ÂTHAONA 20:9 - Mara Bible RV (BSI)

⁹ Abimele ta Abarahâ cha aw ta, a hnohta, “Khâpa hmo ma eima chô liata na tao? Khâpa kyh liata ma na chô liata hmo parao na ta, moleina rarôh ypa he kei nata ei râh chô liata na vaw patlôsa tly? Tao lei awpa hmo ei chô liata na tao hih,” tah ta.

ÂTHAONA 20:9 ပူးပေါင်းရင်းမြစ်များ

ÂTHAONA 12:18

Phiraoh ta Abarâ cha aw ta, “Khazia he hawhna heta ei chô liata hmo na tao? Na lapinô a châpa khazia eina chho vei chi?

ÂTHAONA 20:10

Abimele ta Abarahâ cha hiahri heih ta, “Khâpa vâta ma he hawhpa hmo he na tao?” tah ta.

ÂTHAONA 20:8

Abimele cha mydi kari ta thyu ta, a chakaotuhpa zydua awpakhy ta, cha bie zydua cha ama theina liata reih ta. Chyhsazy cha chi ngaita ei ta.

ÂTHAONA 26:10

Abimele ta, “Eima chô liata khâpa hmo ma na tao tly? A râh chyhsa pakha ta na lapinô he naosia kawpa ta a ziakhei thei ta, chatanachata eima chô liata thailei châna na patlôsa thei mâh tâh,” tah ta.

ÂTHAONA 29:25

My vaw châ ta, moh ta, Liah vaw châ thlâh ha ta. Zakaw ta Lâbâ hnohta, “Ei chô liata na hmotaopa he khâpa ma a châ tly? Râkheli hnei awpa ta cha chakao va na mâ? Khazia eina dôvei chi?” tah ta.

ÂTHAONA 34:7

Thâtih ama pahnopa nahta, Zakaw sawchapawzy cha râh lâ tawhta vaw tlô ei ta. Sekhe ta Zakaw sawchanô a ziakhei ta, Izarei sahlao chô liata hmo molei ngaitapa, hmo tao chachei lei awpa a taopa vâta, ama palôh pasapa ta, ama hiehâh ngaita ta.

ÂTHAONA 38:24

Thla thôh rachhôh khai tawhta, chyhsazy ta Zudâh hnohta, “Na myuhnô Tâmâri kha sihryhpa ta y ta, cha dei châ vei, a sihryhna tawhta riasaw a phaoh haw,” tahpa ta chho ei ta. Zudâh ta, “A vaw chhi u la, raosaopa châ mawh sy,” tah ta.

ÂTHAONA 39:9

he o liata keima hlâta a lai viapa ahy hmah y veih ei. A lapinô na châpa vâta, nâma dei leipa ta cha, ei châta a pasai leipa khâpa hmah y vei. Chavâta kheihta ma, he moleina lai ngaitapa he taopa ta Khazohpa chô liata hmo ei parao thei aw?” tah ta.

2 SAMUELA 12:5

Dâvi cha cha chyhsa chô liata a hiehâh ngaita ta, Nâthâ hnohta, “Abeipa hrona reipa ta ei reih, cha hmo a taotuhpa cha thi tlâh a châ,

2 SAMUELA 13:12

A sietanô ta a chhy ta, “Châ vei, ei rilâhpa, ei noh na pazao khah y. He hawhpa hmo he Izarei liata taopa chi châ vei. He hawhpa hmo hrupa he tao cheita khah y.

PUASAINA 32:21

Mawsi ta Arawna hnohta, “He phopi heta na chô liata khâpa ma tao ei ta, he hawhpa hmo molei ngaitapa he ama chô liata na patlôsa?” tah ta.

PUASAINA 32:35

Chatanachata viahchaotaw nothlahpa ama taopa vâta, Arawna taopa nothlahpa vâna tlai khata, Abeipa ta Izarei phopi cha potlana ta a hrie haw.

BIESOZY 28:10

Lâpi doleipa liata chyhsa dopa a pasiesatuhpa cha, Ano khaohtlô chaopa lia tlai ta tla aw ta; Chyhsa phapakipazy deikua cha, Ryu phapa ama to aw.

THEIHTHAINA 20:10

“Ahy rai chyhsa lapinô liata tlyma, a vaih lapinô liata tlyma â phei khiahta cha, apheipaw nata apheinô cha ama pano ta thie thlyu awpa a châ.

RAWMA 2:11

Khazohpa cha khokhei viapa hnei vei.

TITU 1:11

Cha sahlao cha ama pakah chahu awpa a châ. Avyuhna nozachhihpa ama tao thei nawpa ta, pachu lei awpazy pachu ei ta, chhôhkha zydua ama patypamâ.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.

ZAWSUA 7:25

Zawsua ta, “Khazia nôpopa ta miah na paysa? Nâ chhao tanoh he Abeipa ta nôpopa ta a cha paysa aw,” tah ta. Chatanachata Âkhâ cha Izarei saw zydua ta alô ta vawhsao ei ta. A chhôhkhazy chhao vawhsao ei ta, ama vawhsao khai tawhta mei ta rao ei ta.