ÂTHAONA 2:7 - Mara Bible RV (BSI)

⁷ Chatawhcha Zehôvâh Khazohpa ta chhaohlei tawhta dohlei ta chyhsapa tao ta, a hnapasu liata hrona hu so thlu ta, chatanachata chyhsapa cha hrona hneipa a vaw châ haw.

ÂTHAONA 2:7 ပူးပေါင်းရင်းမြစ်များ

ÂTHAONA 1:27

Khazohpa ta ano kakuapa ta chyhsapa tao ta, Khazohpa kakuapa tlai ta ano cha tao ta; Chapaw nata chanô ta a tao ei.

ÂTHAONA 2:6

Châhrasala alei tawhta ameih kaw thyu ta, cha chata alei chô zydua cha a pahnasa tyh.

ÂTHAONA 3:19

Chhaohlei ta taopa châ chi ta, Chhaohlei lâ na kua heih hlâlei cha, Na hmia mathlai lohpa ta nie nâ hmô aw. Dohlei châ chi ta, Dohlei lâ na kua heih aw,” tah ta.

ÂTHAONA 3:23

Chavâta chyhsapa cha a vaw puana chhaohlei palie awpa ta, Zehôvâh Khazohpa ta Idâh sadô tawhta a papua haw.

ÂTHAONA 7:22

Alei chô liata pahrâpa, hnapasu liata husona hneipa maih ama thi khai haw.

ZAWBÂ 27:3

Keima liata ei hu y chy ta, Ei hnapasu liata Khazohpa thlahpa a y chhôh cha,

ZAWBÂ 33:4

Khazohpa Thlahpa ta na tao ta, Atotaotheipa hu ta hrona eina pie.

ZAWBÂ 33:6

Pachâ teh, Khazohpa hmiakô liata la, Nâ hawhpa châ na ta, Kei chhao beihlei tawhta vipa ei châ.

ZAWBÂ 4:19

Beihlei o liata a pahrâpazy, Dohlei liata abôna lô a bôpazy, Tâbalâpa hawhta thie naopazy chhochhi cha, A ngâ lei pachai aw dia!

HLAZY 100:3

Abeipa cha pahno teh u; Ano cha Khazohpa châ ta, Miah taotuhpa a châ; Keimo he a chyhsazy châ pi ta, A sibiepa su liata mietakuzy eima châ.

HLAZY 103:14

Kheihawhta taopa ma eima châ tahpa pahno ta, Dohlei dei eima châpa â thei thlâh haw.

BIESOZY 20:27

Chyhsapa hrona hu cha Abeipa meiôh châ ta, A pôhpa chhôh liata a ypa zydua a palâsa tyh.

BIECHHOTUHPA 12:7

dohlei a yna tyhpa alei lâ a kua heih hlâta nata thlahpa a pietuhpa Khazohpa lâ a kua heih hlâta, châ Taotuhpa cha khâ a thei mah y.

BIECHHOTUHPA 3:7

Hrie daihti y ta, bieh daihti a y; A chalih daihti y ta, bierei daihti a y;

ISAI 2:22

Chyhsapa he ngâ khao khah y, A hnapasu liata husona a hneipa deita a châ hih; Pasâhsa kaw nawpa khâpa a hnei tly?

ISAI 64:8

Tahmâ deikua cha, Hy Abeipa y, Nâ cha eima Paw na châ. Keimo cha beihlei châ pi ta, Nâ cha miah vituhpa na châ; Eima zydua heta na ku ta a taopa eima châ khai.

CHAPHÔHTUNA 4:20

Eima hnapasu liata husona Abeipa sathawthupa cha, Ama khaohtlôzy liata patu ha ei ta; “A nohdi ry liata phopizy hry liata eima pahrâ aw,” Eima tah tyhpa chyhsa cha ama patu haw.

EZEKIA 37:5

He ruzy hnohna heta Abeipa Zehôvâh ta hetana heta a tah: Pachâ teh u, nâmo liata hu pangiasa aw na ta, nama hroh aw.

EZEKIA 37:6

Nâmo liata tharizy soh aw na ta, sapa ta cha vaw pahly aw ei na ta, vo ta ei cha khu aw ei. Nama chhôh liata hu soh aw na ta, nama hroh aw. Chatanachata kei he Abeipa ei châ tahpa nama pahno aw,’ tah mah y” tah ta.

ZEKARIA 12:1

He he Izarei kyh liata Abeipa bietapa a châ. Abeipa, avâzy a paraituhpa, alei a bôtuhpa nata chyhsapa chhôh liata thlahpa a taotuhpa ta hetana heta a tah:

MALUHREINA 16:22

Mawsi nata Arawna cha â khu lâta pao ei ta, “Hy Khazohpa, sapa zydua thlahpa Khazohpa y, chyhsa pakha moleipa vâta zawpi zydua chô liata na pathi a ia aw mâ?” tah ei ta.

MALUHREINA 27:16

“Zawpizy he chhihtha awpa ta, Abeipa, chyhsa zydua thlahpa Khazohpa ta chyhsa pakha rao mawh sy.

ZAWHÂNA 20:22

Cha biezy cha a rei khai nahta, âmo cha a hu so thlu ta, ama hnohta, “Thlahpa Pathaihpa hnei teh u.

HMOTAOPAZY 17:25

Hmo a phahlapa hawhta, chyhsapa ku ta chakao a ngiahpa châ hra vei. Ano tlai cha chyhsa zydua hnohta hrona nata husona nata hmo zydua a pietuhpa tlao a châ.

RAWMA 9:20

Châhrasala chyhsapa y, Khazohpa a chakhia hrapa chi cha, ahy ma na châ? Hmotaopa ta a taotuhpa hnohta, “Khazia he hawhta eina tao chi?” a tah aw mâ?

1 KAWRINI 15:45

Chavâta, “Chyhsa hmiatua chaipa Âdâh cha chyhsa hrohpa a vaw châ,” tahpa ta ropa a châ. Âdâh hnôhchaipa cha hrona pietuhpa thlahpa a vaw châ haw.

1 KAWRINI 15:47

Âdâh hmiatuapa cha alei tawhtapa châ ta, dohlei ta taopa a châ. Âdâh panona deikua cha vârâh tawhtapa a châ.

2 KAWRINI 4:7

Châhrasala hmotaotheina rônah ngaitapa he, keimo tawhta a puapa châ leipa ta, Khazohpa eih a châpa eima palâsa thei nawpa ta, cha ryu cha alei beihzy liata eimâ vao.

2 KAWRINI 5:1

Eima pahrâna lei byureih he phiepa châ hra sala, vârâh liata chhâzaw o eima hnei tahpa eima pahno. Cha o cha ku ta sa leipa, Khazohpa taopa a châ.

1 TIMAWTHY 2:13

Âdâh kha tao tuapa châ ta, cha hnôhlâ ta Evâ kha taopa a châ.

HEBRAI 12:9

Cha dei châ vei, lei liata miah chhoreituhpa pawzy hnei pi ta, âmo cha eima za ngaita. Eima hroh thei nawpa ta, eima thlahpazy Paw cha, cha hlâta tha via ta eima za awpa châ vei ma?