ÂTHAONA 20:7 - Mara Bible RV (BSI)

⁷ Chavâta tahmâ chyhsa lapinô kha pie pakhua ha mah y. A vahpa kha hrohsopa châ ta, thlah cha chhâpa aw ta, na hroh aw. Na pie pakhua leipa khiahta deikua cha, nâ nata na hneipa zydua chhaota na thi tlai aw tahpa pahno mah y,” tah ta.

ÂTHAONA 20:7 ပူးပေါင်းရင်းမြစ်များ

ÂTHAONA 12:15

Phiraoh molaipazy ta chanô cha ama hmô nahta, a chhithaizie Phiraoh chho ei ta. Chatanachata chanô cha Phiraoh o lâ a chhi ha ei ta.

ÂTHAONA 12:17

Châhrasala Abeipa ta Abarâ lapinô Sârai vâta Phiraoh nata a chhôhkha chô liata potlana ru ngaitapa patlôsa ta.

ÂTHAONA 2:17

chhie nata pha pahnona tho thei deikua he cha na nie awpa rai châ vei. Na nie khiahta cha, na nie noh tlai ta na thi thlyu aw,” tahpa ta biepie ta.

ÂTHAONA 20:18

Abarahâ lapinô Sârâ vâta Abeipa ta Abimele o liata chanô chhi zydua a khaw khai hapa a châ.

ÂTHAONA 20:3

Châhrasala Khazohpa ta Abimele hnohta zâ ta a mâ lâta a vaw luah ta, a hnohta, “Pachâ teh, lapinô ta na hneipa chanô vâna khata na thi aw. Ano kha chyhsa lapinô a châ,” tah ta.

ÂTHAONA 20:8

Abimele cha mydi kari ta thyu ta, a chakaotuhpa zydua awpakhy ta, cha bie zydua cha ama theina liata reih ta. Chyhsazy cha chi ngaita ei ta.

ÂTHAONA 23:6

“Ei zibeipa y, miah nathlie teh. Nâ cha eima hry liata bei thatlôpa châ chi ta, eima thlâsu pha chaipa liata na lapinô ri cha pabu mah y. Nâma lapinô ri pabu nawpa ta eima hry liata ahy hmah eima thlâ a pasaih leipa y ma pi,” tah ei ta.

2 SAMUELA 24:17

Dâvi ta chyhsa a thietuhpa vâlyuhchâpa a hmô nahta, Abeipa bie a chho ta, a hnohta, “Pachâ teh, ei vaw molei haw, a do lei ngaitapa ta hmo ei vaw tao haw. Châhrasala he mietakuzy heta khâpa hmo ma ama tao tly? Ei châ haw na, na ku cha keima chô liata tla sala, ei paw chhôhkha chô liata tla mawh sy,” tah ta.

1 ABEIZY 13:6

Chatawhcha abei ta a chhy ta, Khazohpa chyhsa hnohta, “Ei ku he a tlâh heih thei nawpa ta Abeipa na Khazohpa lâ ngiachhiena na hiapa la, thlah na chhâpa teh,” tah ta. Khazohpa chyhsa ta Abeipa lâ thlahchhâ ta, abei ku cha vaw tlâh heihpa ta, a y tyhpa hawhta vaw y ha ta.

2 ABEIZY 5:11

Nâmâ cha a hiehâh ngaita ta, sie syulyu ha ta, “Pachâ teh u, kei lâta vaw puapa ta, a vaw duah aw ta, Abeipa a Khazohpa moh pado aw ta, ei phawhna chô liata a ku hiepa ta phawhpa he a patlâh aw khiah ma, tah na ta.

1 THÂTIHZYRONA 16:22

“Ei sathawthupazy hria leipa u la, Ei hrohsopazy pasasa khuh vy!” a tah.

2 THÂTIHZYRONA 30:18

Zawpi hluh via, Epharai mo, Manase mo, Iskâra mo nata Zebulawna mozy ta ryhpa hawhta a pathai tua leipa ta Zawpakhô pati cha nie ei ta. Hezekia ta, “Abeipa phapa ta chyhsa to a ngiahthai sala,

ZAWBÂ 34:19

Abeisawzy khokhei via hlei leipa ta, Dyhchhiepa hlâta dyhphapa hmia a moh via hlei leipa châ vei ma? Ama zydua ta ano kuzô sai châ veih ei ma?

ZAWBÂ 42:8

Chavâta tahmâ viahchao tôhpa po sari nata mietaku tôhpa pô sari a chhipa ta, nâ chakaotuhpa Zawbâ lâ vawh u la, nâmo châta raopa hlâna kei hlâ muh vy. Nâ chakaotuhpa Zawbâ ta a reipa hawhta, ei thâtih â dopa ta reih leipa ei chi ta, châhrasala nâ chakaotuhpa Zawbâ ta thlah cha chhâpa aw ei ta, a thlahchhâna cha a pyh awh na ta, nama hruna hawhta nama chô liata hmo tao aw va na,” tah ta.

HLAZY 25:14

Abeipa aviasana cha ano a chituhpazy châta châ ta, A biehrai a pahnosa tyh ei.

PUASAINA 18:17

A puhpa ta Mawsi hnohta, “Na hmotaozie he pha vei.

PUASAINA 4:16

Ano ta nâma vyuhpa ta zawpi lâ bie reih aw ta, nâma châta pakah châ aw ta, nâ cha ano châta Khazohpa hawhta na châ aw.

PUASAINA 7:1

Chatawhcha Abeipa ta Mawsi hnohta, “Pachâ teh, Phiraoh hmiakô liata Khazohpa hawhta cha tao na ta, na unawhpa Arawna cha na hrohsopa a châ aw.

ZEREMIAH 14:11

Abeipa ta hetana heta eina chho: “He phopi pha nawpa ta thlahchhâ khah y.

ZEREMIAH 15:1

Abeipa ta ei hnohta, “Mawsi nata Samuela chhao rai ei hmiakô liata a vaw duah hra ei sala, ei phopi lâ heta ei palôh a heih hlei aw vei. Âmo cha ei mohmô tawhta papua la, sie syulyu ha ei sa!

ZEREMIAH 27:18

Hrohsopa châ ei sala, Khazohpa bie ama hnohta a y khiahta cha, Abeipa o nata Zudâh bei o nata Zerusale liata hmobaoh a y chypazy Babylaw lâ siekheipa a châ lei nawpa ta, Pheisaihzy Abeipa tlao a haw mawh ei sy.

EZEKIA 3:18

Moleipa hnohta, ‘Na thi tlai awpa a châ,’ ei tah tita, cha moleipa cha a hrona pabohsa awpa ta zikyu a râ leipa la, a moleina lâpi siesai awpa ta chho hra leipa la, a paraona vâta a thi khiahta cha, a thisaih maoh na phaoh aw.

EZEKIA 33:8

Moleipa hnohta, ‘Hy moleipa, na thi tlai awpa a châ,’ ei tah nota, moleipa cha a hrozie siesai awpa ta zikyu nâ râ leipa khiahta cha, moleipa cha a paraona liata thi aw ta, a thisaih maoh na phaoh aw.

THEIHTHAINA 6:4

hetana heta tao awpa a châ: Molei ha tlai sala, thailei a châ khiahta cha, parupa ta a lapa hmozy, tlybaipa ta a lapa hmozy, a ku liata sôh pavaosapazy, chyhsa hmo pahleipa â huapazy cha a thô khai awpa a châ.

THEIHTHAINA 6:7

Theihthaipa ta Abeipa hmiakô liata chatlaina taopa aw ta, chatanachata a hmotaopa vâta a thaileichâna cha a ngiahthaipa a châ aw,” tah ta.

HMOTAOPAZY 8:24

Saimaw ta a chhy ta, “Nama bie reipa cha khâpa hmah ei chô liata a tlô lei nawpa ta, Abeipa lâ thlah na chhâpa teh u,” tah ta.

1 KAWRINI 14:4

Reihtheileipa ta bie a reihpa cha, ano deita taopathi ta, biechhotuhpa deikua cha Awnanopa a taopathi.

HEBRAI 1:1

Hlâno ta hrohsopazy hmâpa ta Khazohpa ta miah pathlatuhpazy hnohta ei hluhpi nata kyh to ta bie vaw reih tyh ta,

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.

1 ZAWHÂNA 5:16

Chyhsa ta thina taih a châ leipa moleina a unawhpa taopa a hmô khiahta cha, thlah a chhâpa awpa a châ. Chatanachata thina taih a châ leipa moleina a taotuhpazy cha Khazohpa ta hrona a pie aw ei. Thina taih a châpa moleina y ta, cha hawhpa châta thlahchhâpa awpa ei tahpa châ vei.

1 SAMUELA 12:19

Izarei phopi zydua ta Samuela hnohta, “Eima thi lei nawpa ta, châ chakaotuhpazy châta Abeipa na Khazohpa lâ thlah miah chhâpa teh. Bei hiah pi ta, he hmo pha lei ngaitapa eima taopa he, eima moleina zydua baichhatuhpa tlao a vaw châ,” tah ei ta.

1 SAMUELA 12:23

Cha dei châ vei, nâmo châta thlah ei chhâ leipa vâta Abeipa chô liata ei molei awpa cha, kei ta la tao cheita aw va na. Lâpi phapa nata lâpi dopa tlao ei cha pahmô lymâ aw ei.

1 SAMUELA 7:5

Samuela ta, “Izarei saw zydua Mizpâ liata a hmaohpakhy khai teh u, Abeipa lâta thlah ei cha chhâpa aw ei,” tah ta.

1 SAMUELA 7:8

Izarei sawzy ta Samuela hnohta, “Philistinâ mo ku tawhta miah pachha awpa ta, Abeipa eima Khazohpa lâta bâh leipa ta thlah miah chhâpa teh,” tah ei ta.