ÂTHAONA 23:4 - Mara Bible RV (BSI)

⁴ “Kei he nama hry liata khichhaipa nata chihropa châ na ta, ei lapinô ri he hmô khao lei awpa ta ei pabu thei nawpa ta, râh na pie teh u,” tah ta.

ÂTHAONA 23:4 ပူးပေါင်းရင်းမြစ်များ

ÂTHAONA 17:8

Tahmâ ta khichhai na châna râh, Kâna râh zydua he, nâ nata na hnôhlâ ta na pathla hnohta chhâzaw ryuto châta cha pie aw ei na ta, kei he ama Khazohpa ei châ aw,” tah ta.

ÂTHAONA 23:5

Hiti mo ta Abarahâ cha a chhy ei ta,

ÂTHAONA 3:19

Chhaohlei ta taopa châ chi ta, Chhaohlei lâ na kua heih hlâlei cha, Na hmia mathlai lohpa ta nie nâ hmô aw. Dohlei châ chi ta, Dohlei lâ na kua heih aw,” tah ta.

ÂTHAONA 47:9

Zakaw ta Phiraoh hnohta, “Ei khitlyna kôzy cha kô 130 a châ. Ei hro chhôh kôzy cha chyhta ta, riethei â chhih kaw. Nâ pathlatuhpazy khitlyna nohzy liata ama hro chhôh kôzy a kho vei,” tah ta.

ÂTHAONA 49:30

Abarahâ ta thlâ su châta hnei awpa ta, Hiti chyhsa Epharaw lôpu a lyu chhaota a chaleipa, Kâna râh Mamre kiapâh ta a ypa Mâkâpelâ lyu liata lôpu tlai liana kha na pabu muh vy.

ÂTHAONA 50:13

Kâna râh lâ phaoh ei ta, Abarahâ ta thlâ su châta hnei awpa ta, Hiti chyhsa Epharaw liata a lyu chhaota a chaleipa, Kâna râh Mamre kiapâh ta a ypa Mâkâpelâ lyu lôpu liata pabu ei ta.

1 THÂTIHZYRONA 29:15

Miah pathlatuhpazy hawhna khata, keimo cha na hmiakô liata khichhaipa nata khitlyhpa hawh dei châ pi ta, alei liata eima hro nohzy he nohpahlipa hawh dei châ ta, hnabeiseih awpa rai y vei.

ZAWBÂ 30:23

Thina lâ einâ chhi aw chi tahpa pahno na ta, Ahropa zydua châta raopa o lâ einâ chhi aw chi tahpa ei pahno.

HLAZY 119:19

Alei liana he khitlyhpa deita châ na ta, Na biepiepazy na nyu khâh khah y!

HLAZY 39:12

“Hy Abeipa, ei thlahchhâna theipa ta, Ei awhna lâ he nah vaw pachôh la, Ei mothlihzy he a chalihsai khah y! Na hnohta khitlyhpa châ na ta, Nâ pathlatuhpazy hawhna khata, Khichhaipa dei ei châ hih.

PUASAINA 2:22

Zipôrâ cha sawchapaw sa ta, Mawsi ta, “Râh hropa liata mapaihpa ta ei y” tah ta, a moh Kesao a bi.

BIECHHOTUHPA 12:5

su sâhpa chipa ta, lâpi liata chichhih­pazy ypa ta, kuasâh tho a paw pawhpa ta, khawsu dusawta ta siepa ta, a chhâzaw o lâ â di bâ awpa vâta chyhsapa ta khopa hnei khao leipa ta a y hlâta, mâchhiesatuhpazy khiliah liata amâ hlaihlâ hlâta;

BIECHHOTUHPA 12:7

dohlei a yna tyhpa alei lâ a kua heih hlâta nata thlahpa a pietuhpa Khazohpa lâ a kua heih hlâta, châ Taotuhpa cha khâ a thei mah y.

BIECHHOTUHPA 6:3

Chyhsa ta saw za kha hneipa ta kô hluhpi hroh sala, kô khazie leichâ a hro pasipa chhao ta, a hro nohzy cha a khozie hawhta hmâh thei leipa sala, a pha thipa chhao ta pabupa a châ leipa khiahta cha, cha hawhpa chyhsa hlâta cha athipa ta a pihpa a pha via ei tah.

THEIHTHAINA 25:23

“Râh cha nama zuah pathlah awpa châ vei. Râh cha kei eih châ ta, nâmo cha khichhaipa nata khitlyhpa, ei râh liata a pahrâ chypa dei nama châ.

HMOTAOPAZY 7:16

Sekhe khih lâ ama ri phaoh ei ta, Abarahâ ta Sekhe khih liata Hamô sawchapawzy liata tâkâ ta thlâ su a chaleipa liata ama pabu.

HMOTAOPAZY 7:5

Châhrasala Khazohpa ta Abarahâ cha, he râh liata ryuto râh phei tlyna khi chhao pie leipa ta, saw a hnei lei tarawpa ta, a hnôhlâ ta a vaw pazi awpa a chipathla hnohta râh pie awpa ta bie a taih ta.

HEBRAI 11:9

Ngiapâna ta bietai râh liata pahrâ awpa ta sie ta, chihropa râh liata ypa hawhta y ta, bietai miakha ryutolâhpa Aisika nata Zakaw zy chhaota poh ozy liata ama pahrâ.

1 PITY 2:11

Kho ngaitapa saih u, khichhaipa nata khitlyhpa nama châpa vâta, thlahpa a dyuhtuhpa sapa aohraohnazy bâhsai awpa ta ei châ haw ei.