ÂTHAONA 21:32 - Mara Bible RV (BSI)

³² Cha hawhna chata Besebâ liata biehrai tao ei ta. Biehrai ama tao khai nahta, Abimele nata a pheisaih hyutuhpa Phikaw cha thyu ei ta, Philistinâ râh lâ amâ lie haw.

ÂTHAONA 21:32 ပူးပေါင်းရင်းမြစ်များ

ÂTHAONA 10:14

Pârusi, Philistinâ mozy pathlatuhpa Kâluhi nata Kâftawri mozy sa ta.

ÂTHAONA 14:13

Chyhsa â râpa pakha a vy ta, Mamre thothih liata a pahrâpa Hebrai chyhsa Abarâ hnohta cha thâtih cha chho ta. Mamre cha Amawri chyhsa châ ta, Eskaw nata Ane unawhpa a châ. Âmo cha Abarâ nata a pazaopa ama châ.

ÂTHAONA 21:27

Abarahâ ta mietakuzy nata viahchao tôhpazy a chhi ta, Abimele cha pie ta, chatanachata ama pano likah liata biehrai tao ei ta.

ÂTHAONA 21:31

Cha su liata ama pano ta bie amâ taih raihriepa vâta, cha su cha Besebâ bipa a châ.

ÂTHAONA 21:33

Abarahâ ta Besebâ liana cha Tamâri tho loh ta, cha liata Abeipa, Chhâzaw Khazohpa moh pado ta.

ÂTHAONA 26:14

Mietaku zawzy, viahchao zawzy nata sei hluhpi hnei ta, Philistinâ mo ta ano cha ama uahva kaw.

ÂTHAONA 26:8

Cha liata bohpi a y tawhta, Philistinâ bei Abimele cha opy tawhta mohmia pasaih ta, Aisika ta a lapinô Rebekâ â pangia palipa hmô ta.

ÂTHAONA 31:44

Tahmâ a vy teh, nâma nata keima likah liata biehrai tao sih la, cha cha keima nata nâma likah liata pahnokheituhpa châ mawh sy,” tah ta.

ÂTHAONA 31:53

Abarahâ Khazohpa nata Nâhaw Khazohpa nata âmo pathlatuh Khazohpa ta eima likah liata pachia mawh sy,” tah ta. Chatanachata Zakaw cha a paw Aisika China moh ta bie a taih ta.

PUASAINA 13:17

Phiraoh ta Izarei sawzy a pasiesa no kha, Philistinâ râh lâpi lâ a hnia via taraw ta, châhrasala Khazohpa ta, “Adyuhna amâ tyh tita, a ngiapachhipa ta Izi râh lâ ama kua pathlei aw na,” a tahpa vâta âmo cha, cha lâ tawhta a chhi vei.

RYUREITUHPAZY 13:1

Izarei sawzy cha Abeipa mohmô ta moleina hmo tao heih ei ta, chavâta Abeipa ta âmo cha Philistinâ mo ku liata kô sypalih paysa ta.

1 SAMUELA 18:3

Zawnathâ ta Dâvi cha ano hrona hawh tlai ta a kyh a pachâpa vâta, a hnohta biehrai tao ta.