ÂTHAONA 19:25 - Mara Bible RV (BSI)

²⁵ Cha khihpizy nata bypi zydua pahleipadia khai ta, khihpi liata a pahrâpa zydua nata chhaohlei liata a pyuhpazy chhao a pahleipadia khai haw.

ÂTHAONA 19:25 ပူးပေါင်းရင်းမြစ်များ

ÂTHAONA 13:10

Lawta cha mohmia pasaih ta, Zawâ tlôna taihta Zawdâh bypi zydua cha Abeipa sadô hawhta nata Izi râh hawhta ti phana by a châpa ta hmô ta. Cha cha Abeipa ta Sawdawmâ nata Kawmawrâ khih a parao hlâ daihti a châ.

ÂTHAONA 13:12

Abarâ cha Kâna râh liata a ngua ta, Lawta cha Bypi khihzy liata pahrâ ta, Sawdawmâ khih taihta a poh o pakawh lymâ ta.

ÂTHAONA 14:3

Ama siehnaopa bei zydua cha a pazao ei ta, Sidi Saikao liata ama pheisaihzy pahmaoh ei ta. Sidi cha Tilaipi Iahpa a châ.

HLAZY 107:34

Râh phapa chhao râh chhiepa a pachâsa haw, A chhôh liata a pahrâpazy paraona vâta.

ISAI 13:19

“Khazohpa ta a parao ti ei ta cha, Khinarâhzy lôsôhpa Babylaw cha, Sawdawmâ nata Kawmawrâ hawh ta châ aw ta; Kaldia mo rônahna nata apalaina chhao, Sawdawmâ nata Kawmawrâ hawhta a châ aw.

ZEREMIAH 20:16

Cha chyhsa cha Abeipa ta ngiachhie leipa sala, A parao hapa khihpizy hawhta châ mawh sy. My ta chana ao thei sala, Nohchhô ta zikyurâna pyu thei mawh sy,

ZEREMIAH 23:14

Zerusale hrohsopazy liata chhao, Hmo rarôh ypa ei hmô: A phei ei ta, Haipa ta khih ama sa; Hmo pha leipa a taopazy ku thapatlô ei ta, Chavâta ama moleina ro a chhuah tlâ veih ei; Kei châta cha Sawdawmâ lyu khai ei ta, Zerusale khihsawzy chhao Kawmawrâ ama lyu khai.”

ZEREMIAH 49:18

Sawdawmâ nata Kawmawrâ nata a chheipâh liata khihpizy paraopa ta a ypa hawhna khata, cha liata ahy hmah pahrâ khao leipa aw ei ta, ahy hmahta cha lâ a paih khao aw veih ei,” Abeipa ta a tah.

ZEREMIAH 50:40

Khazohpa ta Sawdawmâ nata Kawmawrâ parao ta, A chheipâh khihpizy a parao khai hapa hawhna khata, Cha liata ahy hmah pahrâ khao leipa aw ei ta, Cha lâ a paihpa chyhsa saw ahy hmah y aw veih ei,” Abeipa ta a tah.

CHAPHÔHTUNA 4:6

Ei phopi sawchanô paraona cha, Sawdawmâ moleina hlâta a ru via; Sawdawmâ cha ku ta hria byuh leipa ta, Movi hlâta paraopa a châ hapa kha.

EZEKIA 16:50

A pasâhsa ei ta, ei hmiakô liata hmo pasichhihpa ama tao. Chavâta na hmôpa hawh ei ta, âmo cha su hro lâ ei pasie ha ei.

AMÔSÂ 4:11

“Sawdawmâ nata Kawmawrâ khihpizy Khazohpa ta a paraopa hawhta, Nama hry liata thokha cha parao ei na ta, Mei tawhta thothu a daopa hawhta nama vaw châ haw; Chatanachôta kei lâ vaw kua veih ei chi,” Abeipa ta a tah.

ZEPHANIA 2:9

Chavâta ei hrona reipa ta ei reih,” Pheisaihzy Abeipa, Izarei Khazohpa ta a tah. “Môabâ cha Sawdawmâ hawhta châ aw ta, Amawna mo cha Kawmawrâ hawhta ama châ aw; Sipopa su nata alôh khaoh lâta a lie aw ei ta, Chhâzaw ta roryhrapa ta ama y aw. Ei phopi laibâhpazy ta âmo cha hrao aw ei ta, Ei râh liata a hroh tlakaihpazy ta Ama râh cha ryu ta ama to aw.

RYHPACHANEINA 29:23

A râh pôhpalôhpa cha, kaih nata alôh nata kârypa, khâpa chi hmah cheih leina, khâpa hmah pyu leina, sibiepazy chhao thao leina, Abeipa ta hiehâhpa nata pathi iapa ta a paraopa Sawdawmâ nata Kawmawrâ nata Adamâ nata Zebaw râhzy hawhta paraopa a châ aw.

2 PITY 2:6

Sawdawmâ nata Kawmawrâ khihpizy kha ano a uasa leipazy pakhona châta hmâh ta, Khazohpa ta khihpizy cha buchâh lâta pachâsa ta a pamua ha ei.