ÂTHAONA 18:21 - Mara Bible RV (BSI)

²¹ Chavâta ama moleina thâtih ei hnohta vaw tlôpazy he ama tao tlai ma tahpa moh awpa ta ei zu aw. Ama tao leipa khiahta cha, ei pahno aw,” tah ta.

ÂTHAONA 18:21 ပူးပေါင်းရင်းမြစ်များ

ÂTHAONA 11:5

Abeipa cha chyhsa sawzy ta khihpi nata o sâhpa ama paduapa cha mo awpa ta zu ta.

ÂTHAONA 11:7

A vy teh u, zu sih la, ama biereipa amâ pahno thei lei nawpa ta, ama reih panano khai ha suh u,” tah ta.

ÂTHAONA 18:17

Abeipa ta, “Ei hmo tao awpa he Abarahâ liata ei phih aw ma?

ÂTHAONA 6:12

Khazohpa ta alei cha moh ta, alei chô chyhsa zydua ta ama molei khai hapa vâta a rao khai hapa ta hmô ta.

ZAWBÂ 34:22

Hmoparaopazy a nyu nawpa ta, Zohna y leipa ta, Thina nohpahli chhao y vei.

HLAZY 14:2

Abeipa ta vârâh tawhta chyhsa sawzy za sai ta, Novâhna hneipa ta, Khazohpa a tluapa ama y ma tahpa a za moh tyh.

HLAZY 90:8

Eima paraonazy na hmiakô liata soh chi ta, Arulâta eima moleinazy chhao, Na hmia khaihna liata na soh tyh.

PUASAINA 3:8

Chavâta Izi mo ku tawhta âmo cha pachhapa ta, cha râh tawhta puakhei ta, râh phapa nata kawhpa, sâhpiti nata kheihti lona râh, Kâna mo, Hiti mo, Amawri mo, Perizi mo, Hivi mo nata Zebu mozy yna su lâ a chhi awpa ei ta ei zu haw.

PUASAINA 33:5

A chhâpa cha, Abeipa ta Mawsi hnohta, “Izarei sawzy chho teh, ‘Phopi chhoru ngaitapa nama châ. Chavâta nama hnohta buakhata chhao ei sie hra khiahta cha, ei cha pahleipadia khai thlâh ha aw ei. Tahmâ nama sôhthihzy kha pahluh khai teh u, chatanachata nama chô liata ei tao awpa ei pahno aw,’” a vaw tah hapa vâta a châ.

ZEREMIAH 17:1

“Zudâh moleina cha thua châsôh ta ropa châ ta, lônah hmao pazaopa hmâpa ta, ama pathipalôh lôphiapa nata ama maisâh kizy liata khiepa a châ.

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

ZAWNA 1:2

a hnohta, “Thyu la, Ninivâ khihpi, hao khihpi rônahpa lâ hao sie la, bie kei chho mah y, ama paraona ei hmiakô liata a kaw tlô haw,” tah ta.

MIKÂ 1:3

Pachâ teh u, Abeipa cha a yna tawhta vaw pua ta, Za chô aw ta alei su sâhpazy phei ta a tly aw.

ZEPHANIA 1:12

Cha daihti liata, Meiôh ta Zerusale ei tlua aw; Nyu chaopahrâ liata Kresawhti didâh hawhta Chhôhmohpa ta y ei ta, Ama palôh liata, ‘Abeipa ta hmo phapa tao leipa aw ta, Hmo chhiepa chhao tao hlei aw vei,’ A tahtuhpazy ei hrie aw ei.

LUKA 16:15

Zisu ta ama hnohta, “Chyhsa mohmô liata a do kawpa hawhta a lâpa deita nama châ. Khazohpa deikua cha nama palôh a pahno. Chyhsa hry liata palyupalihna cha Khazohpa mohmô ta pasichhihpa a châ.

ZAWHÂNA 6:38

Keima khopa tao awpa ta vârâh tawhta a zupa châ leipa na ta, nâ tuahtuhpa khopa tao awpa ta a zupa tlao ei châ.

2 KAWRINI 11:11

Khâpa vâta maw? Kyh ei cha pachâ leipa vâ ei ta ma? Khazohpa ta a pahno!

RYHPACHANEINA 13:3

cha hrohsopa bie tlyma, mâ sapa ta chhochhielietuhpa bie tlyma cha nama nathlie awpa châ vei. Abeipa nama Khazohpa ta ano cha nama pathipalôh tlokhuh ta nata nama thlahpa tlokhuh ta kyh nama pachâ ma, pachâ vei ma, tahpa a pahno khohpa vâta a cha pasiapa ei a châ.

RYHPACHANEINA 8:2

A biepiepazy nama zyh ma, zyh vei ma tahpa nama palôh pahno nawpa ta, cha panawh ta, cha pasia awpa ta, Abeipa nama Khazohpa ta kô sypalih dua râhchawhpa liata a châ chhipa ei namâ thei thlâh awpa a châ.

1 THYSALAWNIKA 4:16

Abeipa cha rahaopa nata vâlyuhchâpa chônôchaipa ao nata Khazohpa chiahmie pyu chhaota avâ tawhta za chô aw ta, Krista liata athipazy cha ama thyu tua aw.

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.

ZAWSUA 22:22

“Zehôvah, khazohzy Khazohpa! Abeipa, khazohzy Khazohpa! Ano ta pahno ta, Izarei chhao ta pahno mawh sy! Eima maisâh taopa he Abeipa a dyuhpa tlyma, a rei a ngiah leipa tlyma a châ khiahta cha, tanoh he miah pahlôh khuh vy.