“Chanô ta a saw sâhpi a ngiehpa a my thei aw ma? A chhi tawhta a puapa ngiachhie leipa ta a y aw ma? Chanôzy ta la ama sawzy ama my ngyu na, Kei deikua ta la cha my aw va na.
Na palôh ta pachâ aw chi ta, ‘He sahlao he ahy ma nâ sapa tly i? Kei cha mâchhiesapa ta choh ha na ta, Sei ta nâ chhipa ta na papua ha ei ta, Ahy ma âmo he a vaw mohôh tly i? Pachâ tua u, keima dei ta siesaipa châ tlôh na ta, He sahlao he khataih tawhta a vypa ma ama châ tly?’ na tah aw.”
“Hy chanô chohpa, Nâ, saw a sa beih leipa y, Hla sa la; Nâ, nawh a zeih beih lei nô y, Hla sapa ta awh teh! Vahpa chhaopa chanô sawzy hlâta, Chanô kypa sawzy ama hluh via bâ aw,” Abeipa ta a tah.
Hânâ ta, “Hy ei zibeipa! Na hrona reipa ta ei reih. Ei zibeipa y, kei he he su liata na mohmô liata a duah na ta, Abeipa lâta thlah a chhâpa chanô kha ei châ.