ÂTHAONA 22:7 - Mara Bible RV (BSI)

⁷ Aisika ta a paw Abarahâ cha bie a chho ta, “Ei pâ,” tah ta. A paw ta, “Ei sawchapawpa, he liata ei y,” tah ta. Aisika ta, “Moh tua, mei nata tho y ta, châhrasala raopa hlâna châta mietakutaw khataih liata a y?” tah ta.

ÂTHAONA 22:7 ပူးပေါင်းရင်းမြစ်များ

ÂTHAONA 22:8

Abarahâ ta, “Ei sawchapawpa y, raopa hlâna châta mietakutaw cha Khazohpa ta anosasyh ta â tôh aw,” tah ta. Ama pano ta hmaohkha ta sie lymâ ei ta.

ÂTHAONA 8:20

Nôah ta Abeipa lâta maisâh tao ta, sa pathaihpa nata pavaw pathaihpa chi to hry tawhta sa nata pavawzy la ta, maisâh liata raopa hlânazy hlâ ta.

PUASAINA 12:3

Izarei zawpi zydua hnohta chho u la, he thla noh hrawhna noh liata thie awpa ta, chyhsa to ama chhôhkha lymâ hawhta, chhôhkha miakha ta mietakutaw pô kha amâ so chyu awpa a châ.

PUASAINA 29:38

“Maisâh chô liata hmo na hlâ awpa cha, he he a châ: Noh chareih ta kô kha uhtheipa mietakutaw pô no lymâ na hlâ aw.

MATHAI 26:39

A chyhta vawh via ta, â khu lâta pao ta, thlahchhâ ta, “Hy ei Paw, tao theipa a châ khiahta la, he nyu he rie na khôsai mawh sy. Châhrasala keima rei châ leipa sala, nâma rei tlao châ mawh sy,” tah ta.

MATHAI 26:42

Chatawhcha a ei nona ta vawh ta, thlahchhâ heih ta, “Hy ei Paw, he nyu he doh leipa ta na khôsai thei awpa a châ vei khiahta cha, na rei sai châ mawh sy,” tah ta.

ZAWHÂNA 1:29

A mylâ ta Zawhâna cha Zisu ta a vaw pangai haipa hmô ta, “Moh teh u, Khazoh Mietakutaw, khizaw moleina a siekheituhpa huh!

ZAWHÂNA 1:36

Zisu â hlaihlâ ngâpa hmô ta, “Moh teh u, Khazoh Mietakutaw huh!” tah ta.

ZAWHÂNA 18:11

Zisu ta Pity hnohta, “Zaozi kha a paih liata khô teh, Paw ta nyu eina piepa he ei doh awpa châ vei ma?” tah ta.

RAWMA 8:15

Chipa ta y heih awpa ta seichâna thlahpa nama topa châ leipa ta, saw châna Thlahpa tlao to ei chi ta, cha Thlahpa vâna chata “Âbâ! Ei paw!” tahpa ta eima aw theipa a châ.

BIEPHUAH 13:8

Alei chô liata a pahrâpa zydua, khizaw â thao tua no tawhta thie chiehpa Mietakutaw hrona châbu liata moh ro leipa maihta ano cha amâ chhy aw.