ÂTHAONA 18:19 - Mara Bible RV (BSI)

¹⁹ Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

ÂTHAONA 18:19 ပူးပေါင်းရင်းမြစ်များ

ÂTHAONA 12:2

“Phopi rônahpa ta cha tao aw na ta, Byhnâ ei cha pie aw; Na moh parônahsa aw na ta, Byhnâ na châ aw.

ÂTHAONA 12:3

Byhnâ châ awpatuhpa maih byhnâ awpa aw na ta, Chhie châ sapatuhpa maih chhie ei sapa aw; Alei chô liata chi to pho to, Nâma vâta byhnâ topa ta ama y aw,” tah ta.

ÂTHAONA 17:9

Khazohpa ta Abarahâ hnohta, “Nâma lâ tawhta cha, ei biehrai he na zyh awpa châ ta, na hnôhlâ ta chhâ a vaw y lymâ awpa na pathlazy chhao ta ama zyh hra awpa a châ.

ÂTHAONA 22:18

Ei ao na nathliepa vâta, na pathla liata khizaw phopi zydua byhnâ topa ta ama y aw, Abeipa ta a tah,” tah ta.

ÂTHAONA 35:2

Chatawhcha Zakaw ta a chhôhkha nata a hnohta a ypa zydua hnohta, “Nama hry liata râh hropa khazohzy kha thy khai u la, a pathai u la, nama chysia a patly teh u.

2 SAMUELA 22:22

Abeipa lâpizy a chhih na ta, Ei Khazohpa a heihsaipa ta moleina hmo tao beih va na.

2 SAMUELA 7:20

Dâvi heta nâ lâta reih awpa khâpa a hnei khao? Hy Abeipa Zehôvâh y, châ chakaotuhpa he na pahno mâh tâh.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

2 THÂTIHZYRONA 14:3

Râh hropa khazoh maisâhzy nata su sâhpazy pahleipadia ta, lôbôzy paraopa ta, Aseri tôhzy thlu ta.

NEHEMIAH 9:7

“Nâ cha Zehôvâh Khazohpa châ chi ta, Abarâ a tlyhtuhpa na châ. Ano cha Kaldia râh Ur khihpi tawhta a chhi papuatuhpa nata Abarahâ tahpa ta a moh a bituhpa na châ.

ZAWBÂ 1:5

Ama kyhchhina nohzy a pai nahta, Zawbâ cha a sawzy lâta chyhsa tuah ta, a pathaisa awpa ta a chho tyh ei. Ano chhao ta, “Ei sawzy ta moleina hmo taopa ta, ama palôh ta Khazohpa chô liata chhie ama vaw sa tlamaw thei,” tah ta, mydi kari ta thyu ta, a sawzy maluh kipa ta raopa hlânazy a hlâpa tyh ei. Cha hawhna chata Zawbâ cha tao tyh ta.

HLAZY 1:6

Abeipa ta mosiapazy lâpi cha pahno ta, Hmoparaopazy lâpi deikua cha a leidia aw.

HLAZY 11:4

Abeipa cha a Achhyna o pathaihpa liata y ta, Abeipa beidyuchhai cha avâ liata a y; A mo ta moh ta, A mokhaoh ta chyhsa sawzy a pasia tyh.

HLAZY 34:15

Abeipa mo cha mosiapazy lâ a heih ta, Ama awna lâ a nah a pachôh tyh.

BIESOZY 22:6

Hawtipa cha a sie nawpa lâpi pachu la, A pitloh tita chhao siesai aw vei.

ISAI 38:19

Tanoh ta ei taopa hawhna heta, Ahrohpa, a châ na, ahrohpa deita ta Alyna bie cha hlâ thei aw ta; Paw ta sawzy hnohta Na ngâchhihna a pahnosa aw ei.

THEIHTHAINA 14:42

Alô hropazy la aw ei ta, alô ama thy hapa suzy liata soh aw ei ta, beihlei hropa la aw ei ta, o cha ama pamih pathi aw.

AMÔSÂ 3:2

“Khizaw phopi zydua hry liata, Nâmo deita he ei pahnopa na châ; Chavâta nama moleina zydua vâta Ei cha hrie aw ei.”

MATHAI 25:17

Cha hawhna hra chata talent miano a vaotuhpa chhao, talent miano papôhsa ta.

ZAWHÂNA 10:14

Mietaku vaituh phapa ei châ. Keima eihzy pahno ei na ta, keima eihzy ta eina pahno ei,

ZAWHÂNA 21:17

A ei thôhna ta Zisu ta Pity hnohta, “Saimaw, Zawhâna sawchapawpa, kyh eina pachâ chi ma?” tah ta. Pity cha Zisu ta a ei thôhna ta, “Kyh eina pachâ chi ma?” a tahpa vâta, a pachârôh ta, a hnohta, “Abeipa, ato pahno chi ta, kyh ei cha pachâpa chhao na pahno na,” tah ta. Zisu ta a hnohta, “Ei mietakuzy pasa teh.

HMOTAOPAZY 27:31

Pawla ta pheisaih za kha hyutuhpa nata pheisaihzy hnohta, “He sahlao he balyh liata ama y thlâh ha leipa khiahta cha, a boh aw veih ei chi,” tah ta.

EPHESI 6:4

Nâmo, pawzy saih u, nama sawzy ru pachhô leipa u la, Abeipa chhoreina nata pachuna liata tlao mohôh teh u.

RYHPACHANEINA 32:46

ama hnohta, “Tanoh nama hnohta bie ei reipa zydua liana heta nama pathipalôh khâchâ pachhô u la, he ryhpa bie zydua he zyh ta, tao awpa ta nama sawzy biepie teh u.

1 TIMAWTHY 3:12

Chakaotuhpazy cha lapinô pakha dei a hneipa ama châ awpa châ ta, ama sawzy nata ama chhôhkha khihsatôhtuna a phapa ta mohôh theipa ama châ awpa a châ.

2 TIMAWTHY 1:5

Ngiapâna hmeiseihpa a hneipa na châzie ei pahno. Cha ngiapâna cha na manô Lôisi liata y tua ta, na nô Unisi liata y heih ta, tahmâ nâma liata chhao a y tahpa a siapa ta ei pahno.

2 TIMAWTHY 2:19

Châhrasala, “Abeipa ta ano eihzy a pahno,” tahpa nata “Abeipa moh a padopa maih moleina siesai mawh sy,” tahpa ta chahnao pa-ipa ta, Khazohpa lôbô a ipa cha â duah thlâh haw.

2 TIMAWTHY 3:15

Na hawti no tawhta na pahno chiehpa Biehrai pathaihpazy kha zyh lymâ mah y. Cha Biehrai pathaihpazy cha Krista Zisu ngiapâna vâta pachha châ thei nawpa ta, chyhsa sopa châ pachâsa theipa a châ.

ZAWSUA 24:15

Abeipa chakaopa cha a pha lei awpa hawhta nama pahno khiahta cha, tanoh he ahy ma nama chakao aw, a tlyh teh u. Châ pathlatuhpazy ta Chavah haosâ liata ama chakao tyhpa khazohzy kha ma, nama pahrâ haipa râh Amawri mo khazohzy he ma, a tlyh teh u. Kei nata ei chhôhkha ta la Abeipa eima chakao aw,’” tah ta.

RYUREITUHPAZY 13:12

Manôah ta, “Na biereipazy kha a vaw tlô tita, hawti hrozie awpa cha kheihta châ aw ta, khâpa rai ma a hria aw?” tah ta.