ÂTHAONA 21:23 - Mara Bible RV (BSI)

²³ Kei ta na chô liata phana ei palâsapa hawhna heta, nâ chhao kei nata na khichhai châna râh chô liana heta phana palâsa hra mah y. Kei nata ei sawzy nata ei pathlazy chô liata â doleipa ta tao lei awpa ta, tahmâ Khazohpa moh ta bie nâ taih mah y,” tah ta.

ÂTHAONA 21:23 ပူးပေါင်းရင်းမြစ်များ

ÂTHAONA 20:14

Abimele ta mietakuzy, viahchaozy, seichapawzy nata seichanôzy a chhi ta, Abarahâ hnohta pie ta, a lapinô Sârâ chhao a pie pakhua haw.

ÂTHAONA 21:24

Abarahâ ta, “Bie ei taih,” tah ta.

ÂTHAONA 24:3

Lei nata vâ Khazohpa Abeipa moh ta bie cha pataihsa awpa ei khoh. Ei sawchapawpa lapinô châta ei pahrâna Kâna zuah na hiapa awpa châ vei.

ÂTHAONA 26:28

Âmo ta, “Abeipa na hnohta a y tahpa a siapa ta eima hmô haw. Chavâta eima likah liata, keimo nata nâma likah liata bietai y sala, na hnohta biehrai tao awpa eima khoh.

ÂTHAONA 31:44

Tahmâ a vy teh, nâma nata keima likah liata biehrai tao sih la, cha cha keima nata nâma likah liata pahnokheituhpa châ mawh sy,” tah ta.

ÂTHAONA 31:53

Abarahâ Khazohpa nata Nâhaw Khazohpa nata âmo pathlatuh Khazohpa ta eima likah liata pachia mawh sy,” tah ta. Chatanachata Zakaw cha a paw Aisika China moh ta bie a taih ta.

ÂTHAONA 39:3

Abeipa cha Zawsi hnohta y ta, a ku ta a taopa maih Abeipa ta hlao a patlohsa lymâpa a zibeipa ta hmô ta.

ÂTHAONA 47:31

Izarei ta, “Bie nâ taih teh,” tah ta, Zawsi ta bie a taih ta. Cha khai tawhta Izarei cha a rakhô luh chô liata a bôh ta.

ZEREMIAH 4:2

Ngâchhihna, adona nata siana ta, ‘Abeipa hrona reipa ta ei reih,’ Tahpa ta bie nâ taih khiahta cha, Phopizy cha Abeipa liata huhiehpa ta y aw ei ta, Ano amâ palaikhei aw.”

2 KAWRINI 1:23

Nâ pahnokheituhpa châta Khazohpa ei aw. Nâmo cha patypamâ awpa ei khoh leipa vâta Kawrini khih lâ kha ei vy leipa a châ.

RYHPACHANEINA 6:13

Abeipa nama Khazohpa cha chi aw chi ta, ano deita chakao aw chi ta, ano moh reipa ta bie namâ taih awpa a châ.

HEBRAI 6:16

Chyhsazy ta âmo hlâta rônah viapa moh reipa ta bie a taih tyh ei ta, aeichhiana ama hneipa to liata chhao, bietai cha bietluna pa-ina châta ama hmâh tyh.

ZAWSUA 2:12

Chavâta tahmâ Abeipa moh ta bie einâ taih awpa ei chi ta ei châ haw ei. Kei ta nama chô liata ngiachhiena ei palâsapa hawhna heta, nâmo chhao ta ei paw chhôhkha chô liata ngiachhiena palâsa awpa ta bie nâ taih u la, ei lôh thei nawpa ta ngiana na pie teh u.

1 SAMUELA 20:13

Ei paw ta na chô liata hmo pha leipa tao a chhuah sala, cha chho leipa aw sah la, thlalôhpa ta na sie thei nawpa ta ei cha pathlie leipa khiahta cha, Abeipa ta Zawnathâ chô liata a tao awpa cha tao sala, cha hlâta pasa viapa chhao ta tao mawh sy. Ei paw hnohta a Abeipa a y tyhpa hawhta, nâma hnôh chhao ta y hra mawh sy.

1 SAMUELA 20:17

Zawnathâ ta Dâvi cha, a kyh a pachâna kyh reipa ta, bie pataihsa heih ta. Ano hrona kyh a pachâpa tlu ta, Zawnathâ ta Dâvi cha a kyh a vaw pachâpa a châ.

1 SAMUELA 20:42

Zawnathâ ta Dâvi hnohta, “Thlalôhpa ta sie mah y, ‘Abeipa cha keima nata nâma likah nata ei pathlazy nata na pathlazy likah liata chhâzaw ta y mawh sy,’ tahpa ta Abeipa moh ta bie liahsa eimâ taih raihrie ha khaw,” tah ta. Chatanachata Dâvi cha thyu ta, sie ha ta. Zawnathâ chhao khihpi lâ a lie ha hra ta.

1 SAMUELA 30:15

Dâvi ta a hnohta, “Cha pheisaihzy yna lâ cha einâ chhi thei aw chi ma?” tah ta. Ano ta, “Na thie lei awpa nata ei zibeipa ku liata na hlâ lei awpa ta, Khazohpa moh ta bie einâ taih khiah chi ta cha, pheisaihzy yna lâ cha ei châ chhi aw,” tah ta.