ÂTHAONA 21:22 - Mara Bible RV (BSI)

²² Cha daihti liata, Abimele nata a pheisaih hyutuhpa Phikaw ta Abarahâ hnohta, “Na hmotaopa zydua liata Khazohpa na hnohta a y lymâ.

ÂTHAONA 21:22 ပူးပေါင်းရင်းမြစ်များ

ÂTHAONA 20:14

Abimele ta mietakuzy, viahchaozy, seichapawzy nata seichanôzy a chhi ta, Abarahâ hnohta pie ta, a lapinô Sârâ chhao a pie pakhua haw.

ÂTHAONA 20:17

Abarahâ ta Khazohpa lâ thlahchhâ ta, Khazohpa ta Abimele nata a lapinô nata a seichanôzy cha patlâh heih ta, chatanachata sawzy sa heih ei ta.

ÂTHAONA 20:2

Abarahâ ta a lapinô Sârâ cha, “Ei sietanô na a châ,” tah ta. Chavâta Kerâ bei Abimele ta chyhsa tuah ta, Sârâ cha lapinô ta hnei ta.

ÂTHAONA 26:26

Abimele cha, a viasapa Ahusâ nata a pheisaih hyutuhpa Phikaw chhaota Kerâ tawhta Aisika yna lâ vawh ta.

ÂTHAONA 26:28

Âmo ta, “Abeipa na hnohta a y tahpa a siapa ta eima hmô haw. Chavâta eima likah liata, keimo nata nâma likah liata bietai y sala, na hnohta biehrai tao awpa eima khoh.

ÂTHAONA 28:15

Pachâ teh, na hnohta ei y. Na siena maihta cha vaih lymâ aw na ta, he râh lâ he ei châ vaw chhi heih aw. Na hnohta bie ei taihpa he, ei patlô hlâlei cha, cha siesai cheita aw va na,” tah ta.

ÂTHAONA 30:27

Lâbâ ta a hnohta, “Na modypa ei châ khiahta cha, ngiachhiepa ta y chy mah y. Nâma zawhzi ta Abeipa ta byhnâ eina pie tahpa aluahna ta ei hmô haw,” tah ta.

ÂTHAONA 31:5

Ama hnohta, “Nama paw he ei chô liata â ly tyhpa hawhta a ly khao vei tahpa ei pahno. Châhrasala nâ pathlatuhpazy Khazohpa ei hnohta y ta.

2 SAMUELA 24:7

Tyre thokhy tlô ei ta, Hivi mo nata Kâna mo khih zydua chahryh ei ta, Zudâh chho lâ sie ei ta, Besebâ tlô ei ta.

2 THÂTIHZYRONA 1:1

Dâvi sawchapawpa Sawlawmaw cha a khinarâh liata a pa-i ta, Abeipa a Khazohpa cha a hnohta y ta, thata parônahsa ta.

ISAI 45:14

Abeipa ta hetana heta a tah: “Izi hneirôna nata Kusi sôdaohna zy nâ lâ a vy aw ei ta, Sâbia doh seihpazy nâ lâ amâ vy aw; Na eih châ aw ei ta, Nâ ama cha pazi aw. Bâlia chhaota nâ lâ a vy aw ei ta, Na hmiakô liata amâ bôh aw. ‘Khazohpa cha na hnohta y tlai ta, Khazoh hropa y veih ei, Nâ leipa ta Khazohpa hropa rai y veih ei,’ Tah aw ei ta, Ngiachhiena ama châ haw aw.”

ISAI 8:10

Pachânazy cha reih pahmaoh teh u, Châhrasala khâpa hmah châ aw vei; Bie cha reih teh u, Châhrasala a duah aw vei, Khazohpa eima hnohta a ypa vâta.

ZEKARIA 8:23

Pheisaihzy Abeipa ta hetana heta a tah: Cha nohzy liata, râh to nata reih to tawhta chyhsa pahrawhzy ta Zu chyhsa pakha cha a poh pai patupa ta, ‘Khazohpa nama hnohta a y tahpa thei ha pi ta, chavâta nama hnohta bâh sie hra ei suh u,’ ama tah aw.”

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

1 KAWRINI 14:25

A palôh liata nyupazy palâsapa châ aw ta, â khu lâta pao aw ta, Khazohpa a chhypa ta, Khazohpa cha nama hry liata a y hmeiseih tlai tahpa ta a phuah aw.

HEBRAI 13:5

Nama hro cha tâkâ sôh tlaichhaina a hlao leipa châ sala, nama hneipa rakha liata palôhtlâh a pao muh vy. Abeipa ta, “Cha pathlua beih leipa aw ei na ta, cha siesai beih aw veih ei na,” a tah.

ZAWSUA 3:7

Abeipa ta Zawsua hnohta, “Mawsi hnohta ei ypa hawhna khata na hnohta chhao ei y aw tahpa ama pahno thei nawpa ta, Izarei saw zydua mohmô liata tanoh tawhta ei cha cheihchalo pathao aw.

BIEPHUAH 3:9

Moh teh, Sâtâ pakhyna o liata chyhsazy, Zu chyhsa hmeiseihpa châ tlôh leipa ta, haipa ta Zu chyhsa â tahpazy cha na phei thaby liata vaw pabôhsa aw ei na ta, kyh ei cha pachâ tahpa ama pahno aw.

1 SAMUELA 24:22

Dâvi ta Sawla cha bie a taih ta. Chatawhcha Sawla cha o lâ sie ta, Dâvi nata a chyhsazy deikua cha thokhy lâ khy ha ei ta.

1 SAMUELA 3:19

Samuela cha laiseih lymâ ta, a hnohta Abeipa y ta, a bie reipazy leilô liata a pailyupa y vei.