ÂTHAONA 20:3 - Mara Bible RV (BSI)

³ Châhrasala Khazohpa ta Abimele hnohta zâ ta a mâ lâta a vaw luah ta, a hnohta, “Pachâ teh, lapinô ta na hneipa chanô vâna khata na thi aw. Ano kha chyhsa lapinô a châ,” tah ta.

ÂTHAONA 20:3 ပူးပေါင်းရင်းမြစ်များ

ÂTHAONA 12:17

Châhrasala Abeipa ta Abarâ lapinô Sârai vâta Phiraoh nata a chhôhkha chô liata potlana ru ngaitapa patlôsa ta.

ÂTHAONA 12:18

Phiraoh ta Abarâ cha aw ta, “Khazia he hawhna heta ei chô liata hmo na tao? Na lapinô a châpa khazia eina chho vei chi?

ÂTHAONA 20:7

Chavâta tahmâ chyhsa lapinô kha pie pakhua ha mah y. A vahpa kha hrohsopa châ ta, thlah cha chhâpa aw ta, na hroh aw. Na pie pakhua leipa khiahta deikua cha, nâ nata na hneipa zydua chhaota na thi tlai aw tahpa pahno mah y,” tah ta.

ÂTHAONA 28:12

Mâ sa ta, alei chô liata hleidy a vaw daopa hmô ta, hleidy pawhmao cha avâ daih ta. Khazohpa vâlyuhchâpazy ta hleidy chô liata kiah heih, chô heih, ama tah ngâpa hmô ta.

ÂTHAONA 31:24

Khazohpa ta Aramia chyhsa Lâbâ hnohta zâ ta a mâ lâta a vaw luah ta, a hnohta, “A phapa tlyma, a chhiepa tlyma, Zakaw hnohta khâpa hmah rei lei awpa ta a chado mah y,” tah ta.

ÂTHAONA 37:5

Zâ kha cha Zawsi ta mâ sa ta, cha cha a unawhzy a chho nahta, ano cha a hao via rili ei ta.

ÂTHAONA 37:9

Cha khai tawhta mâ hropa sa heih ta, a unawhzy chho ta, “Pachâ tua u, mâ sa heih na ta, noh, thlâpâ nata awhsi miahrawh hleikhazy ta a bôhpa ta einâ naoh ei,” tah ta.

ÂTHAONA 40:5

Zâ kha cha, patâhna o liata patâhpa Izi bei nyu hlâtuhpa nata viahchhâ taotuhpa zy ta mâ sa chyu ei ta. Ama mâ chhopasiana deikua cha a lyu vei.

ÂTHAONA 40:8

Âmo ta a hnohta, “Mâ sa pi ta, miah a chhopasia theipa y veih ei,” tah ei ta. Zawsi ta ama hnohta, “Chhopasianazy cha Khazohpa eih châ vei mâ? Tahmâ nama mâzy cha na chho teh u,” tah ta.

ÂTHAONA 46:2

Khazohpa ta zâ ta a mâ lâta Izarei cha bie chho ta, “Zakaw, Zakaw,” tah ta. Ano ta, “He liata ei y,” tah ta.

1 THÂTIHZYRONA 16:21

Ahy ta hmah ama tlybai awpa pasaih leipa ta, Âmo vâta beizy ra ta,

ZAWBÂ 33:15

Mâ lâ ta, zâ ta aluahna liata, Chyhsazy ama mokuh pahâ lichih ta, Ama rakhô liata ramâ ama khaih nota,

ZAWBÂ 33:17

Chatanachata chyhsapa cha a hmotaopa pathleihsapa ta, Apalaina cha ano tawhta nyupa ta y aw ta,

HLAZY 105:14

Ahy ta hmah ama tlybai awpa pasaih leipa ta, Âmo vâta beizy ra ta,

ZAWNA 3:4

Zawna ta khihpi cha a ngia pathao ta, noh kha lâsie a chahryh tawhta, “Noh sypalih hlâta Ninivâ he pahleipadiapa a châ aw,” tahpa ta awh ta.

MALUHREINA 22:9

Khazohpa cha Bâlâma lâ a vy ta, “Na hnohta a ypa chyhsazy kha ahyzy ma ama châ?” tah ta.

MATHAI 1:20

Châhrasala he hmo he a pachâ hai nota, Abeipa vâlyuhchâpa cha a hnohta a mâ lâta a vaw luah ta, “Dâvi sawchapawpa Zawsi y, Mâri na lapinô ta hnei awpa chi khah y. A saw phaopa kha Thlahpa Pathaihpa ta a paphaosapa a châ.

MATHAI 27:19

Cha dei châ vei. Pilâ cha ryureina dyuchhai liata â tyuh thlâh ha nota, a lapinô ta, “Kha chyhsa siapa chô liana khata kheihta hmah tah khah y. Tanoh ano vâta ei mâ liata pasa thata ei tao,” tahpa ta bieta ta.