ÂTHAONA 24:1 - Mara Bible RV (BSI)

¹ Abarahâ cha vaw machâ ta, pawpi kaw bâ ta. Abeipa ta Abarahâ cha kyh to liata byhnâ pie ta.

ÂTHAONA 24:1 ပူးပေါင်းရင်းမြစ်များ

ÂTHAONA 12:2

“Phopi rônahpa ta cha tao aw na ta, Byhnâ ei cha pie aw; Na moh parônahsa aw na ta, Byhnâ na châ aw.

ÂTHAONA 13:2

Abarâ cha sahrohzy, tâkâzy, ngôhzy ta hneirôh ngaita ta.

ÂTHAONA 18:11

Abarahâ nata Sârâ cha machâpa kô uhthei ngaitapa châ ha ei ta. Sârâ cha a chanô yzie tyhpa chhao chhâ ha ta.

ÂTHAONA 21:5

Abarahâ cha a sawchapawpa Aisika a sa nota, kô 100 uhtheipa a châ.

ÂTHAONA 24:35

Abeipa ta ei zibeipa cha byhnâ thata pie ta, chyhsa hneirôhpa a vaw châ haw. Abeipa ta ano cha mietaku nata viahchao zawzy, tâkâ nata ngôhzy, seichapaw nata seichanôzy, râraoseihpa nata alâzy pie ta.

ÂTHAONA 25:20

Aisika cha Pâdâ-Aramia râh liata Aramia chyhsa Bethua sawchanô Rebekâ lapinô ta a hnei nota kô sypalihpa a châ. Rebekâ cha Aramia chyhsa Lâbâ sietanô a châ.

ÂTHAONA 26:12

Aisika cha, cha râh liata chi cheih ta, Abeipa ta byhnâ pie ta, cha kô ta a lie za kha ta kô pavei ta.

ÂTHAONA 49:25

Châ bao awpa na paw Khazohpa vâta, Byhnâ châ pie awpa Atotaotheipa vâta, Chô lâ vâ byhnâzy to aw chi ta, A ry lâta ti athupa byhnâzy topa ta, Sâhpi nata chhi byhnâzy na to aw.

1 ABEIZY 1:1

Bei Dâvi cha machâ ha ta, a kô chhao uhthei kaw bâ ta. Pohzy ama bupa chhao ta lalôh thei khao leipa ta.

BIESOZY 10:22

Abeipa byhnâ cha chyhsa pahneirôhsa ta, Pachârôhna baichha tyh vei.

ISAI 51:2

Châ pathlatuhpa Abarahâ lâ kha moh u la, Châ satuhnô Sârâ lâ moh teh u. Abarahâ kha ei aw nota ano pakha dei châ ta, Byhnâ pie na ta, maluh hluhpi ta ei tao.

MATHAI 6:33

Khazohpa khinarâh nata a siana tlua tua u la, cha hmo zydua cha baichhapa nama châ aw.

LUKA 1:7

Châhrasala Elizabe cha a choh hapa vâta saw hnei leipa ei ta, ama pano ta machâ kaw bâ ei ta.

KALATIA 3:9

Chavâta ngiapâna liata a ypazy cha, ngiapâpa chyhsa Abarahâ hnohta byhnâ patosapa ama châ.

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.