ÂTHAONA 19:3 - Mara Bible RV (BSI)

³ Châhrasala Lawta ta thata â hawpa vâ ei ta, ano cha pazi ei ta, a o lâ a ngia ha ei ta. Lawta ta âmo châta pati pahâhpa a chhuanoh ta, thinô pahlao leipa viahchhâ tao ta, nie ei ta.

ÂTHAONA 19:3 ပူးပေါင်းရင်းမြစ်များ

ÂTHAONA 19:2

Lawta ta, “Ei zibeipa saih u, ei châ haw ei, ngiachhiepa ta châ chakaotuhpa o liata vaw tlô u la, a rie u la, nama pheizy a si teh u. Mydi ta thyu aw ei chi ta, nama sie nawpa lâ cha si lah vâ ei chi,” tah ta. Âmo ta, “Châ vei, khiliah liata tlao eimâ rie aw,” tah ei ta.

ÂTHAONA 21:8

Hawti cha laiseih lymâpa ta, sâhpi pathleih ta. Aisika sâhpi pathleih noh liata Abarahâ ta kyhchhi rônahpa tao ta.

ÂTHAONA 24:31

Lâbâ ta, “Nâ, Abeipa byhnâ a topa y, a vaw ngia mah y. Khazia khih khôtho liata nâ duah thlâh haw? O pachhuahpanoh ha na ta, râraoseihpazy châta su ei paryh haw,” tah ta.

ÂTHAONA 26:30

Aisika ta âmo châta kyhchhi tao ta, niepa ta doh ei ta.

2 ABEIZY 4:8

Noh kha cha Elaisâh cha Sunâ lâ khi kei tlyh ta. Cha khih liata chanô hneirôh kawpa pakha y ta, chanô chata Elaisâh cha pati nie awpa ta a haw ta. Cha noh tawhna cha a chapiana maihta, cha liata pati nie awpa ta a ngia tyh ta.

PUASAINA 12:15

Noh sari chhôh viahchhâ thinô pahlao leipa nama nie awpa a châ. Noh khana noh ta, nama o chhôh tawhta thinô nama pathai khai ha awpa châ ta, ahy rai noh kha noh tawhta noh sari noh taihta viahchhâ thinô pahlaopa a niepa maih cha, cha chyhsa cha Izarei tawhta chhawh pathlahpa a châ aw.

PUASAINA 12:39

Izi râh tawhta ama puakheipa viahdie nyhpa hmâpa ta, viahchhâ thinô pahlao leipazy cha tao ei ta. Izi râh tawhta tophipa châ ei ta, ama hâ hmâ lei awpa vâta, thinô pahlao leipa viahchhâ dei leipa ta cha, lâpi liata ama nie awpa a tao hmâ veih ei.

LUKA 11:8

Ei cha chho ei, a viasa a châpa vâta thyupa ta a pie leipa chhao ta, bâh leipa ta a hia ngâ thlâh hapa vâta, thyu aw ta â ngiahpa hawhta a pie aw.

LUKA 14:23

Zibeipa ta chakaotuhpa hnohta, ‘Pua la, lâlai nata khih chaki lâ zy vawh la, ei o biena taihta chyhsazy a vaw ngia awpa ta kei reipasao lylia teh.

LUKA 5:29

Livai ta a o liata Zisu châta kyhchhi rônahpa tao ta, chhiekheituhpa hluhpi nata chyhsa hropazy ta Zisu nata a pachupazy cha tlâhkhai liata pati dôhkhei ei ta.

ZAWHÂNA 12:2

Cha liata ano châta zâpati taopa ei ta. Marthâ ta chakao ta, Lâzarâh deikua cha tlâhkhai liata Zisu pati dôhlâhpa pakha châ ta.

1 KAWRINI 5:8

Chavâta Zawpakhô kyhchhi ei suh u. Thinô parohpa, nôchhiena nata moleina thinô ta châ leipa ta, thinô pahlao leipa viahchhâ, palôh dopa nata biehmeiseihpa ta kyhchhi ei suh u.

2 KAWRINI 5:14

Chyhsa zydua châta chyhsa pakha a thi khiahta cha, chyhsa zydua cha a thipa ama châ tahpa cha eima bietluna a châpa vâta, Krista kyhpachâna ta miah a tuah raruah.

HEBRAI 13:2

Khichhai chô liata phana papua awpa my khuh vy. Cha hawhta taopa ta, thokhazy ta pahno leipa ta vâlyuhchâpazy ama o liata ama patlôsa tyh.

RYUREITUHPAZY 6:19

Chatawhcha Kidia cha a o lâ vawh ta, mietaw pasyuh ta, viahdie kachu hmo kha ta thinô pahlao leipa viahchhâ tao ta. A sa cha hrâbyh liata khô ta, tihâh cha beih liata soh ta, ôkâ tho ry liata Abeipa vâlyuhchâpa lâ cha cheih ta, hlâ ta.

1 SAMUELA 28:24

Chanô ta viahchaotaw thawhpa a o liata hnei ta, thlai thie ta, viahdie la ta, nyh ta, thinô pahlao leipa viahchhâ tao ta,