ÂTHAONA 2:8 - Mara Bible RV (BSI)

⁸ Zehôvâh Khazohpa ta nochhi lâta Idâh liata sadô tao ta, cha liata chyhsapa a taopa cha soh ta.

ÂTHAONA 2:8 ပူးပေါင်းရင်းမြစ်များ

ÂTHAONA 13:10

Lawta cha mohmia pasaih ta, Zawâ tlôna taihta Zawdâh bypi zydua cha Abeipa sadô hawhta nata Izi râh hawhta ti phana by a châpa ta hmô ta. Cha cha Abeipa ta Sawdawmâ nata Kawmawrâ khih a parao hlâ daihti a châ.

ÂTHAONA 3:23

Chavâta chyhsapa cha a vaw puana chhaohlei palie awpa ta, Zehôvâh Khazohpa ta Idâh sadô tawhta a papua haw.

ÂTHAONA 3:24

Chyhsapa a papua khai tawhta, hrona tho lâpi vaih awpa ta, cherubizy nata meipaleih zaozi a pahieh ngâpa cha, Idâh sadô nochhi lâta soh ha ta.

ÂTHAONA 4:16

Chatawhcha Kainâ cha Abeipa mohmô tawhta pua ta, Idâh nochhi lâta Nawdâ râh liata pahrâ ta.

2 ABEIZY 19:12

Nâ pathlatuhpazy ta ama pahleipadia hapa phopizy, Kôzani, Harânâ, Reze nata Telasâ liata a ypa Idâh mo zy kha ama phopi khazohzy ta ama pachha thei ma?

ISAI 51:3

Abeipa ta Zaio cha thlapalôh ta, A su rypa zydua thlah a palôh haw. A râhchawhpa cha Idâh hawhta tao ta, A sadi bypi chhao Abeipa sadô hawhta a tao haw. Cha liata alyna nata thaphana y aw ta, Alyna bie reina nata hla sana pyu zy a y aw.

EZEKIA 27:23

Harânâ, Kâne nata Idâh mozy ta châ daoh ei ta, Sebâ, Asuria nata Khimâ sôhpaliepazy ta ama châ daoh.

EZEKIA 28:13

Khazohpa sadô Idâh liata y chi ta, Lôsôhpa to ta khupa na châ. Sâdi, tôpazi nata lônah zy, Beri, ôni nata zaspi zy, Saphai, emyrâ nata kabuni Lôsôhpazy ta khupa châ chi ta, Ngôh ta tobipa na châ. Taopa na châna noh liata, Cha hawhta pachhuahpanohpa na châ.

EZEKIA 31:16

A paona pyu ta phopizy chalyusa na ta, khaohtlô lâ a tla hapazy hnohta Athihkhih liata ei thy pathlah nota phopizy ei chalyusa ei. Idâh tho zydua, Lebanaw tho pha chaipazy, ti ta pasapa tho zydua cha alei ry liata thlah palôhpa ta ama y.

EZEKIA 31:18

“Idâh thokôzy hry liata rônahna nata palyupalihna liata nâ hawhpa he ahy a y tly? Châhrasala Idâh thozy chhaota alei ry lâ thypa châ aw chi ta, zaozi ta thiepa chopawtaileipazy hry liata nâ zia aw. “Cha hawhna chata Phiraoh nata a zawpi zydua cha ama châ aw,” Abeipa Zehôvâh ta a tah.

ZÔELA 2:3

Mei ta ama hmia lâta palâ laih ta, Meipaleih ta ama hnôh lâta a kâ laih. Ama hmia lâta râh cha, Idâh sadô lyu ta; Ama hnôh lâta râh deikua cha, Râhchawhpa roryhrapa hawhta a châ; Âmo tawhta a boh theipa y vei.