ÂTHAONA 2:22 - Mara Bible RV (BSI)

²² Zehôvâh Khazohpa ta chapaw kâru a lapa tawhna chata chanô tao ta, ano cha chapaw lâ a chhi ta.

ÂTHAONA 2:22 ပူးပေါင်းရင်းမြစ်များ

ÂTHAONA 2:19

Zehôvâh Khazohpa ta chhaohlei hmâpa ta râhsa chi to nata avâ pavaw chi to tao ta, ama moh bi awpa ta Âdâh lâ a chhi ta, hmohrohneipa to cha Âdâh ta moh a bizie lymâ hawhta ama moh a vaw châ haw.

HLAZY 127:1

Abeipa ta o a sa vei khiahta la, A satuhpazy ama hriapasa thlâhthli. Abeipa ta khihpi a vaih vei khiahta la, A vaituhpa cha â hra thlâhthli.

BIESOZY 18:22

Lapinô a hmôpa cha hmo phapa a hmôpa châ ta, Abeipa khokheina a totuhpa a châ.

BIESOZY 19:14

O nata sôh zy cha pawzy tawhta ryuto châ ta, Lapinô sopa deikua cha Abeipa tawhta a châ.

1 TIMAWTHY 2:13

Âdâh kha tao tuapa châ ta, cha hnôhlâ ta Evâ kha taopa a châ.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.