ÂTHAONA 19:8 - Mara Bible RV (BSI)

⁸ Moh teh u, chapaw a pahno beih leipa sawchanô pano ei hnei. Âmo cha nâmo lâ kaw papua aw ei na ta, pha nama tahpa hawhta ama chô liata tao teh u. He chyhsazy chô liata deikua cha, ei o vâphuh abohna ry liata a vaw ngia hapa châ ei ta, khâpa hmah tao cheita khuh vy,” tah ta.

ÂTHAONA 19:8 ပူးပေါင်းရင်းမြစ်များ

ÂTHAONA 18:5

Châ chakaotuhpa hnohta a vy ha ei chi ta, viahchhâ chyhta kei la aw na ta, nama tha a padâh chy teh u. Cha khai tawhta sie lah vâ ei chi,” tah ta. Âmo ta, “A pha na, na reipa hawhna chata tao mah y,” tah ei ta.

ÂTHAONA 19:7

ama hnohta, “Unawh saih u, ei châ haw ei, cha hawh ngâsâ ta molei khah u.

ÂTHAONA 42:37

Rubena ta a paw hnohta, “Benzami he nâ lâ ei vaw liekhei heih leipa khiahta cha, ei sawchapaw panozy he thie lah vâ chi. Ano cha ei ku liata soh la, nâ lâ ei vaw liekhei heih aw,” tah ta.

PUASAINA 32:22

Arawna ta, “Ei zibeipa a pathi ia khah sy. He phopi he pahno chi ta, moleina lâ a heihpa ama châ tahpa na pahno.

BIESOZY 9:7

Chyhsa a khotlâhpazy a chhoreipa cha, Ano hmâchhâh taochhiena a tyh ta; Chyhsa moleipa a rapa chhao, Ano hmâchhâh hmah a phaoh tyh.

ISAI 58:7

Nodipazy na viahchhâ piena noh ta hmâ awpa châ ta, O hnei leipazy na o lâ achhina noh ta hmâ awpa a châ. Thluahruapazy chysia piena noh ta hmâ awpa châ ta, Na heinawh a nyusai leina noh ta hmâ awpa a châ.

MÂKA 9:6

Chi kaw ei ta, Pity cha bie hropa rei awpa pahno leipa ta.

RAWMA 3:8

Chyhsa thokha ta, “‘Hmo phapa a vaw pua thei nawpa ta, hmo moleipa tao ei suh u,’ ama tah na,” tahpa ta â doleipa ta miah ama baipa hawhna khata eima tao thlâh ha aw ma? Cha hawhpa chyhsazy cha thailei a châ awpa rai ama châ.

RYUREITUHPAZY 19:23

O hneituhpa pawhrâhpa cha âmo lâ kei pua ta, ama hnohta, “Châ bao va, ei unawhzy saih u, ei châ haw ei, cha hawhpa moleina rarôh ypa cha tao cheita khah u. He chyhsa he ei o liata a vaw ngia hapa châ ta, cha hawhpa hmo pasichhihpa cha rie tao khuh vy.

RYUREITUHPAZY 19:24

Moh teh u, ei sawchanô laihsa kôpa y ta, ei khichhaipa nôtho chhao a y. Âmo cha tahmâ ei vaw papua aw ei. Âmo cha ykhei u la, pha nama tahpa hawhta ama chô liata tao teh u. He chyhsa chô liata deikua cha, cha hawhpa hmo pasichhihpa cha tao khuh vy,” tah ta.

RYUREITUHPAZY 9:15

Ahloh buh ta thozy hnohta, ‘Palôh hmeiseihpa ta nama bei châta sathaw eina thu tlai khiah ei chi ta cha, a vy u la, ei nohdi liata a vaw pahâ teh u. Cha hawhta a châ vei khiahta deikua cha, ahloh buh tawhta mei vaw pua sala, Lebanaw sidy thozy cha kâ khai mawh sy,’ tah ta.