ÂTHAONA 21:17 - Mara Bible RV (BSI)

¹⁷ Khazohpa ta hawtipa ao cha thei ta. Khazohpa vâlyuhchâpa ta avâ tawhta Hâkarâ cha za aw ta, a hnohta, “Hâkarâ, khâpa ma na pachâ châ parôhsa? Chi khah y, hawtipa ao cha a yna lia tlai ta Khazohpa ta a thei haw.

ÂTHAONA 21:17 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

ÂTHAONA 16:11

Abeipa vâlyuhchâpa ta a hnohta, “Pachâ teh, saw phaoh chi ta, Sawchapaw na sa aw; Abeipa ta na pasataona a pahnopa vâta, A moh Ismela na bi aw.

ÂTHAONA 16:7

Abeipa vâlyuhchâpa ta Hâkarâ cha râhchawhpa tihnawh kiapâh, Surâ pangaina lâthlôh liata tihnawh kiapâh liata hmô ta.

ÂTHAONA 16:8

A hnohta, “Hâkarâ, Sârai seichanônô, khataih tawhta nâ vy, khataih lâ na sie aw?” tah ta. Ano ta, “Ei zibeinô Sârai tawhta ei râ,” tah ta.

ÂTHAONA 16:9

Abeipa vâlyuhchâpa ta, “Na zibeinô Sârai lâ kua la, ano rei sai ta kei y mah y,” tah ta.

ÂTHAONA 22:11

Châhrasala Abeipa vâlyuhchâpa ta avâ tawhta, “Abarahâ, Abarahâ!” tahpa ta za awsao ta. Abarahâ ta, “He liata ei y,” tah ta.

ÂTHAONA 24:7

Avâ Khazohpa Abeipa, ei paw o tawhta nata ei pina râh tawhta na chhihthapa ta, bie na chho ta, ‘He râh he na pathlazy ei pie aw,’ tahpa ta bie nâ taihtuhpa tlai chata a vâlyuhchâpa na hmia lâta pasiesa aw ta, cha tawhna chata ei sawchapawpa châta lapinô na hiapa aw.

ÂTHAONA 26:24

Cha zâ ta a hnohta Abeipa a vaw luah ta, “Kei he na paw Abarahâ Khazohpa ei châ. Chi khah y, ei cha ypâ lymâ aw. Byhnâ cha pie aw na ta, nâ chakaotuhpa Abarahâ zawhzi ta na pathlazy ei papôh aw,” tah ta.

ÂTHAONA 46:3

Ano ta, “Kei he Khazohpa, na paw Aisika Khazohpa ei châ. Izi râh lâta zu awpa chi khah y. Cha liata phopi rônahpa ta ei cha tao aw.

2 ABEIZY 13:23

Châhrasala Abeipa ta Abarahâ, Aisika nata Zakaw zy chô liata a biehrai vâta, Izarei sawzy cha ngiachhie ta, a thapasa kaw tyh ta. Chavâta âmo lâ a heih heih tyh ta, Izarei sawzy cha pahleipadia khoh leipa ta, tahmâ taihta a mohmô tawhta âmo cha thy pathlah khoh vei.

2 ABEIZY 13:4

Chatawhcha Zehôahâ ta Abeipa khokheina tlua ta, Aramia bei ta Izarei a tlybaipa a hmôpa vâta, Abeipa ta a bie cha nathlie ta.

HLAZY 10:14

Na hmô mâh tâh, Ruchhôna nata nôchhiena zy ngiapa ta, Na ku liata soh chi ta; Dyhchhiepa ta cha pangai ta, Paw hnei leipa baotuhpa na châ.

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

HLAZY 6:8

Nâmo moleina hmo a taotuhpa zydua saih u, Na siesai teh u, Abeipa ta ei chana ao thei ha tlôh ta.

HLAZY 65:2

Hy thlahchhâna a theituhpa y, Chyhsapa zydua nâ lâ amâ vy aw.

HLAZY 91:15

Eina pado tita a chhy aw na ta, Nôpona daihti liata a hnohta ypa ta, Pachha aw na ta ei palyupalih aw.

PUASAINA 14:13

Mawsi ta Izarei phopi hnohta, “Chi khah u, â ipa ta a duah u la, Abeipa pachhana tanoh a vaw tlô awpa mokhâh teh u. Tanoh ta Izi chyhsa nama hmôpazy he chhâzaw ta hmô heih khao aw veih ei chi.

PUASAINA 22:23

Ama rie pathei u la, eina awsao khiah ei ta cha, ama awna ao thei aw na ta,

PUASAINA 22:27

A chhâpa cha, cha poh cha a bu awpa a hnei chhôhpa, a pôhpa liata â bu awpa poh châ ta, khâpa a bupa ta ma â mô aw? Kei cha ngiachhiena a hneipa châ tlôh na ta, chavâta eina awsao tita ei thei aw.

PUASAINA 3:2

Abeipa vâlyuhchâpa ta meipaleih ta a hnohta a vaw luah ta, meipaleih cha thobuh hry tawhta kaw pua ta, kei moh ta, thobuh liata meipaleih ia ta, a thobuh deikua cha kâ leipa ta.

PUASAINA 3:7

Abeipa ta, “Izi râh liata ei phopi a ypazy riethei taozie hmô na ta, ama raihria hyutuhpazy vâta ama awhna ao chhao thei na ta, ama pachârôhnazy ei pahno.

ISAI 22:1

He he aluahna saikao kyh chhochhieliena bie a châ: Khâpa ma châ patypamâ ei tly, Vâphuh lâ dia nama kia khai haw?

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

MATHAI 15:32

Zisu ta a pachupazy aw ta, ama hnohta, “Zawpizy he tahmâ noh thôh tlai ei hnohta y ha ei ta, nie awpa khâpa hmah ama hnei leipa vâta, ei ngia eina chhie ngaita ei. Nodipa ta âmo pasiesa awpa hra cha, lâpi liata ama panao pathlei awpa vâta khoh leipa na ta,” tah ta.

MÂKA 5:36

Zisu ta ama bie reipa cha a thei nahta, pakhyna o hyutuhpa hnohta, “Chi leipa la, a ngiapâ thlâh ha mah y,” tah ta.

RYHPACHANEINA 26:7

Abeipa miah pathlatuhpazy Khazohpa awsao pi ta, Abeipa ta eima awna ao thei ta, eima rietheizie zy, eima hriapasazie zy nata tlybaipa ta eima yzie zy miah hmô ta.

RYUREITUHPAZY 18:23

Dânâ pathlazy cha awsao ei ta, a vaw heih ei ta, Mikâ hnohta, “Khâpa rimâ maw, chyhsa khazie zydua chhaota nâ vy tly?” tah ei ta.

1 SAMUELA 11:5

Cha nota, moh tua u, Sawla cha viahchao vaw haoh laihpa ta lyu tawhta vaw tlô ta, ama hnohta, “Khâpa hmo pha leipa ma zawpizy he amâ tyh tly? Khazia ma ama cha ngâ kaw tly?” tah ta. Zabe mo bie reipa cha chho ei ta.