ÂTHAONA 21:12 - Mara Bible RV (BSI)

¹² Khazohpa ta Abarahâ hnohta, “Hawtipa vâta nata na seichanô vâta na pachâ a parôhsa leipa la, Sârâ ta na hnohta a reipa maih, a reipa hawhta tao mah y. Aisika tawhta na pathlazy a laichadaipa a châ aw.

ÂTHAONA 21:12 ပူးပေါင်းရင်းမြစ်များ

ÂTHAONA 17:19

Khazohpa ta, “Châ bao va, na lapinô Sârâ ta sawchapaw cha sapa aw ta, a moh Aisika na bi aw. Ano hnohta ei biehrai pa-i aw na ta, cha cha ano hnôhlâ ta a pathlazy châta chhâzaw biehrai a châ aw.

ÂTHAONA 17:21

Ei biehrai deikua cha, Sârâ ta hâhkô, he daihti liata a cha sapa awpa Aisika hnohta ei pa-i aw,” tah ta.

ISAI 46:10

Âthaona tawhta chhâna kyh reih ha na ta, Hmo tao mâh leipazy chhao, Hlâno tawhta hetana heta ei reih haw: ‘Ei ryhraopa a duah aw ta, Ei chhuahpa zydua ei tao khai aw.’

KALATIA 4:30

Biehrai ta kheihta a tah? “Seichanô nata a sawchapawpa kha papua teh, seichanô sawchapaw ta khotalaipa chanô sawchapaw ryu a tolâh awpa châ vei,” a tah.

HEBRAI 11:18

“Aisika liata na pathlazy a laichadaipa a châ aw,” tahpa ta chhopa chyhsa ta, a sawchapaw matlupa a hlâ.

1 SAMUELA 8:7

Abeipa ta Samuela hnohta, “Zawpi ao ta na hnohta ama reipa zydua cha nathlie mah y. Nâma ama cha khoh leipa châ leipa ta, ama bei châta kei eina khoh leipa ei tlao a châ.

1 SAMUELA 8:9

Chavâta ama ao cha nathlie mah y. Anodeikuacha a sia ngaitapa ta ama hnohta zikyu a râ la, ama chô liata ryu a reih awpa bei hmotaozie awpazy chhao âmo pahnosa chhielie ha mah y,” tah ta.