ÂTHAONA 19:24 - Mara Bible RV (BSI)

²⁴ Abeipa ta Sawdawmâ nata Kawmawrâ chô liata vârâh tawhta mei nata kaih pasuasa ta. Vârâh liata a ypa Abeipa tawh tlai ta a zâ suahpa a châ.

ÂTHAONA 19:24 ပူးပေါင်းရင်းမြစ်များ

ÂTHAONA 13:10

Lawta cha mohmia pasaih ta, Zawâ tlôna taihta Zawdâh bypi zydua cha Abeipa sadô hawhta nata Izi râh hawhta ti phana by a châpa ta hmô ta. Cha cha Abeipa ta Sawdawmâ nata Kawmawrâ khih a parao hlâ daihti a châ.

ÂTHAONA 13:12

Abarâ cha Kâna râh liata a ngua ta, Lawta cha Bypi khihzy liata pahrâ ta, Sawdawmâ khih taihta a poh o pakawh lymâ ta.

ÂTHAONA 18:17

Abeipa ta, “Ei hmo tao awpa he Abarahâ liata ei phih aw ma?

ÂTHAONA 19:23

Lawta ta Zawâ khih a tlô nahta, alei chô liata noh vaw chhi ha ta.

ZAWBÂ 1:16

Bie a rei hai nota, chyhsa hropa vaw tlô ta, Zawbâ hnohta, “Avâ tawhta Khazohpa mei za tla ta, mietakuzy nata chakaotuhpazy kâ ta, a kâ patlô khai ha ei. Kei deita he thâtih cha chho awpa ta a vaw râpa ei châ,” tah ta.

ZAWBÂ 18:15

A chyhsa a châ leipazy a poh o liata pahrâ aw ei ta, A pahrâna liata kaih hiepa a châ aw.

HLAZY 11:6

Moleipazy chô liata meiia nata kaih pasuasa sala, Ziza sahpa cha ama tovyuh nyu châ mawh sy.

PUASAINA 9:23

Mawsi ta a chôchahrei avâ lâ pazawh ta, chatawhcha Abeipa ta tôkalôhpa nata pareih za tuah ta, alei liata pachie mei za tla ta. Abeipa ta Izi râh chô liata pareih thata patlasa ta.

ISAI 1:9

Pheisaihzy Abeipa ta Laibâhpa chyhta miah pahlôhpa vei mawh sala; Sawdawmâ hawhna khata châ aw pi ta, Kawmawrâ hawhna khata eima y aw.

ISAI 13:19

“Khazohpa ta a parao ti ei ta cha, Khinarâhzy lôsôhpa Babylaw cha, Sawdawmâ nata Kawmawrâ hawh ta châ aw ta; Kaldia mo rônahna nata apalaina chhao, Sawdawmâ nata Kawmawrâ hawhta a châ aw.

ISAI 30:33

Hlâno tawhta mei raona su a chhuanoh hapa a châ. Abei châta chhao a chhuahdy hapa châ ta, tho ti nawpa â thu ngaitapa nata a kawh ngaitapa ta taopa châ ta, mei nata tho hluhpi pahmaohpa a châ. Cha cha kaih vahtiepa hawhta a lohpa Abeipa hu ta a pakâsa.

ZEREMIAH 20:16

Cha chyhsa cha Abeipa ta ngiachhie leipa sala, A parao hapa khihpizy hawhta châ mawh sy. My ta chana ao thei sala, Nohchhô ta zikyurâna pyu thei mawh sy,

ZEREMIAH 23:14

Zerusale hrohsopazy liata chhao, Hmo rarôh ypa ei hmô: A phei ei ta, Haipa ta khih ama sa; Hmo pha leipa a taopazy ku thapatlô ei ta, Chavâta ama moleina ro a chhuah tlâ veih ei; Kei châta cha Sawdawmâ lyu khai ei ta, Zerusale khihsawzy chhao Kawmawrâ ama lyu khai.”

ZEREMIAH 49:18

Sawdawmâ nata Kawmawrâ nata a chheipâh liata khihpizy paraopa ta a ypa hawhna khata, cha liata ahy hmah pahrâ khao leipa aw ei ta, ahy hmahta cha lâ a paih khao aw veih ei,” Abeipa ta a tah.

ZEREMIAH 50:40

Khazohpa ta Sawdawmâ nata Kawmawrâ parao ta, A chheipâh khihpizy a parao khai hapa hawhna khata, Cha liata ahy hmah pahrâ khao leipa aw ei ta, Cha lâ a paihpa chyhsa saw ahy hmah y aw veih ei,” Abeipa ta a tah.

CHAPHÔHTUNA 4:6

Ei phopi sawchanô paraona cha, Sawdawmâ moleina hlâta a ru via; Sawdawmâ cha ku ta hria byuh leipa ta, Movi hlâta paraopa a châ hapa kha.

HÔSIA 11:8

Hy Epharai, kheihta ma ei cha thy thei aw? Hy Izarei, kheihta ma chariah ku liata ei cha hlâ thei aw? Kheihta ma Adamâ hawhta ei cha tao thei aw? Kheihta ma Zebôi hawhta ei cha soh thei aw? Ei palôh a vaw nano ha ta, Ei tha eina pasa ha heih chi.

AMÔSÂ 4:11

“Sawdawmâ nata Kawmawrâ khihpizy Khazohpa ta a paraopa hawhta, Nama hry liata thokha cha parao ei na ta, Mei tawhta thothu a daopa hawhta nama vaw châ haw; Chatanachôta kei lâ vaw kua veih ei chi,” Abeipa ta a tah.

ZEPHANIA 2:9

Chavâta ei hrona reipa ta ei reih,” Pheisaihzy Abeipa, Izarei Khazohpa ta a tah. “Môabâ cha Sawdawmâ hawhta châ aw ta, Amawna mo cha Kawmawrâ hawhta ama châ aw; Sipopa su nata alôh khaoh lâta a lie aw ei ta, Chhâzaw ta roryhrapa ta ama y aw. Ei phopi laibâhpazy ta âmo cha hrao aw ei ta, Ei râh liata a hroh tlakaihpazy ta Ama râh cha ryu ta ama to aw.

LUKA 10:12

Ei cha chho ei, cha noh liata, cha khih pasa tao awpa hlâta Sawdawmâ khih pasa tao awpa a zie a y via aw.

RYHPACHANEINA 28:24

Abeipa ta nama râh vâsua cha dohlei nata buchadoh lâta pachâsa aw ta, nama leidia hlâlei avâ tawhta nama chô liata a za tla aw.

RYHPACHANEINA 29:22

“Chhâ a vaw y awpa, nama hnôhlâ ta nama saw a vaw y awpazy nata chihropa chyhsa râh hlapi tawhta a vy awpazy ta, cha râh liata Abeipa ta potlana nata hri a chareisapazy ama hmô aw.

RYHPACHANEINA 29:23

A râh pôhpalôhpa cha, kaih nata alôh nata kârypa, khâpa chi hmah cheih leina, khâpa hmah pyu leina, sibiepazy chhao thao leina, Abeipa ta hiehâhpa nata pathi iapa ta a paraopa Sawdawmâ nata Kawmawrâ nata Adamâ nata Zebaw râhzy hawhta paraopa a châ aw.

2 PITY 2:6

Sawdawmâ nata Kawmawrâ khihpizy kha ano a uasa leipazy pakhona châta hmâh ta, Khazohpa ta khihpizy cha buchâh lâta pachâsa ta a pamua ha ei.

ZUDÂH 1:7

Sawdawmâ nata Kawmawrâ nata ama chheipâh khihpizy chhao kha, apatlana moleinazy thata tao ei ta, chanô chapaw châna hmâzie tyhpa a châ leipa, chapaw nata chapaw apatlanazy taihta ama taopa vâta, chhâzaw mei ta hriepa châ ei ta, pakhona châta hmâpa ama vaw châ haw.

BIEPHUAH 14:10

Khazohpa hiehâhna kresawhti patapa, a hiehâhna nyu liata khâpa hmah pahlao leipa ta patlaipa cha doh aw ei ta, vâlyuhchâpa pathaihpazy mohmô ta nata Mietakutaw mohmô liata mei nata kaih ta pasa pataosapa ama châ aw.