ÂTHAONA 18:32 - Mara Bible RV (BSI)

³² Abarahâ ta, “Hy Abeipa, na hiehâh leipa sala, ei kha ngâlâh ei reih heih tua aw. Cha liata pahrawh hmôpa châ mawh sala zaw?” tah ta. Ano ta, “Pahrawh vâta pahleipadia aw va na,” tah ta.

ÂTHAONA 18:32 ပူးပေါင်းရင်းမြစ်များ

ÂTHAONA 18:30

Abarahâ ta, “Hy Abeipa, ngiachhiepa ta na hiehâh leipa sala, vaw reih thlâh heih tua sah la. Cha liata sythôh hmôpa châ mawh sala zaw?” tah ta. Ano ta, “Cha liata sythôh chhâ ei hmô khiahta cha, pahleipadia aw va na,” tah ta.

ÂTHAONA 18:31

Abarahâ ta, “Hy Abeipa, bie ei châ chho thei saliah ta, cha liata pakih hmôpa châ mawh ei sala zaw?” tah ta. Ano ta, “Pakih vâta pahleipadia aw va na,” tah ta.

ÂTHAONA 44:18

Zudâh ta Zawsi cha a kei hnia ta, “Hy ei zibeipa, nâ cha Phiraoh tlupa châ chi ta, ngiachhiepa ta ei zibeipa nah theina liata châ chakaotuhpa he bie kawh kha na pareisa la, châ chakaotuhpa chô liata na pathi rie ia khah sy.

ZAWBÂ 33:23

Chyhsapa hnohta a châta hmo dopa chho awpa ta, Ano chhâh a châhpa vâlyuhchâpa, Sâh kha liata pakha a tlypa lyuhchâpa y sala,

HLAZY 86:5

Hy Abeipa, nâ cha Khazoh phapa nata a ngiahthai theituhpa châ chi ta, Châ padotuhpazy chô liata zawngiahna a hnei hluh ngaitapa na châ.

PUASAINA 32:14

Chatanachata Abeipa cha a palôh panano ta, a phopi chô liata chhiena patlôsa awpa bie a reipa cha a pathleih haw.

BIESOZY 15:8

Moleipa atheihna hlâpa cha Abeipa châta pasichhihpa châ ta, Chyhsa dopa thlahchhâna deikua cha Abeipa ta â ly.

ISAI 65:8

Abeipa ta hetana heta a tah: “Kresawhti thiehpa cha kre sao liata y ta, ‘Parao khah u, byhnâ a hnei khawh,’ ama tahpa hawhta; Nâ chakaotuhpazy vâta, He hmo he tao aw na ta, Pahleipadia khai aw veih ei na.

ZEREMIAH 5:1

Zerusale khiliah liata a râhreih u la, Moh u la, ngia teh u! A tlyliahzy liata tlua u la, Adona tao ta ngâchhihna a tluapa Pakha chhâ nama hmô khiahta cha, Zerusale cha ei ngiahthai aw.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

MATHAI 7:7

“Hiah teh u, piepa nama châ aw. Tlua teh u, nama hmô aw. Chakhyh teh u, pahypa nama châ aw.

EPHESI 3:20

Tahmâ keimo liata a hria tyhpa hmotaotheina lymâ hawhta, eima hiapa nata pachâpa zydua hlâta tha via syulyu ta a tao theituhpa Khazohpa hnohta,

RYUREITUHPAZY 6:39

Kidia ta Khazohpa hnohta, “Ei chô liata na hiehâh leipa la, eikhata bie bâh na pareisa heih mah y. Mietaku hmi ta pasia awpa eikhata na pasaih via mah y. Tahmâ cha mietaku hmi hi sala, alei zydua liata diati y mawh sy,” tah ta.