ÂTHAONA 18:31 - Mara Bible RV (BSI)

³¹ Abarahâ ta, “Hy Abeipa, bie ei châ chho thei saliah ta, cha liata pakih hmôpa châ mawh ei sala zaw?” tah ta. Ano ta, “Pakih vâta pahleipadia aw va na,” tah ta.

ÂTHAONA 18:31 ပူးပေါင်းရင်းမြစ်များ

ÂTHAONA 18:27

Abarahâ ta a chhy ta, “Pachâ tua, kei dohlei nata buchâh heta Abeipa cha bie ei châ chho thei saliah ta, reih thlâh ha tua sah la.

ÂTHAONA 18:30

Abarahâ ta, “Hy Abeipa, ngiachhiepa ta na hiehâh leipa sala, vaw reih thlâh heih tua sah la. Cha liata sythôh hmôpa châ mawh sala zaw?” tah ta. Ano ta, “Cha liata sythôh chhâ ei hmô khiahta cha, pahleipadia aw va na,” tah ta.

ÂTHAONA 18:32

Abarahâ ta, “Hy Abeipa, na hiehâh leipa sala, ei kha ngâlâh ei reih heih tua aw. Cha liata pahrawh hmôpa châ mawh sala zaw?” tah ta. Ano ta, “Pahrawh vâta pahleipadia aw va na,” tah ta.

MATHAI 7:11

Nâmo, moleipazy chi hmahta, nama sawzy hmo phapa piena châh nama pahno khiahta cha, nama Paw vârâh liata a ypa chhochhi ta cha, kha tlu ta hluh viapa ta ma a hiahtuhpazy hnohta hmo phapa a pie aw tly!

MATHAI 7:7

“Hiah teh u, piepa nama châ aw. Tlua teh u, nama hmô aw. Chakhyh teh u, pahypa nama châ aw.

LUKA 11:8

Ei cha chho ei, a viasa a châpa vâta thyupa ta a pie leipa chhao ta, bâh leipa ta a hia ngâ thlâh hapa vâta, thyu aw ta â ngiahpa hawhta a pie aw.

LUKA 18:1

Zisu ta a pachupazy cha hnabeidy leipa ta, khâ thlahchhâ awpa a châzie pakhona bie chho ta.

EPHESI 6:18

Thlahchhâna nata hiana to ta khatino rai ta Thlahpa ta thlahchhâ teh u. Cha châna chata a hrohrua u la, mopathaihpa zydua châta bâh leipa ta thlahchhâ teh u.

HEBRAI 4:16

Chavâta zawngiahna eima hmô thei nawpa nata bao eimâ ngiah daihti liata miah bao awpa ta ngiachhiena eima hmô thei nawpa ta, ngiachhiena beidyuchhai cha riahphapa ta a hnia suh u.