ÂTHAONA 22:2 - Mara Bible RV (BSI)

² Khazohpa ta, “Na sawchapawpa, na sawchapaw matlupa, a kyh na pachâpa Aisika kha a chhi la, Môria râh lâ sie la, cha liata ei cha chho awpa tlâh miakha liata ano cha raopa hlâna ta hlâ mah y,” tah ta.

ÂTHAONA 22:2 ပူးပေါင်းရင်းမြစ်များ

ÂTHAONA 17:19

Khazohpa ta, “Châ bao va, na lapinô Sârâ ta sawchapaw cha sapa aw ta, a moh Aisika na bi aw. Ano hnohta ei biehrai pa-i aw na ta, cha cha ano hnôhlâ ta a pathlazy châta chhâzaw biehrai a châ aw.

ÂTHAONA 21:12

Khazohpa ta Abarahâ hnohta, “Hawtipa vâta nata na seichanô vâta na pachâ a parôhsa leipa la, Sârâ ta na hnohta a reipa maih, a reipa hawhta tao mah y. Aisika tawhta na pathlazy a laichadaipa a châ aw.

ÂTHAONA 21:3

Sârâ ta Abarahâ châta sawchapaw a sapa cha, Abarahâ ta a moh Aisika bi ta.

ÂTHAONA 22:12

Ano ta, “Hawtipa chô liata na ku pathla leipa la, kheihta hmah a chô liata tao khah y. Na sawchapawpa, na sawchapaw matlupa tlai chhao na pie awpa na thlyu leipa ei hmôpa ta, Khazohpa na chi tahpa tahmâ ei pahno haw,” tah ta.

ÂTHAONA 22:16

“Kha hmo kha na taopa vâta, keima tlai ta bie ei châ taih. Na sawchapawpa, na sawchapaw matlupa tlai chhao pie awpa ta na thlyu leipa vâta,

ÂTHAONA 22:3

Abarahâ cha mydi kari ta thyu ta, alâ ky padia ta, a chakaotuhpa pano nata a sawchapawpa Aisika a hnohta a chhi ta. Raopa hlâna châta tho patlaw ta, thyu ta, Khazohpa ta a chhopa su lâ sie ta.

ÂTHAONA 22:9

Khazohpa ta a chhopa su ama tlô nahta, cha liata Abarahâ ta maisâh tao ta, a chô liata tho pacho ta. A sawchapawpa Aisika cha chahry ta, maisâh liata tho chô liata pazia ta.

ÂTHAONA 8:20

Nôah ta Abeipa lâta maisâh tao ta, sa pathaihpa nata pavaw pathaihpa chi to hry tawhta sa nata pavawzy la ta, maisâh liata raopa hlânazy hlâ ta.

2 ABEIZY 3:27

A sawchapaw uhtheipa, ano su liata bei a châ awpa a chhi ta, raopa hlâna ta thokhy chô liata hlâ ta. Cha chata Izarei chô liata pathiiana lai ngaitapa vaw patlôsa ta, chatanachata Môabâ bei cha a sysai ei ta, ama râh lâ amâ lie haw.

2 THÂTIHZYRONA 3:1

Sawlawmaw ta Abeipa o cha Zeru­sale khihpi chhôh Môria Tlâh liata sa pathao ta. Cha su cha a paw Dâvi hnohta Abeipa â luahna su, Zebu chyhsa Ôranâ sawhrihmo kha châ ta, Dâvi ta â vaw tlyhpa su a châ.

MIKÂ 6:7

Mietaku tôhpa sâh hluhpi cheih aw sah la, Abeipa cha a palysa aw ma? Sathaw chavah thy hluhpi ta Abeipa cha a palysa aw ma? Ei sawchapaw uhtheipa he ma, Ei paraona ngiahthai nawpa ta ei hlâ aw? Ei pôhpa thei he ma, Ei thlahpa moleina ngiahthai nawpa ta ei hlâ aw?”

ZAWHÂNA 3:16

“Khazohpa ta khizaw kyh pachâ ngaita ta, chatanachata a Sawchapaw matlupa pie ta, ahy rai ano a ngiapâpa maih cha leidia leipa ta, chhâzaw hrona tlao ama hnei aw.

RAWMA 5:8

Châhrasala Khazohpa ta a kyhpachâna cha keimo châta vaw paluahsa ta, moleipazy eima châ nota, Krista cha eima châta thi ha ta.

RAWMA 8:32

A Sawchapawpa tlai chhao pahlôh leipa ta, eima zydua châta a pietuhpa chata, ato a saipa ta miah pie hra aw vei mâ?

HEBRAI 11:17

Ngiapâna ta Abarahâ cha pasiapa ta a y nota, Aisika hlâ ta, bietaizy a totuhpa ta a sawchapaw matlupa cha a hlâ haw.

RYUREITUHPAZY 11:31

Amawna mo tawhta thlalôhpa ta ei vaw lie tita, khâpa rai na dy awpa ta ei o chhikaozy tawhta a kaw puapa maih cha Abeipa châta châ aw ta, raopa hlâna ta ei hlâ aw,” tah ta.

RYUREITUHPAZY 11:39

Thla no a tloh nahta, a paw o lâ a vaw di ta, a paw ta bietai a vaw tao hapa hawhta, a sawchanô chô liana cha tao ta. Ano he chapaw a pahno mâh leipa châ ta, chavâta ano atheithlâhna hmo chhao Izarei liata tao tyhpa a châ.