ÂTHAONA 22:1 - Mara Bible RV (BSI)

¹ Cha hmozy hnôhlâ ta Khazohpa ta Abarahâ cha pasia ta, a hnohta, “Abarahâ” tahpa ta aw ta. Abarahâ ta, “He liata ei y,” tah ta.

ÂTHAONA 22:1 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

ÂTHAONA 21:11

A sawchapawpa kyh a châpa vâta, cha bie chata Abarahâ cha a pachâ parôhsa ngaita ta.

ÂTHAONA 22:11

Châhrasala Abeipa vâlyuhchâpa ta avâ tawhta, “Abarahâ, Abarahâ!” tahpa ta za awsao ta. Abarahâ ta, “He liata ei y,” tah ta.

ÂTHAONA 22:7

Aisika ta a paw Abarahâ cha bie a chho ta, “Ei pâ,” tah ta. A paw ta, “Ei sawchapawpa, he liata ei y,” tah ta. Aisika ta, “Moh tua, mei nata tho y ta, châhrasala raopa hlâna châta mietakutaw khataih liata a y?” tah ta.

ÂTHAONA 37:13

Izarei ta Zawsi hnohta, “Na unawhzy Sekhe liata sahroh zaw lao ama pabâsa hai no châ vei ma? A vy teh, âmo lâ ei cha tuah aw,” tah ta. Zawsi ta a hnohta, “He liata ei y,” tah ta.

ÂTHAONA 46:2

Khazohpa ta zâ ta a mâ lâta Izarei cha bie chho ta, “Zakaw, Zakaw,” tah ta. Ano ta, “He liata ei y,” tah ta.

2 SAMUELA 24:1

Abeipa cha Izarei chô liata a pathi ia heih ta, chatanachata âmo patypamâ awpa ta Dâvi cha pasyu ta, a hnohta, “Sie la, Izarei nata Zudâh maluh kei reih teh,” tah ta.

2 THÂTIHZYRONA 32:31

Babylaw beimachâzy ta lyuhchâpazy za tuah ei ta, râh liata ngiana hmo ama taopazy ama za patluahna kyh liata, Khazohpa ta Hezekia cha pasia ta, a palôh liata a ypa zydua pahno awpa ta ano y ta a paysa hapa kha a châ.

HLAZY 11:5

Abeipa ta mosiapa cha pasia ta, Moleipa nata nôchhiepa zy deikua cha a hro ta â hao.

PUASAINA 16:4

Abeipa ta Mawsi hnohta, “Pachâ teh, nama châta avâ tawhta viahchhâ pasuasa aw na ta, zawpizy pua aw ei ta, noh kha châta ama tovyuh a daihpa ta noh chareih amâ huah lymâ aw. Cha liana chata ei ryhpa ama zyh ma, zyh vei ma tahpa ei pasia aw ei.

PUASAINA 3:4

Mo awpa ta a kei tleipa cha Abeipa ta a hmô nahta, Khazohpa ta thobuh hry tawhta vaw aw ta, “Mawsi, Mawsi!” tah ta. Mawsi ta, “He liata ei y,” tah ta.

BIESOZY 17:3

Pathaisana beih cha tâkâ châta châ ta, Patina mei chhao ngôh châta a châ; Abeipa deikua cha palôh a pasia tyh.

ISAI 6:8

Chatawhcha ei Abeipa ao thei na ta, “Ahy tuah aw na ta, ahy ma eima châta a sie aw?” tah ta. Kei ta, “He liata ei y! Na tuah mah y!” tah na ta.

1 KAWRINI 10:13

Chyhsa chô liata a tlô tyhpa reipasaonazy dei leipa ta cha, reipasaona hropa nama chô liata tlô beih vei. Khazohpa cha ngâchhihpa châ ta, nama pahnie lei awpa reipasaona namâ tyh awpa pasaih aw vei. Reipasaona nama pahnie thei nawpa ta, reipasaona raohpa ta a râ nawpa lâpi a cha taopa aw ei.

RYHPACHANEINA 13:3

cha hrohsopa bie tlyma, mâ sapa ta chhochhielietuhpa bie tlyma cha nama nathlie awpa châ vei. Abeipa nama Khazohpa ta ano cha nama pathipalôh tlokhuh ta nata nama thlahpa tlokhuh ta kyh nama pachâ ma, pachâ vei ma, tahpa a pahno khohpa vâta a cha pasiapa ei a châ.

RYHPACHANEINA 8:16

Châ pathlatuhpazy ta ama pahno beih leipa mânâ ta cha pasa ei ta, a chhâna liata nama pha nawpa ta, cha panawh ei ta, a cha pasia ei.

RYHPACHANEINA 8:2

A biepiepazy nama zyh ma, zyh vei ma tahpa nama palôh pahno nawpa ta, cha panawh ta, cha pasia awpa ta, Abeipa nama Khazohpa ta kô sypalih dua râhchawhpa liata a châ chhipa ei namâ thei thlâh awpa a châ.

HEBRAI 11:17

Ngiapâna ta Abarahâ cha pasiapa ta a y nota, Aisika hlâ ta, bietaizy a totuhpa ta a sawchapaw matlupa cha a hlâ haw.

ZÂMIE 2:21

Miah pathlatuhpa Abarahâ ta a sawchapawpa Aisika maisâh chô liata a hlâ nona kha, hmotaopa vâta thai pachâsapa châ vei mâ?

1 PITY 1:7

Chatanachata pasiapa ta a ypa namâ ngiapâna cha, mei ta pasiapa ngôh hlâta sôh viapa ngiapâna hmeiseihpa a châzie a lâ aw ta, Zisu Krista â vaw luah tita reithaina nata palyupalihna nata rônahna zy nama to aw.

RYUREITUHPAZY 2:22

Ama pathlatuhpazy ta Abeipa lâpi amâ chhih tyhpa hawhna khata, âmo he amâ chhih ma chhih vei ma tahpa pasiana châta phopizy he ei hmâh aw ei,” tah ta.

1 SAMUELA 3:4

Abeipa ta Samuela cha aw ta, Samuela ta, “He liata ei y” tah ta,