ÂTHAONA 18:25 - Mara Bible RV (BSI)

²⁵ Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

ÂTHAONA 18:25 ပူးပေါင်းရင်းမြစ်များ

ÂTHAONA 18:24

Khihpi liata mosiapa sypangawh chhâ y ei sala, khihpi cha na pahleipadia pyly aw ma? Cha liata a ypa mosiapa sypangawh vâta khihpi cha pahlôh aw va chi ma?

1 THÂTIHZYRONA 16:33

Abeipa cha alei pachia awpa ta a vy aw ta, Cha tita râhmâhpa thozy ta, A hmiakô liata thapha ta hla ama sa aw.

2 THÂTIHZYRONA 19:7

Abeipa eima Khazohpa liata cha adoleina, khokhei viapa hneina nata panaopapana lapazy y vei. Chavâta Abeipa chi u la, hmo nama taopazy liata a sohsi ngaita muh vy,” tah ta.

NEHEMIAH 9:33

Eima chô liata hmo a tlôpa zydua liana heta, nâ cha asiapa na châ. Ngâchhihpa ta hmo tao chi ta, keimo deikua molei ngaitapa ta hmo eima tao tyh.

ZAWBÂ 34:10

“Chavâta nâmo, hmo a pahno thaipazy saih u, Na nathlie teh u; Khazohpa cha hmo moleipa tao beih leipa aw ta, Atotaotheipa cha hmo doleipa tao beih aw vei.

ZAWBÂ 34:12

Khazohpa cha hmo moleipa tao beih leipa aw ta, Atotaotheipa ta adona pakosa aw vei.

ZAWBÂ 8:20

“Moh teh, Khazohpa ta seina hnei leipa dytha beih leipa ta, Moleina hmo a taotuhpa bao beih vei.

ZAWBÂ 8:3

Khazohpa ta ryureina dopa a pako beih ma? Atotaotheipa ta hmo dopa a pako beih ma?

HLAZY 50:6

Avâzy ta a siana phuah ta, Khazohpa ano tlai cha pachiatuhpa a châ. Selah

HLAZY 58:11

Chatanachata chyhsapa ta, “Mosiapa châta lymâ y tlai ta, Khizaw ryureihtuh Khazohpa a y tlai na,” a tah awh.

HLAZY 7:12

Chyhsa ta a moleina a ro vei khiahta cha, Khazohpa ta a zaozi chata aw ta, A libaw a keipa ta â pachyh thlâh ha aw.

HLAZY 75:3

Alei nata a chô liata a ypa zydua â chalyu nota, A tôhzy a patutuhpa cha keima ei châ. Selah

HLAZY 94:2

Hy khizaw pachiatuhpa y, thyu la, Apalaipazy amâ phuhpa hawhta viarithô mah y!

HLAZY 98:9

Abeipa hmiakô liata hla sa mawh ei sy. Abeipa cha khizaw pachia awpa ta â vy. Siana ta khizaw pachia aw ta, Â khopa ta phopizy a pachia aw.

BIECHHOTUHPA 3:17

Hmo to nata rai to châta daihti raopa a châ khaipa vâta, Khazohpa ta mosiapa chhao moleipa chhao a pachia khai aw ei tahpa ei palôh ta pachâ na ta.

BIECHHOTUHPA 7:15

Tihu buakha a vaw lâ ta, a lei heihpa hawhta, daihti chyuta ei hro chhôh heta hmo toti ei hmô haw. Mosiapa ta a siana liata a leidia nota, moleipa ta a paraona chôta a hro a pasi thlâh haw.

ZEREMIAH 11:20

Châhrasala, Hy Pheisaihzy Abeipa, Siana ta pachia chi ta, Palôh nata pachâna a pasiatuhpa y, Ei thâtih cha nâ ei cha pavaosa hapa vâta, Ama chô liata phuh na lapa na pahmôsa mah y.

ZEREMIAH 12:1

Hy Abeipa, ei cha paphôh thlupa chhao ta, Nâ la a do pyly chi ta, Chatahrasala ei cha nôuna bie ei cha vaw tlôkhei aw. Kheihtazieta ma hmoparaopazy lâpi patlâ ta, Haiphiahpazy ama hlao a tloh thlâh ha tly?

EZEKIA 18:25

“Chatanachôta, ‘Abeipa lâpi cha a do vei,’ nama tah thlâh ha chy pyly. Hy Izarei pathlazy saih u, nathlie teh u: Ei lâpi cha a do vei ma? Nâmo lâpizy kha adoleipa tlao châ vei ma?

MALAKHAI 3:18

Chatanachata mosiapa nata moleipa likah ananona nata Khazohpa a chakaopa nata a chakao leipa likah ananonazy nama hmô heih aw.

MALUHREINA 16:22

Mawsi nata Arawna cha â khu lâta pao ei ta, “Hy Khazohpa, sapa zydua thlahpa Khazohpa y, chyhsa pakha moleipa vâta zawpi zydua chô liata na pathi a ia aw mâ?” tah ei ta.

2 KAWRINI 5:10

Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.

RYHPACHANEINA 1:16

Cha daihti liata, nama ryureituhpazy hnohta biehneina pie na ta, ama hnohta, ‘Nama unawhzy likah biepeipazy nathlie u la, chyhsa nata a unawhpa likah liata â do ngaitapa ta ryureih u la, chyhsa nata a hnohta a ypa chihropa likah liata chhao â do ngaitapa ta ryureih muh vy.

RYHPACHANEINA 1:17

Ryureina liata thlua hlei nama hnei awpa châ vei. Mochyhpa nata molaipa bie â lyupa ta nama nathlie awpa châ ta, ahy hmia hmah nama moh awpa châ vei. Ryureina cha Khazohpa eih a châ. Nama châta bie rupa cha ei hnohta vaw tlôkhei tyh aw ei chi ta, kei ta ei pachia tyh aw,’ tah na ta.

RYHPACHANEINA 32:4

“Lôpanô cha a hmotaopazy siapaki ta, A lâpi zydua â do. Ano cha Khazohpa ngâchhihpa châ ta, Paraona hnei leipa ta, Asiapa nata adopa a châ.

HEBRAI 12:23

Vârâh liata moh ropa sawchapaw uhtheipazy yna Awnanopa lâ a vy ei chi ta, mo to pachiatuhpa Khazohpa nata phapakipa ta taopa mosiapa sahlao thlahpazy lâ namâ vy.

RYUREITUHPAZY 11:27

Chavâta na chô liata hmo khâpa hmah parao va na, nâma ta einâ dyuhpa vâ chi ta, ei chô liata hmo tlao na parao hih. Abeipa, Ryureituhpa ta tanoh he Izarei sawzy nata Amawna sawzy likah pachia mawh sy,” tahpa ta pachhosa ta.