ÂTHAONA 18:5 - Mara Bible RV (BSI)

⁵ Châ chakaotuhpa hnohta a vy ha ei chi ta, viahchhâ chyhta kei la aw na ta, nama tha a padâh chy teh u. Cha khai tawhta sie lah vâ ei chi,” tah ta. Âmo ta, “A pha na, na reipa hawhna chata tao mah y,” tah ei ta.

ÂTHAONA 18:5 ပူးပေါင်းရင်းမြစ်များ

ÂTHAONA 18:6

Abarahâ cha poh o chhôh lâ thlai a ngia ta, Sârâ hnohta, “Viahdie dipa saikhua hmo thôh li la, neih la, viahchhâzy vaw tao para teh,” tah ta.

ÂTHAONA 19:8

Moh teh u, chapaw a pahno beih leipa sawchanô pano ei hnei. Âmo cha nâmo lâ kaw papua aw ei na ta, pha nama tahpa hawhta ama chô liata tao teh u. He chyhsazy chô liata deikua cha, ei o vâphuh abohna ry liata a vaw ngia hapa châ ei ta, khâpa hmah tao cheita khuh vy,” tah ta.

ÂTHAONA 33:10

Zakaw ta, “Châ vei, na ngiachhiena ei hmô khiahta la, ngiachhiepa ta ei kuhriazy he ei ku tawhta nâ hlâ mah y. Na hmia ei vaw hmô thlâhpa cha, Khazohpa hmia a hmôpa hawhta châ na ta, nâ chhao ta nâ pyh chi ta.

1 ABEIZY 17:11

Ti la awpa ta a vawpa cha kei awsao heih ta, a hnohta, “Viahchhâ chyhta chhao na vaw cheipa pâ mah y,” tah ta.

HLAZY 104:15

Chyhsa palôh palysa nawpa ta kresawhti papua chi ta, A hmia patliena châta sathaw papuapa ta, Chyhsa palôh thapatlô nawpa ta viahchhâ na papua.

ISAI 3:1

Moh tua u, Pheisaihzy Abeipa Zehôvâh ta Zerusale nata Zudâh apahniehnazy a la khai ha hih; Niedo zydua la khai ha ta, Ti zydua a la khai haw.

MATHAI 6:11

Noh chareih nie awpa miah pie mah y.

RYUREITUHPAZY 13:15

Manôah ta Abeipa vâlyuhchâpa hnohta, “Ngiachhiepa ta cha thlyu aw pi ta, mietaw eima cha thiepa aw,” tah ta.

RYUREITUHPAZY 13:16

Abeipa vâlyuhchâpa ta Manôah hnohta, “Na thlyu hra la, na pati la nie aw va na. Châhrasala raopa hlâna a chhuanohpa na châ khiahta deikua cha, Abeipa lâta hlâ mah y,” tah ta. Manôah ta ano cha Abeipa vâlyuhchâpa a châ tahpa pahno leipa ta.

RYUREITUHPAZY 19:5

A noh palihna noh ta mydi kari ta thyu ei ta, sie awpa ta a pachhuah ta, châhrasala chanô paw ta a piahpa hnohta, “Viahchhâ a chyhta chhâ nie tua la, na palôh tha a padâh chy mah y, cha khai tawhta sie lah vâ ei chi,” tah ta.

RYUREITUHPAZY 6:18

Hmohlâpa vaw cheipa ta nâ lâ a vy aw na ta, na hmiakô liata ei soh hlâlei cha, ngiachhiepa ta he su tawhta a pasie khah y,” tah ta. Ano ta, “Nâ vy hlâlei ei vaw y thlâh ha aw,” tah ta.

RYUREITUHPAZY 6:19

Chatawhcha Kidia cha a o lâ vawh ta, mietaw pasyuh ta, viahdie kachu hmo kha ta thinô pahlao leipa viahchhâ tao ta. A sa cha hrâbyh liata khô ta, tihâh cha beih liata soh ta, ôkâ tho ry liata Abeipa vâlyuhchâpa lâ cha cheih ta, hlâ ta.