ÂTHAONA 18:3 - Mara Bible RV (BSI)

³ “Ei Beipa, na mo dypa ei châ khiahta la, ngiachhiepa ta na sei he na khôsai khah y.

ÂTHAONA 18:3 ပူးပေါင်းရင်းမြစ်များ

ÂTHAONA 18:2

Mohmia pasaih ta, ano kiapâh liata chyhsa pathôh â duahpa hmô ta. A hmôpa nahta, âmo dy awpa ta poh o chhikao tawhta a kei râ ta, alei lâ a bôhpa ta âmo cha a naoh ta,

ÂTHAONA 18:4

Ti chyhta cha vaw lapa aw ei na ta, nama pheizy a si u la, tho ry liana he a pahâ chy teh u.

ÂTHAONA 24:31

Lâbâ ta, “Nâ, Abeipa byhnâ a topa y, a vaw ngia mah y. Khazia khih khôtho liata nâ duah thlâh haw? O pachhuahpanoh ha na ta, râraoseihpazy châta su ei paryh haw,” tah ta.

ÂTHAONA 32:5

Viahchao tôhpazy, alâzy, mietaku nata mie zawzy, seichapaw nata seichanôzy ei hnei. Na modypa ei châ thei nawpa ta, cha bie cha ei zibeipa chho awpa ta, chyhsa ei vaw tuah,’ tahpa ta nama chho aw,” tah ta.

ÂTHAONA 39:4

Zawsi cha a zibeipa modypa ta ypa ta, a zibeipa cha chakao lymâ ta. Pawtipha ta Zawsi cha a o liata hyutuhpa ta tao ta, a hneipa zydua chô liata biehneituhpa ta soh ta.

RYUREITUHPAZY 6:18

Hmohlâpa vaw cheipa ta nâ lâ a vy aw na ta, na hmiakô liata ei soh hlâlei cha, ngiachhiepa ta he su tawhta a pasie khah y,” tah ta. Ano ta, “Nâ vy hlâlei ei vaw y thlâh ha aw,” tah ta.

RYUREITUHPAZY 6:19

Chatawhcha Kidia cha a o lâ vawh ta, mietaw pasyuh ta, viahdie kachu hmo kha ta thinô pahlao leipa viahchhâ tao ta. A sa cha hrâbyh liata khô ta, tihâh cha beih liata soh ta, ôkâ tho ry liata Abeipa vâlyuhchâpa lâ cha cheih ta, hlâ ta.

RYUREITUHPAZY 6:20

Khazohpa vâlyuhchâpa ta a hnohta, “Sa nata viahchhâ thinô pahlao leipa kha la la, lôpanô chô liana heta soh la, a chô liata sa tihâh kha patlai thlu teh,” tah ta. Cha hawhna chata tao ta.