ÂTHAONA 22:17 - Mara Bible RV (BSI)

¹⁷ byhnâ cha awpa tlai aw na ta, avâ liata awhsi zie nata tilaipi kiah liata sadi zie ta na pathlazy papôh aw na ta, na pathlazy ta ama chariahpa khihpizy ama hnei aw.

ÂTHAONA 22:17 ပူးပေါင်းရင်းမြစ်များ

ÂTHAONA 12:2

“Phopi rônahpa ta cha tao aw na ta, Byhnâ ei cha pie aw; Na moh parônahsa aw na ta, Byhnâ na châ aw.

ÂTHAONA 13:16

Na pathlazy alei dohlei zie ta ei tao aw ei. Chyhsa ta alei dohlei a rei tiah khiahta cha, na pathlazy chhao rei tiahpa ama châ aw.

ÂTHAONA 15:5

Khôtho lâ puakhei ta, a hnohta, “Avâ lâ khi moh la, awhsizy khi na reih tiah khiahta cha reih tua,” tah ta. Abeipa ta a hnohta, “Na pathlazy cha, khi hawhna khita ama châ aw,” tah ta.

ÂTHAONA 17:6

Na chipathla thata papôhsa aw na ta, nâma tawhta phopizy pua aw ei ta, beizy ama pua aw.

ÂTHAONA 24:60

Rebekâ cha byhnâ awpa ei ta, a hnohta, “Eima sietanô y, Thysâh hluhpi nô vaw châ la; Na pathlazy ta âmo a haotuhpazy Thokhy chhikao hnei mawh ei sy!” tah ei ta.

ÂTHAONA 25:11

Abarahâ a thi tawhta, Khazohpa ta a sawchapawpa Aisika cha byhnâ pie ta. Aisika cha Belahairô kiapâh liata pahrâ ta.

ÂTHAONA 26:24

Cha zâ ta a hnohta Abeipa a vaw luah ta, “Kei he na paw Abarahâ Khazohpa ei châ. Chi khah y, ei cha ypâ lymâ aw. Byhnâ cha pie aw na ta, nâ chakaotuhpa Abarahâ zawhzi ta na pathlazy ei papôh aw,” tah ta.

ÂTHAONA 26:4

Avâ liata awhsi zie ta na pathlazy papôhsa aw na ta, he râh zydua he na pathlazy pie aw ei na ta, na chipathla liata khizaw phopi zydua byhnâ topa ta ama y aw,

ÂTHAONA 28:3

Khazohpa Atotaotheipa ta byhnâ cha pie sala, phopi hluhpi na vaw châ thei nawpa ta, chi hluhpi cha pathlasa sala, cha papôh mawh sy.

ÂTHAONA 28:4

Na khichhai châna râh, Khazohpa ta Abarahâ hnohta a piepa râh he, ryuto châta na hnei thei nawpa ta, Abarahâ byhnâ cha, Khazohpa Atotaotheipa ta nâ nata na hnohta a ypa na pathlazy hnohta cha pie mawh ei sy,” tah ta.

ÂTHAONA 32:12

Nâma ta, ‘A phapa ta cha tao tlai aw na ta, na pathlazy cha tilaipi sadi rei tiah leipa tlu ta hluhpa ta ei cha tao aw,’ tah chi ta,” tah ta.

ÂTHAONA 32:13

Cha zâ cha, cha liata a rie ta. A uhta Esaw kuhria pie awpa ta, a hneipa hry tawhta,

2 SAMUELA 17:11

Keima ryhraopa cha he he a châ: Izarei zydua Dânâ tawhta Besebâ taihta, tilaipi kiah liata sadi zie tlai ta nâ lâta awpakhy khaipa châ sala, adyuhna lâ cha pôhpa tlai ta na sie hra aw.

1 ABEIZY 4:20

Zudâh nata Izarei cha tilaipi ngiahkâ sadi zie tlai ta hluh ei ta. Niepa ta doh ei ta, thapha ngaitapa ta y tyh ei ta.

1 ABEIZY 9:26

Bei Sawlawmaw ta Edômâ râh liata Tilaipi Saihpa ngiahkâ Elô kiapâh liata a ypa Eziôkebe su liata balyh py padua ta.

1 THÂTIHZYRONA 27:23

Abeipa ta Izarei sawzy cha avâ awhsi zie ta pôh awpa ta bie â vaw taih hapa vâta, kô kih ry lâ cha Dâvi ta ama maluh reih vei.

2 THÂTIHZYRONA 1:9

Hy Zehôvâh Khazohpa y, ei paw Dâvi hnohta na bietai kha tahmâ patlô mah y. Nâma tlai ta alei dohlei zie ta a hluhpa phopi chô liata bei ta eina tao chi hih.

NEHEMIAH 9:23

Ama pathlazy cha avâ awhsi zie ta papôh chi ta, a ngia ta hnei awpa ta ama pathlatuhpazy hnohta na chhopa râh lâ nâ chhi ei.

PUASAINA 32:13

Châ chakaotuhpa Abarahâ, Aisika nata Izarei hnohta, ‘Avâ liata Awhsi zie ta na pathlazy papôh aw na ta, pie awpa ta bie ei vaw taihpa râh zydua kha na pathlazy pie aw na ta, chhâzaw ryuto châta ama hnei aw,’ tahpa ta nâma tlai ta bie nâ vaw taih hapazy kha rie a thei mah y,” tah ta.

ISAI 48:19

Na chipathlazy sadi hawhta hluh aw ei ta, Na chhi theizy sadi dipa hawhta hluhpa ta, Ama moh phiepa ta y beih leipa aw ta, Ei hmiakô tawhta pahleipadiapa ama châ beih lei awpa tlai!”

ZEREMIAH 32:22

he sâhpiti nata kheihti lona râh, âmo pathlatuhpazy hnohta pie awpa ta bie nâ vaw taihpa râh he na pie ei.

ZEREMIAH 33:22

Avâ awhsizy rei tiah awpa châ leipa ta, tilaipi sadizy panua tiah awpa a châ leipa hawhta, nâ chakaotuhpa Dâvi chipathlazy nata ei chakaona rai a hriatuhpa Livai chi chipathlazy ei papôh aw.”

HÔSIA 1:10

“Chatahrasala Izarei saw maluh cha rei tiah leipa nata panua tiah leipa tilaipi sadi zie hawhta châ aw ei ta, ‘Ei phopi châ veih ei chi’ tahpa ta ama awna su liata, ‘Khazohpa hrohpa sawzy nama châ’ tahpa ta awpa tlao ama châ ha aw.

HÔSIA 2:1

Nama unawhzy cha “Ei phopi” tah u la, nama sietanôzy cha “Ei kyhpachâpa” tah teh u!

MIKÂ 1:9

A hmah patlâh thei awpa châ khao vei; A hmah ta Zudâh tlô ha ta, Zerusale liata ei phopi thokhy chhikao taih a tlô haw.

RAWMA 4:13

Ano cha khizaw ryu a to awpa a châna kyh, Abarahâ nata a pathlazy hnohta a vaw tlôpa bietai kha, ryhpa vâta a vaw tlôpa châ leipa ta, ngiapâna ta siana vâta a vaw tlôpa tlao a châ.

RAWMA 9:27

Isai chhao ta Izarei kyh liata, “Izarei sawzy cha tilaipi sadi zie ta hluh hra ei sala, laibâhpa deita pachhapa ama châ aw.

1 KAWRINI 15:57

Châhrasala eima Beipa Zisu Krista zawhzi ta pahniena miah pietuhpa Khazohpa cha reithaipa ta y mawh sy.

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

RYHPACHANEINA 1:10

Abeipa nama Khazohpa ta cha papôh ei ta, moh teh u, tahmâ cha vâ awhsi zie tlai ta nama vaw pôh haw.

RYHPACHANEINA 1:11

Abeipa, châ pathlatuhpazy Khazohpa ta tahmâ ta nama maluh hlâta a lie sâh hluhpi ta cha papôh ei sala, bie a châ taihpa hawh ei ta, byhnâ cha pie mawh ei sy!

RYHPACHANEINA 10:22

Châ pathlatuhpazy kha Izi râh lâ sysari ta zu ei ta, tahmâ cha Abeipa nama Khazohpa ta vâ awhsi zie ta hluhpa ta a cha tao ha ei.

RYHPACHANEINA 13:17

Hraona sôh hmoziehpazy kheihawhpa hmah nama hria awpa châ vei. Chatanachata Abeipa cha a hiehâhna ru ngaitapa tawhta a palôh pananopa ta, a zawngiahna nama chô liata palâsa aw ta, châ pathlatuhpazy hnohta bie â taihpa hawhta, cha ngiachhie aw ei ta, a cha papôh aw ei.

RYHPACHANEINA 13:18

Cha hawhta a châ thei nawpa ta, Abeipa nama Khazohpa ao nathlie aw ei chi ta, a mohmô liata hmo dopa taopa ta, tanoh ta ei cha piepa ei Abeipa nama Khazohpa biepiepa zydua he nama zyh khai awpa a châ.

RYHPACHANEINA 21:19

a nô nata a paw ta patu aw ei ta, a yna khihpi liata machâzy ryureina thokhy chhikao lâ amâ chhi aw.

HEBRAI 11:12

Chatanachata chapaw pakha, athipa hawhta pachâpa tawhta, avâ liata awhsi zie ta a hluhpa nata tilaipi ngiahkâ liata sadi rei tiah lei zie ta a hluhpa chipathlazy ama vaw pua haw.

HEBRAI 6:14

“Byhnâ cha awpa tlai aw na ta, ei cha papôh tlai aw,” tah ta.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.