ÂTHAONA 2:5 - Mara Bible RV (BSI)

⁵ Zehôvâh Khazohpa ta alei chô liata avâ a pasuasa mâh leipa vâta nata lei a palie awpa chyhsa ama y mâh leipa vâta, lyurâhpa liata sibiepazy y mâh leipa ta, lyu liata chicheipazy pyuh mâh hra vei.

ÂTHAONA 2:5 ပူးပေါင်းရင်းမြစ်များ

ÂTHAONA 2:6

Châhrasala alei tawhta ameih kaw thyu ta, cha chata alei chô zydua cha a pahnasa tyh.

ÂTHAONA 3:23

Chavâta chyhsapa cha a vaw puana chhaohlei palie awpa ta, Zehôvâh Khazohpa ta Idâh sadô tawhta a papua haw.

ÂTHAONA 4:12

Lei na palie tita, alei ta kôvei cha pie khao aw vei. Alei chô liana heta leilôpa nata viavipa deita na châ aw,” tah ta.

ÂTHAONA 4:2

Cha khai tawhta a unawhpa Abela sa ta. Abela cha Mietaku vaituhpa châ ta, Kainâ deikua cha leipalietuhpa a châ.

ZAWBÂ 5:10

Alei chô liata avâ pasuasa ta, Râh liata ti a palosa.

HLAZY 104:14

Sahrohzy châta sibiepa papyusa chi ta, Chyhsapa chhei awpa ta chicheipa papyusapa ta, Alei tawhta nie awpa na papua.

HLAZY 135:7

Khizaw kaokih chhâna taihta meihdozy a pachhohsapa chhao ano châ ta, Ano ta vâsua châta dôhlazy tao ta, A hmo sopakhyna ozy tawhta thlih a pathlisa tyh.

ZEREMIAH 10:12

A hmotaotheina ta alei tao ta, A sona ta khizaw padua ta, A novâhna ta avâ a parai.

ZEREMIAH 10:13

A ao a papua nahta, Avâ liata ti pyuzy paro ta, Khizaw kaokih tawhta ameihzy a pathyu tyh. Vâsua châta dôhla pathliesa ta, A ryubyh tawhta thlih a pathlisa tyh.

ZEREMIAH 14:22

Pho hropa khazohzy hry liata, Avâ a pasuasa theipa ama y ma? Avâzy khi ta avâ ama pasuasa thei ma? Hy Abeipa eima Khazohpa, Avâ a pasuasa theipa cha nâ deita châ va chi ma? He hmo zydua he nâma taopa a châpa vâta, Nâma lia deita ta eima hnabeiseihna a y.

MATHAI 5:45

Chatanachata nama Paw avâ liata a ypa sawzy nama châ aw. Ano cha chyhsa chhiepa nata phapa chô liata noh pachhisa ta, chyhsa siapa nata sialeipa chô liata chhao avâ a pasuasa tyh.

HEBRAI 6:7

Khihti a hmô phapa chhaohlei cha, raihriatuhpazy châta niedo papuapa ta, Khazohpa tawhta byhnâ a daopa a châ.