ÂTHAONA 19:16 - Mara Bible RV (BSI)

¹⁶ Châhrasala chhôhmohpa ta y thlâh ha ta. Abeipa ta Lawta cha a ngiachhiepa vâta, vâlyuhchâpazy ta ano nata a lapinô nata a sawchanô panozy cha ama ku ta patupa ta a chhi ei ta, khihpi khôtho lâ â bohpa ta ama puakhei haw.

ÂTHAONA 19:16 ပူးပေါင်းရင်းမြစ်များ

ÂTHAONA 19:15

My khih a vaw dei nahta, vâlyuhchâpazy ta Lawta cha para ei ta, “Thyu la, he liata a ypa na lapinô nata na sawchanô panozy he puakhei teh. Chataleipatala, he khihpi hriena liata namâ hlao pathlei aw na,” tah ei ta.

ÂTHAONA 43:10

Pahawhpasâh leipa sih la cha, ei no eimâ kaw lie ha bâ awpa tlai,” tah ta.

1 THÂTIHZYRONA 16:34

Abeipa lâ alyna bie hlâ teh u; Ano cha pha ta, A kyhpachâna a tleih beih leipa a châ.

HLAZY 103:13

Paw ta a sawzy a ngiachhiepa hawhta, Abeipa ta ano a chituhpazy cha a ngiachhie ei.

HLAZY 106:1

Abeipa cha reithai u la, Alyna bie hlâ teh u! Ano cha pha ta, A kyhpachâna a tleih beih leipa a châ.

HLAZY 106:8

Chatanachôta a moh vâta âmo cha pachha pyly ta, A hmotaotheina rônahpa a pahnosa ei.

HLAZY 107:1

Abeipa cha pha ta, A kyhpachâna tlyzaw ta a tleih beih leipa a châpa vâta, Alyna bie hlâ teh u!

HLAZY 111:4

Hmonoâhpa a taopazy cha khâ a thei thlâh awpa ta tao ta, Abeipa cha ngiachhiena nata zawngiahna a hneipa a châ.

HLAZY 118:1

Abeipa lâ alyna bie hlâ teh u, Ano cha pha ta, A kyhpachâna chhâzaw ta a tleih beih leipa a châ.

HLAZY 119:60

Na biepiepazy zyh awpa ta, Hawh leipa ta ei para tyh.

HLAZY 136:1

Abeipa hnohta alyna bie reih teh u, Ano cha pha ta, A kyhpachâna tlyzaw ta a daihpa a châ.

HLAZY 32:10

Hmoparaopa châta pachârôh nawpa hluhpi y ta, Abeipa a ngâtuhpa deikua cha zawngiahna ta a chadô aw.

HLAZY 33:18

Moh teh u, Abeipa mo cha ano a chituhpazy chô liata khaih ta, A kyhpachâna tleih beih leipa hnabeiseihtuhpazy chô liata a khaih tyh.

HLAZY 33:19

Chatanachata ama hrona cha thina tawhta pachha aw ta, Chakâh daihti liata a pahro aw ei.

HLAZY 34:12

Nama hry liata ahy rai ta, Hrona tlaichhai sala, Noh hluhpi hro awpa khopa ta, Phana na hmô khoh khiahta cha,

HLAZY 86:15

Châhrasala Hy Abeipa, Nâ cha zawngiahna nata ngiachhiena a hneipa Khazoh châ chi ta, A hiehâh a rupa nata kyhpachâna nata ngâchhihna ta a biepa Khazoh na châ.

HLAZY 86:5

Hy Abeipa, nâ cha Khazoh phapa nata a ngiahthai theituhpa châ chi ta, Châ padotuhpazy chô liata zawngiahna a hnei hluh ngaitapa na châ.

PUASAINA 34:6

Abeipa cha Mawsi hmiakô liata vaw sie ta, “Abeipa, Abeipa, zawngiahna nata ngiachhiena Khazohpa, hiehâh rupa, kyhpachâna nata ngâchhihna ta a biepa,

PUASAINA 34:7

chyhsa sâh hluhpi chô liata ngiachhiena palâsa ta, taopasina nata paraona nata moleinazy a ngiahthai ta, thailei a châpazy deikua hrie leipa ta a pakhôsa leipa, pawzy hmoparaona cha saw nata samoh sahlâhzy chô liata patlôsa ta, chhâ thôhna nata chhâ palihna taihta a patlôsapa,” tahpa ta a phuah ta.

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

CHAPHÔHTUNA 3:22

Chhawh pathlahpa ta eima y leipa he Abeipa kyhpachâna vâta châ ta, A zawngiahna a chhâ beih leipa vâta a châ.

MALUHREINA 14:18

‘Abeipa cha hiehâhna kyh liata nainôsôpa châ ta, kyhpachâna hnei hluh ngaita ta, moleina nata hmoparaonazy a ngiahthai theipa a châ. Thailei a châpazy deikua cha, hrie leipa ta y beih vei. Pawzy hmoparaona ty sawzy chô liata patlôsa ta, chhâ thôhna nata chhâ palihna taihta a patlôsapa a châ,’ tahpa ta vaw reih ha chi ta.

LUKA 18:13

Chhiekheituhpa deikua cha, lâhlapi ta a duah ta, avâ lâ chhao ua ngâh leipa ta, a chachôhna a chô ta, ‘Khazohpa y, kei moleipa he na ngiachhie mah y,’ tah ta.

ZAWHÂNA 6:44

Nâ tuahtuhpa Paw ta a sy vei khiahta la, ahy hmah kei lâ a vy thei aw veih ei. Kei lâ a vypa cha noh chhâna noh liata ei pathyu aw.

RAWMA 9:18

Chatanachata Khazohpa ta a khopa maih ngiachhie tyh ta, a khopa maih chhorupa ta a tao tyh.

2 KAWRINI 1:3

Eima Beipa Zisu Krista Khazohpa nata Paw a châpa, zawngiahna Paw nata thlalôhna to Khazohpa cha reithaipa ta y mawh sy.

RYHPACHANEINA 4:31

Abeipa nama Khazohpa cha zawngiah theipa Khazohpa a châ. Cha pathlua leipa aw ei ta, cha pahleipadia hra leipa aw ei ta, châ pathlatuhpazy hnohta bie â taihpa a biehrai my aw vei.

RYHPACHANEINA 5:15

Nâ chhao Izi râh liata sei châ chi ta, cha tawhtapa cha Abeipa na Khazohpa ta ku thatlôpa nata bâh pazawhpa ta a châ chhi papua tahpa a thei thlâh ha mah y. Chavâta Abeipa na Khazohpa ta Pahânoh chay awpa ta bie a cha pie.

RYHPACHANEINA 6:21

nama sawzy hnohta, ‘Izi râh liata Phiraoh sei ta y pi ta, Abeipa ta Izi râh tawhta ku thatlôpa ta miah â kaw chhi papua.

RYHPACHANEINA 7:8

Abeipa ta kyh cha pachâ ei ta, châ pathlatuhpazy hnohta bie â taihpa a patlô khohpa vâta, Abeipa ta seichâna o tawhta ku thatlôpa ta cha pachha ei ta, Izi bei Phiraoh ku tawhta a cha pachha ei.

TITU 3:5

siana ta eima hmotaopa vâta châ leipa ta, a zawngiahna vâta miah a pachha. Cha pachhana cha pipathina ta miah pathaisa ta, Thlahpa Pathaihpa taopathina zawhzi ta eima hmôpa a châ.

ZAWSUA 6:22

Râh mohparutuhpa chyhsa pano hnohna khata Zawsua ta, “Âzuahnô o liana hao a kei ngia u la, a hnohta bie namâ taihpa hawhna khata, a chhôhkha zydua chhaota puakhei teh u,” tah ta.

2 PITY 2:7

Moleipazy parâ aohraohna vâta a pachâ thata a rôh tyhpa mosiapa Lawta kha, Khazohpa ta a pachha haw.

2 PITY 2:9

Cha hawhna chata Abeipa ta ano a pachâtuhpazy cha reipasaona tawhta a pachha nawpazie pahno ta, sialeipazy cha pachiana noh a tlô hlâlei hriena ry liata soh chy nawpazie chhao a pahno.