ÂTHAONA 19:12 - Mara Bible RV (BSI)

¹² Vâlyuhchâpazy ta Lawta hnohta, “He liata chyhsa hropa na hnei khao ma? Na piahpazy, na sawchapawzy, na sawchanôzy, khihpi chhôh liata na sanawh maih, he su tawhta puakhei khai ha mah y.

ÂTHAONA 19:12 ပူးပေါင်းရင်းမြစ်များ

ÂTHAONA 19:11

Ochhi thaby liata chyhsa a ypazy cha, a lai a chyh ta ama mo pachaosa ei ta, thachhâpa ta ochhi hmô thei khao leipa ei ta.

ÂTHAONA 19:13

He su he eima pahleipadia aw. Abeipa hmiakô liata a khih chyhsazy kyh ama reipa a rarôh y ngaita ta, chavâta pahleipadia awpa ta Abeipa ta miah a za tuah,” tah ei ta.

ÂTHAONA 19:14

Chatanachata Lawta cha a sawchanôzy a hnei awpa a piahpazy lâ vawh ta, ama hnohta, “Thyu u la, he su tawhta pua teh u. Abeipa ta he khihpi he a pahleipadia aw,” kei tah ta. Châhrasala a piahpazy ta sai a sohpa hawhta pachâ ei ta.

ÂTHAONA 19:17

Khôtho lâ ama puakhei tawhta, vâlyuhchâpa pakha ta, “Na hro nawpa ta a râ teh. Na hnôh lâ a heih leipa la, bypi khataih su lia rai ta a duah hra khah y! Tlâhzy lâna khi ta a râ mah y. Chataleipatala na leidia pathlei aw,” tah ta.

ÂTHAONA 19:22

Hao khih lâ hao a chatliepa ta a râ mah y. Na tlô hlâlei khâpa hmah tao thei aw va na,” tah ta. Chavâta cha khih moh cha Zawâ bipa a châ.

ÂTHAONA 7:1

Chatawhcha Abeipa ta Nôah hnohta, “Nâma nata na chhôhkha zydua balyh liata a ngia teh u. He chhâ liata nâma deita he ei hmiakô liata chyhsa siapa a y chhôhpa na châ.

ZEREMIAH 32:39

Âmo pha nawpa nata âmo hnôhlâ ta ama pathlazy pha nawpa ta chhâzaw ta eina chi thei nawpa ei ta, palôh miakha paphaosa aw ei na ta hrozie miakha ei pahneisa aw ei.

ZEREMIAH 51:45

“Hy ei phopi sawzy, Babylaw chhôh tawhta pua teh u; Abeipa hiehâhna ru ngaitapa tawhta, Chyhsa to ama hrona pabohsa mawh ei sy!

MALUHREINA 16:26

Zawpi hnohta, “He chyhsa moleipazy poh o tawhna heta pua teh u. Ama hneipa chhao khâpa hmah hria khuh vy. Chataleipatala ama moleina zydua vâta pahleipadiapa nama châ pathlei aw,” tah ta.

2 PITY 2:7

Moleipazy parâ aohraohna vâta a pachâ thata a rôh tyhpa mosiapa Lawta kha, Khazohpa ta a pachha haw.

2 PITY 2:9

Cha hawhna chata Abeipa ta ano a pachâtuhpazy cha reipasaona tawhta a pachha nawpazie pahno ta, sialeipazy cha pachiana noh a tlô hlâlei hriena ry liata soh chy nawpazie chhao a pahno.

BIEPHUAH 18:4

Chatawhcha avâ tawhta ao hropa thei na ta, ao chata, “Hy ei phopi, Ano tawhta vaw pua teh u; Chataleipatala a moleinazy liata a hlao pathlei aw ei chi ta, A potlana liata namâ hlao pathlei aw na.