ÂTHAONA 21:21 - Mara Bible RV (BSI)

²¹ Pârâ râhchawhpa liata pahrâ ta, a nô ta Izi zuah a lapinô ta hiapa ta.

ÂTHAONA 21:21 ပူးပေါင်းရင်းမြစ်များ

ÂTHAONA 14:6

Hôri mo chhao ta ama yna Seirâ Tlâh tawhta râhchawhpa kiapâh liata a ypa Elpârâ taihta ama thie lymâ.

ÂTHAONA 16:3

Abarâ cha Kâna râh liata kô hrawh a pahrâ tawhta, a lapinô Sârai ta, a seichanô Izi zuah Hâkarâ cha a chhi ta, a vahpa Abarâ hnohta a lapinô châta pie ta.

ÂTHAONA 25:18

A pathlazy cha Havilâ râh tawhta Izi râh daih lâta Surâ râh taihta pahrâ ei ta, Asuria râh taihta pahrâ hra ei ta, ama unawhzy nata a khakhaipa ta ama y lymâ.

ÂTHAONA 27:46

Rebekâ ta Aisika hnohta, “Hiti chanôzy vâna heta, hro eina ai kaw. Zakaw ta âmo hawhpa Hiti chanô, he râh zuah he lapinô ta a hnei hra chhochhi khiahta cha, hro he ei châta khâpa a phahnai aw?” tah ta.

1 ABEIZY 11:18

Midia râh tawhta pua ei ta, Pârâ lâ sie ei ta, Pârâ tawhta chyhsa a chhipa ta Izi râh lâ sie ei ta, Izi bei Phiraoh kô za tlô ei ta. Phiraoh ta Hâdâ cha o pie ta, a nie awpa pachâpa ta, râh chhao a pie.

2 THÂTIHZYRONA 24:3

Zehôdâ ta lapinô pano hiapa ta, sawchanôzy nata sawchapawzy sa ta.

ZEREMIAH 29:6

Lapinôzy hnei u la, sawchapawzy nata sawchanôzy sa teh u. Nama sawchapawzy châta lapinôzy hiah u la, nama sawchanôzy vahpa pahneisa u la, sawchapaw sawchanô zy sa ei sala, pôh u la, maluh a sy khuh vy.

HABAKU 3:3

Khazohpa cha Temâ tawhta a vy ta, Pathaihpa cha Pârâ Tlâh tawhta â vy. Selah A rônahna ta avâ khu ta, A reithaina ta leilô a bie.

MALUHREINA 10:12

Izarei sawzy cha Sinai râhchawhpa tawhta a py py ta sie ei ta, meihdo cha Pârâ râhchawhpa liata a duah ta.

MALUHREINA 12:16

Cha khai tawhta zawpizy cha Hazerô tawhta pua ei ta, Pârâ râhchawhpa liata riehmo paryh ei ta.

MALUHREINA 13:26

Pârâ râhchawhpa Kâdesâ liata Mawsi nata Arawna nata Izarei zawpi zydua yna vaw tlô ei ta. Mawsi nata Arawna nata zawpi zydua hnohta bie vaw phaoh ei ta, a râh theilâpazy chhao pahmô ei ta.

MALUHREINA 13:3

Mawsi ta, Abeipa bie piepa hawhta, âmo cha Pârâ râhchawhpa tawhta pasiesa ta. Ama zydua ta Izarei pathla chhituhpa ama châ.

1 KAWRINI 7:38

Chatanachata lapinô a pahawhpa a hneipa cha, tao pha ta, a pahawhpa a hnei mâh leipa cha a tao pha via heih.

RYUREITUHPAZY 14:2

A khy ta, a nô nata a paw chho ta, ama hnohta, “Timnah khih liata Philistinâ zuah pakha ei hmô. Ei lapinô châta na hiapa teh u,” tah ta.

1 SAMUELA 25:1

Samuela cha thi ta. Izarei zydua a hmaohpakhy ei ta, ano châta mâchhiesa ei ta, Râmâ liata a ohmo liata ama pabu haw. Dâvi cha thyu ta, Pârâ râhchawhpa lâ zu ta.