ÂTHAONA 21:4 - Mara Bible RV (BSI)

⁴ Khazohpa ta bie a piepa hawhta, Abarahâ ta a sawchapawpa Aisika cha noh charie a châ nahta, a chopaw taipa ta.

ÂTHAONA 21:4 ပူးပေါင်းရင်းမြစ်များ

PUASAINA 12:48

Chihropa nama hry liata a pahrâpa ta Abeipa Zawpakhô a chay khoh hra khiahta cha, a hnohta a ypa chapaw zydua chopaw tai khai tua awpa châ ta, cha khai tawhta a vaw hnia aw ta, a chay hra aw. Chatanachata ano cha râh liata a pihpa hawhta pachâpa a châ aw. Chopaw tai leipa chyhsa deikua cha a nie awpa châ vei.

THEIHTHAINA 12:3

A noh chariena noh ta, hawtipa cha a chopaw vo tai awpa a châ.

LUKA 1:59

A noh chariena noh ta hawsaih chopawtai awpa ta a vy ei ta, a paw moh zipa ta a moh Zekaria bi a chhuah ei ta.

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

LUKA 2:21

Noh charie vaw tloh ta, hawsaih cha chopawtaipa a châ khai nahta, a moh Zisu bi ei ta. Cha moh cha chhi liata nawh â choh hlâta, vâlyuhchâpa ta moh a vaw bi chhielie hapa kha a châ.

HMOTAOPAZY 7:8

Khazohpa ta Abarahâ cha chopawtaina biehrai pie ta. Abarahâ cha Aisika sa ta, a noh chariena noh ta a chopaw tai ta, Aisika ta Zakaw sa ta, Zakaw ta pathlatuhpa pahrawh hleinozy kha sa ta.

RYHPACHANEINA 12:32

Bie ei cha piepa zydua ei he pakhâta ta nama tao awpa a châ. Nama baichha awpa châ leipa ta, nama thy bâ awpa châ hra vei.