah y, ei cha ypâ lymâ aw. Byhnâ cha pie aw na ta, nâ chakaotuhpa Abarahâ zawhzi ta na pathlazy ei papôh aw,” tah ta.

ÂTHAONA 27:10

Cha cha na paw o lâ vawkhei aw chi ta, nie aw ta, chatanachata a thi hlâta byhnâ a cha awpa aw,” tah ta.

ÂTHAONA 27:20

Aisika ta a sawchapawpa hnohta, “Ei sawchapawpa, Kheihtazieta cha hawhta sa na vaw hmô patoh thlâh haw?” tah ta. Zakaw ta, “Abeipa na Khazohpa ta hlao eina patlohpa vâta a châ,” tah ta.

ÂTHAONA 28:13

Abeipa cha hleidy chô lâta a duah ta, “Kei he Abeipa, na paw Abarahâ Khazohpa nata Aisika Khazohpa ei châ. Nâ ziana râh kha, nâ nata na pathlazy ei cha pie aw ei.

ÂTHAONA 31:42

Nâ pathlatuhpa Khazohpa, Abarahâ Khazohpa nata Aisika China zy ta ei chhâh nâ châh vei chhochhi mawh sala, ku ruapa ta eina pasiesa hmeiseih thlâh ha aw chi. Khazohpa ta ei rietheizie nata ei ku hriapasaziezy hmô ta, zâhnia zâ ta a cha chhoreipa a châ chuh,” tah ta.

ÂTHAONA 32:10

châ chakaotuhpa chô liata ngiachhiena nata ngâchhihna na palâsapa zydua hry liata a chyh chaipa chhao a phuh va na. Ei chôchahrei deita a chhypa ta Zawdâh he vaw chaka na ta, tahmâ cha py no eima vaw châ haw.

ÂTHAONA 32:9

Zakaw cha thlahchhâ ta, “Hy ei paw Abarahâ Khazohpa, ei paw Aisika Khazohpa, Hy Abeipa, ‘Na râh lâ a lie la, na chiheihzy yna lâ a lie mah y, a phapa ta ei cha tao aw,’ nâ tahtuhpa y,

ÂTHAONA 43:14

Khazohpa Atotaotheipa ta, cha chyhsa hmiakô liata cha ngiachhie ei sala, cha chyhsa chata nama unawhpa pakha nata Benzami he nama hnohta kaw pasiesa mawh sy! Kei deikua cha, ei sawzy ei pahlei hapa chhao ta, ei pahleipa châ lah vâ,” tah ta.

1 ABEIZY 18:36

Chatawhcha zâlâ atheihna hlâ daihti liata, hrohsopa Elaizâh cha a kei hnia ta, “Hy Abeipa, Abarahâ nata Aisika nata Izarei Khazohpa y, Izarei liata Khazohpa na châ tahpa tanoh he pahnopa ta y sala, kei he châ chakaotuhpa châ na ta, he hmo zydua he nâma bie ta a taopa ei châpa tanoh he pahnopa ta y mawh sy.

2 ABEIZY 2:14

Elaizâh tawhta viahkao pasipa a zâ tlapa la ta, cha chata ti cha tu ta, “Zehôvâh, Elaizâh Khazohpa cha khataih liata a y?” tah ta. Ti a tu nahta, chavei chachâh ta a vaw pachhaih ta, Elaisâh cha chaka ta.

NEHEMIAH 1:11

Hy Abeipa, châ chakaotuhpa thlahchhâna lâ he na nah rie vaw pachôh mah y. Na moh china liata a lypa, châ chakaotuhpazy thlahchhâna lâ na nah vaw pachôh la, châ chakaotuhpa he tanoh hlao na patlohsa la, he chyhsa mohmô liana heta zawngiahna rie na patosa mah y,” tah na ta. Kei cha abei nyu hlâtuhpa ei châ.

NEHEMIAH 2:4

Abei ta, “Khâpa na hia khoh?” na tah ta. Avâ Khazohpa lâ thlahchhâ na ta.

HLAZY 118:25

Hy Abeipa, miah pachha la, Hy Abeipa, hlao miah patloh mah y!

HLAZY 122:6

Zerusale thlalôhna châta thlahchhâ teh u! “Hy Zerusale, kyh châ pachâpazy vânoh topa ta y ei sala,

HLAZY 127:1

Abeipa ta o a sa vei khiahta la, A satuhpazy ama hriapasa thlâhthli. Abeipa ta khihpi a vaih vei khiahta la, A vaituhpa cha â hra thlâhthli.

HLAZY 37:5

Na yzie awpa cha Abeipa liata pahnieh la, Ano ngâ la, Ano ta a tao aw.

PUASAINA 3:15

Khazohpa ta Mawsi hnohta reih via heih ta, “Izarei sawzy chho la ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ta nâmo lâ eina vaw tuah,’ na tah aw. He he ei tlyzaw moh châ ta, chhâ zydua ta einâ thei thlâh nawpa moh a châ.

PUASAINA 3:6

Khazohpa ta, “Kei he, châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,” tah ta. Khazohpa cha a moh ngâh leipa vâta, Mawsi cha a hmia nyu ta.

BIESOZY 3:6

Na lâpi zydua ano pahnosa lymâ la, Na lâpizy a patlâsa lymâ aw.

MATHAI 22:32

‘Kei he Abarahâ Khazohpa, Aisika Khazohpa nata Zakaw Khazohpa ei châ,’ tahpa ta a reipa kha reih beih veih ei chi ma? Khazohpa cha athipa Khazohpa châ vei, ahrohpa Khazohpa a châ,” tah ta.

PHILIPI 4:6

Khâpa liata hmah nôpopa ta y leipa u la, ato liata thlahchhâpa nata hiapa ta alyna bie reih u la, nama khopazy cha Khazohpa hnohta pahnosa teh u.