ÂTHAONA 21:1 - Mara Bible RV (BSI)

¹ A vaw rei hapa hawhta, Abeipa ta Sârâ cha za tly ta. Abeipa ta a bietai hawhta Sârâ chô liata tao ta.

ÂTHAONA 21:1 ပူးပေါင်းရင်းမြစ်များ

ÂTHAONA 17:16

Byhnâ pie aw na ta, ano chô liata sawchapaw ei cha pie aw. Byhnâ pie aw na ta, phopizy pathlatuhnô châ aw ta, phopi beizy ano tawhta ama pua aw,” tah ta.

ÂTHAONA 17:19

Khazohpa ta, “Châ bao va, na lapinô Sârâ ta sawchapaw cha sapa aw ta, a moh Aisika na bi aw. Ano hnohta ei biehrai pa-i aw na ta, cha cha ano hnôhlâ ta a pathlazy châta chhâzaw biehrai a châ aw.

ÂTHAONA 17:21

Ei biehrai deikua cha, Sârâ ta hâhkô, he daihti liata a cha sapa awpa Aisika hnohta ei pa-i aw,” tah ta.

ÂTHAONA 18:10

Abeipa ta, “Hâhkô tahmâ ti heta na hnohta a vy heih thlyu aw na ta, na lapinô Sârâ ta sawchapaw a sa aw,” tah ta. Cha bie cha a hnôh lâta poh o chhikao tawhta Sârâ ta vaw thei ta.

ÂTHAONA 18:14

Abeipa châta hmo ru tupa a y ma? Daihti raopa liata nâ lâ a vy heih aw na ta, hâhkô tahmâ ti heta Sârâ ta sawchapaw a sa aw” tah ta.

ÂTHAONA 24:36

Ei zibeipa lapinô Sârâ ta a nôpi tawhta ei zibeipa châta sawchapaw sapa ta, ano hnohna chata a hneipa zydua a pie khai haw.

ÂTHAONA 50:24

Zawsi ta a unawhzy hnohta, “Kei cha thi daihmâ ha na ta, châhrasala Khazohpa ta cha vaw tly aw ei ta. Khazohpa ta he râh tawhta châ chhi papua aw ei ta, Abarahâ, Aisika nata Zakaw zy hnohta bie â taihpa râh lâ a châ chhi aw ei,” tah ta.

2 ABEIZY 4:17

Châhrasala chanô cha saw phaoh ta, Elaisâh ta a hnohta a reipa hawh tlai ta, a hâhkô, cha daihti liata sawchapaw sa ta.

HLAZY 106:4

Hy Abeipa, na phopi na khokhei tita nâ thei la, Na pachha ti ei ta na bao mah y.

HLAZY 12:6

Abeipa biezy cha bie pathaihpa châ ta, Alei liata patina meihô liata tâkâ a thlipasohpa hawhta, Ei sari a thlipasohpa a châ.

PUASAINA 20:5

Chazy cha nâ chhy awpa châ leipa ta, na chakao awpa châ hra vei. Kei Abeipa na Khazohpa he, Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

PUASAINA 3:16

Sie la, Izarei machâzy awpakhy la, ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ei hnohta a vaw luah ta, hetana heta a tah: Cha vaw tly ei na ta, Izi râh liata nama chô liata ama hmotaopazy ei hmô haw.

PUASAINA 4:31

Izarei phopi ta ama biereipa cha zo ei ta, Abeipa ta Izarei sawzy za tly ta, ama pasataonazy a za hmô haw tahpa ama thei nahta, ama luh a bôhpa ta Abeipa cha a chhy ei ta.

MATHAI 24:35

Lei nata vâ a lei aw, ei biezy deikua lei aw vei.

LUKA 1:68

“Abeipa Izarei Khazohpa cha, Reithaipa ta y mawh sy! A chyhsazy za tly ta, A pachha haw.

LUKA 19:44

Nâ nata na chhôh liata a ypa na sawzy alei liata ama cha taikhy aw. Chariahpazy vaw tlô nawpa noh na pahno leipa vâta, nâma liata alô â pachopa rai miakha hmah y khao leina taihta ama cha parao aw,” tah ta.

KALATIA 4:23

Seichanô chô liata sawchapaw cha, sapa ryhpa hawhta pih ta, khotalaipa chanô chô liata sawchapaw deikua cha, bietai vâta a pihpa a châ.

KALATIA 4:28

Chavâta unawh saih u, keimo cha Aisika hawhta, bietai sawzy eima châ.

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.

RUTHI 1:6

Abeipa ta a chyhsazy za tly ta, niepa a pie ha ei tahpa Naomi ta Môabâ râh tawhta thei ta. Chavâta Môabâ râh tawhta a lie awpa ta a myuhnôzy chhaota a thao ei ta.

1 SAMUELA 1:19

Mydi kari ta thyu ei ta, Abeipa amâ chhy khai nahta, Râmâ liata ama o lâ a lie ei ta. Elkânâ ta a lapinô Hânâ cha a zialâh ta. Abeipa ta Hânâ cha a thei thlâh ha ta.

1 SAMUELA 2:21

Abeipa ta Hânâ cha za tly ta, saw phaoh ta, sawchapaw pathôh nata sawchanô pano sa ta. Hawtipa Samuela cha Abeipa hmiakô liata laiseih lymâ ta.