ÂTHAONA 23:9 - Mara Bible RV (BSI)

⁹ Zôharâ sawchapawpa Epharaw hnohta, a lyu chao liata Mâkâpelâ lôpu a hneipa khu, nama mohmô lia tlai ta thlâ su châta a mâ dopa ta chalei awpa ta na hiapa teh u” tah ta.

ÂTHAONA 23:9 ပူးပေါင်းရင်းမြစ်များ

ÂTHAONA 23:10

Cha nota Epharaw cha Hiti mo hry liata a tyuh thlâh ha hra ta. Hiti chyhsa Epharaw ta Hiti mo nata khihpi chhikao liata a ypa zydua theina liata Abarahâ hnohta,

ÂTHAONA 23:4

“Kei he nama hry liata khichhaipa nata chihropa châ na ta, ei lapinô ri he hmô khao lei awpa ta ei pabu thei nawpa ta, râh na pie teh u,” tah ta.

ÂTHAONA 23:8

Ama hnohta, “Ei lapinô ri cha hmô khao lei awpa ta ei pabu awpa nama paryhsa khiahta la, ngiachhiepa ta

ÂTHAONA 25:10

Cha lyu cha Abarahâ ta Hiti mo liata a chaleipa lyu kha châ ta, cha liata Abarahâ nata a lapinô Sârâ cha pabupa a châ.

ÂTHAONA 49:29

Zakaw ta âmo cha ryu a hi ta, ama hnohta, “Ei chiheihzy hnohta pahlyhpa ta ei y daihmâ haw. Hiti chyhsa Epharaw lyu liata a ypa lôpu liata na pabu muh vy.

ÂTHAONA 50:13

Kâna râh lâ phaoh ei ta, Abarahâ ta thlâ su châta hnei awpa ta, Hiti chyhsa Epharaw liata a lyu chhaota a chaleipa, Kâna râh Mamre kiapâh ta a ypa Mâkâpelâ lyu lôpu liata pabu ei ta.

1 THÂTIHZYRONA 21:22

Dâvi ta Ôranâ hnohta, “Potlana hri he zawpi tawhta a pai thei nawpa ta, he sawhrihmo he Abeipa châta maisâh ei tao nawpa ta na pie teh; a mâ dopa ei cha pie aw,” tah ta.

1 THÂTIHZYRONA 21:24

Châhrasala Bei Dâvi ta Ôranâ hnohta, “Châ vei, a mâ dopa ei cha pie aw. Na eih cha Abeipa châta a saipa ta la leipa aw na ta, ei hryuhna rai y leipa ta raopa hlânazy hlâ aw va na,” tah ta.

RAWMA 12:17

Ahy moleina rai moleina ta viarithô leipa u la, chyhsa zydua mohmô ta hmo dopa tao awpa ta pachâna tlao hmâh tyh muh vy.

RAWMA 13:8

Kyh a pachâ raihriena dei leipa ta cha, ahy hmah khâpa hmah a bâh khuh vy. A chyhsa heih kyh pachâtuhpa cha ryhpa a pakipa a châ.