ÂTHAONA 19:9 - Mara Bible RV (BSI)

⁹ Châhrasala, “A hnei teh” tah ei ta. Khihsawzy chata, “He chyhsa bao hra heta, he liata a vaw paih ta, tahmâ cha ryureituhpa ta y â chhuah he! Âmo eima tao chhiepa hlâta chhie viapa ta eima cha taochhie aw,” tah ei ta. Lawta cha chatitha ei ta, ochhi parao awpa ta a vaw hnia ei ta.

ÂTHAONA 19:9 ပူးပေါင်းရင်းမြစ်များ

ÂTHAONA 11:6

Abeipa ta, “Moh teh u, chyhsazy cha phopi miakha châ ei ta, ama zydua ta reih miakha a cheihpa ama châ hih. Cha cha tao amâ chhuahpa â thaona deita a châ. Cha hawhta a châ khiahta cha, tao amâ chhuahpa maih ama tao thei lei awpa y khao aw vei.

ÂTHAONA 13:12

Abarâ cha Kâna râh liata a ngua ta, Lawta cha Bypi khihzy liata pahrâ ta, Sawdawmâ khih taihta a poh o pakawh lymâ ta.

PUASAINA 2:14

Ano ta, “Eima chô liata ryureituhpa nata hyutuhpa ta ahy ma châ tao? Izi chyhsa na thiepa hawhna khata ma thie einâ chhuah chi?” tah ta. Mawsi cha a palôh liata, “Kha hmo kha chyhsa ta ama pahno ha tlai cha zaw,” tahpa ta pachâ ta, chi ngaita ta.

BIESOZY 14:16

Asopa cha a chado kaw ta, Hmo pha leipa tao vei; Ahrupa deikua cha a riah pha kaw ta, Pachâ tua leipa ta hmo a tao tyh.

BIESOZY 17:12

Ahrupa a hru nota a tyh awpa hlâta cha, Chavyh a taw la hapa a tyh awpa ngâh â chhih via.

BIESOZY 27:3

Alô cha a hri ta, Sadi chhao â hri; Châhrasala ahrupa ta chyhsa a patypamâpa cha, Cha miano hlâta â hri via.

BIECHHOTUHPA 10:13

A pakah tawhta bie a puapata nahta, Hruna bie sai pua tyh ta; A bie chhâna lâ cha, Pei a hriapa hrungâna bie a châ tyh.

BIECHHOTUHPA 9:3

Noh ry liata hmo taopa to liata hmo chhiepa a ypa cha he he a cha: chyhsa zydua ama tovyuh awpa â lyu khaipa hih. Chyhsa sawzy cha ama hro chhôh ta ama palôh liata moleina nata hruna ta bie ta, cha hnôhlâ ta athipazy yna lâ ama sie tyh.

ISAI 65:5

“Â hlapa liata a duah teh, Nâ vaw hnia kha, Nâma hlâta ei pathaih via,” A tah tyhpazy ama châ. Ei hnapasu liata meikhuh châ ei ta, Noh y ta mei a iapa ama châ.

ZEREMIAH 3:3

Chavâta vâsua pakhâpa châ ta, Châhvâ avâ suah khao vei. Chatanachôta âzuahnô hmia phaoh chy chi ta, Nozana châh chhao pahno va chi.

ZEREMIAH 6:15

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata thy pathlahpa ama châ aw,” Abeipa ta a tah.

ZEREMIAH 8:12

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata, Thy pathlahpa ama châ aw,” Abeipa ta a tah.

EZEKIA 16:49

“Pachâ teh, na narônô Sawdawmâ paraona cha he he a châ: Ano nata a sawchanôzy amâ palai ngaita. A laikhôna taihta niedo hnei ei ta, phasapa ta ama y. Châhrasala dyhchhiepa nata phahlapazy bao veih ei.

MATHAI 7:6

“Izy cha hmo pathaihpa pie leipa u la, vaozy hmiakô liata nama taikuh lôsôhpazy thy hra khuh vy. Ama phei ta tly aw ei ta, ama châ liehnao pathlei aw.

1 SAMUELA 17:44

Philistinâ chyhsa ta Dâvi hnohta, “A vy teh, na sa kha vâ pavawzy nata râhsazy ei pie aw,” tah ta.

1 SAMUELA 2:16

Chyhsa ta a hnohta, “A thaw rao ha tua ei sala, cha khai tawhta na khopa zie la lah vâ chi,” a tah khiahta cha, ano ta, “Châ vei, tahmâ tlai he na pie teh, eina pie vei khiah chi ta la, ei la raruah pyly aw,” a tah tyh.

1 SAMUELA 25:17

Chavâta he hmo he tahmâ pahno la, khâpa na tao aw, pakhâta ta pachâ mah y. Eima zibeipa chô liata nata a o liata a ypa zydua chô liata chhiena a vaw tlô ha bâ hih. Eima zibeipa hra he, chyhsa chhiepa, ahy hmahta bie amâ chho thei leipa chyhsa châ tlôh ta,” tah ta.