ÂTHAONA 2:4 - Mara Bible RV (BSI)

⁴ He he Zehôvâh Khazohpa ta alei nata avâ a paysa nota alei nata avâ a taona thâtih a châ.

ÂTHAONA 2:4 ပူးပေါင်းရင်းမြစ်များ

ÂTHAONA 1:1

Âthaona liata Khazohpa ta alei nata avâ tao ta.

ÂTHAONA 1:28

Khazohpa ta âmo cha byhnâ awpa ta, ama hnohta, “Chi hluhpi pathlapa ta pôh u la, alei he biepa ta, nama rei sai ta paysa u la, tilaipi ngazy chô liata nata avâ pavawzy chô liata nata alei chô liata a pie thaipa hmohrohneipa to chô liata biehnei muh vy,” tah ta.

ÂTHAONA 1:3

Khazohpa ta, “Khaihna y mawh sy,” tah ta, khaihna vaw y ta.

ÂTHAONA 1:31

Khazohpa ta a hmotaopa zydua cha moh ta, a pha tah ngaita ta. Chatanachata zâlâ y ta, my y ta, cha cha a noh charuna a châ.

ÂTHAONA 1:4

Khazohpa ta khaihna cha moh ta, a pha tah kaw ta. Khazohpa ta khaihna cha zohna tawhta pachhaih ta.

ÂTHAONA 10:1

Hezy he Nôah sawchapawpa Semâ, Hamâ nata Zaphethâ pathlazy ama châ: Tipaua khai tawhta sawchapawzy sa chyu ei ta.

ÂTHAONA 11:10

Hezy he Semâ pathlazy ama châ: Semâ cha kô 100 uhtheipa a châ no, tipaua khai tawhta kô nona liata sawchapaw Apasâ sa ta.

ÂTHAONA 2:3

Chavâta Khazohpa ta noh sarina noh cha, a paysapa nata a hmotaopa zydua patlô ta â pahâna noh a châpa vâta, byhnâ pie ta, a pathaisa.

ÂTHAONA 25:12

Hezy he Sârâ seichanô Izi zuah Hâkarâ ta Abarahâ châta a sapa Abarahâ sawchapawpa Ismela pathlazy ama châ.

ÂTHAONA 25:19

Hezy he Abarahâ sawchapawpa Aisika pathlazy ama châ: Abarahâ ta Aisika sa ta,

ÂTHAONA 36:1

Hezy he Esaw pathlazy ama châ. Esaw cha Edômâ a châ.

ÂTHAONA 36:9

Hezy he Seirâ tlâh râh liata Edômâ mo pathlatuhpa Esaw pathlazy cha ama châ.

ÂTHAONA 5:1

He he Âdâh pathlazy rona châbu a châ. Khazohpa ta chyhsapa a tao nona khata, ano cha Khazohpa lyupa ta tao ta,

1 ABEIZY 18:39

Zawpi zydua ta cha cha ama hmô nahta, â khu lâta pao ei ta, “Abeipa tlai he Khazohpa a châ, Abeipa tlai he Khazohpa a châ,” tah ei ta.

2 THÂTIHZYRONA 20:6

“Hy Abeipa, miah pathlatuhpazy Khazohpa y, nâ cha vârâh liata Khazohpa châ va chi ma? Phopi to khinarâh chô liata ryureih chi ta, na ku liata hmotaotheina nata thatlôna y ta, ahy hmahta cha pakhâ thei veih ei.

ZAWBÂ 38:28

“Khihti ta paw a hnei ma? Diatizy he ahy ma a sa?

ZAWBÂ 38:4

“Leilô abôna ei bô no kha khataih liata na y? Na no â vâh khiahta la na chho tua.

HLAZY 18:31

Abeipa dei leipa ta ahy ma Khazohpa a y? Eima Khazohpa dei leipa ta ahy ma lôpanô a y?

HLAZY 86:10

Nâ cha rônahpa nata hmonoâh taotuhpa châ chi ta, Nâma deita he Khazohpa na châ.

PUASAINA 15:3

Zehôvâh cha chariah a dyuhpa pasaipha châ ta, A moh Zehôvâh a châ.

PUASAINA 6:16

Hezy he ama thyutôna a laichadaipa ta Livai sawchapawzy moh châ ta, chazy cha Kesao, Kôhâ nata Merâri zy ama châ. Livai hro chhôh kôzy cha, kô 137 a châ.

ISAI 44:6

Abeipa, Izarei Beipa ta hetana heta tah ta, Izarei Chatlaituhpa Pheisaihzy Abeipa ta hetana heta a tah: “Kei he hmiatuachaipa nata hnôhchaipa cha ei châ, Keima leipa ta Khazoh hropa rai y veih ei.

BIEPHUAH 1:4

Kei, Zawhâna ta Asia râh liata awnanopa hlao sarizy ei châ naoh ei. Khazohpa a y haipa, a y hapa nata a vaw y awpa tawhta nata a beidyuchhai hmiakô liata thlahpa miasari a ypazy tawhta ngiachhiena nata thlalôhna nama hnohta y sala,

BIEPHUAH 1:8

Abeipa Khazohpa ta, “Kei he Alphâ nata Ômekâ châ na ta, a y haipa, a y hapa nata a vaw y awpa, Atotaotheipa ei châ,” a tah.

BIEPHUAH 11:17

“Hy Abeipa Khazohpa Atotaotheipa, A y haipa nata a y hapa y, Na hmotaotheina rônahpa ta ryureih chi ta, Alyna bie eima cha hlâ.

BIEPHUAH 16:5

Ti vâlyuhchâpa ta, “Hy Mo Pathaihpa y, Nâ cha adopa châ chi ta, A y haipa nata a y hapa na châ; Pachiana dopa na vaw tlôkhei haw.